Kerwezeitung 2007 - Kerweborsch vun de Tornhall

Die Die zwo Streithähne
De Maye Ginder, des is koan Witz
Hott seit Joarn schun Krach mit em Roinhoimers Fritz.
Des klingt jetzt zwar gonz furchtbar dumm:
Awwer koaner waaß meh genau, warum.
Uff jeden Fall kenne sich die beide
Iwwerhaapt net aussteh un net leide.
Un im Juni sinn die zwaa Chaote
Mol wirrer onenonner gerote.
De Fritz stond oahnungslos on soim Dor,
Do fuhr de May mit soim Foahrroad vor
Un segt: „Wos gibts donn hier do gaffe?
In der Zeit kenntst de schee wos schaffe.“
Donn fährt er weiter, als wär alles gut,
Doch de Fritz hot gebäbt, vor Zorn un vor Wut.
De Ginder, dieses olde Schof,
Fuhr weiter Richtung Wasserhof.
Doch korz hinnerm Ort hott er oogeholde
Denn dort sah er soi Kumpels, soi olde.
Die mauerte dort fer`n gute Lohn
E Feldscheier fer de Roinhoimer-Sohn.
Sie hatte groad e Peisje gemoacht,
De Ginder hott sich so gedoacht:
Do werd sich jetzt dezugesetzt,
Un emol e paa Wort geschwätzt.
Doch kaum war soin Orsch uff em Stuhl oogekumme
Hott er die Stimm vum Fritz schun vernumme.
Denn aach der woar on die Baustell gefoarn,
Ruckzuck hatte die sich wirrer in de Hoarn.
De Fritz hott die nechstbest Schaufel geschnappt
Un is uff de Ginder zugedappt.
Hot gekresche: Du Doagdieb, verloss unser Scheier
Sunst haag ich dir des Ding in die ... Fress.
Aach de Ginder tat sich bewege
Greift e Maurerbeil vun soine Kollege
Un hoffte, dass er soin Kontrahend
Domit in die Flucht schloage kennt.
Doch die Maurer honn en festgeholde
Un aach de Holger krallt sich soin Olde