AeTsch BaeTsch - Aescher Fasnachtszyttig 2021

13
Äaneumme
Vo Aesch uff Ettige isch äin verschwunde
är het dr Wääg duurs Lappi-rinth nümm gfunde.
Me goot uff Ettige nur wenn me mues
am beschte faartme – goot me z Fuess.
Dä Stüürmi doo, däm stinggts zum laufe,
faart vo Chräis zo Chräisel Ändloosschlaufe
Wottsch vo Ettige diräggt in d Stadt –
faarsch übere Chall – da’sch au no glatt.
Häim uff Ettige und wiider zrugg
faart dr Dääler über Dornach-Brugg.
Jetz drüllt är dört, im Chräisel unde,
scho dr ganzi Morge syny Runde.
Das gfallt iim, das macht en häiss
für iin isch das wie Formel äis.
Zue de Gugger muesch, duät äine flueche,
dr Wääg all halbe Daag nöii go sueche!
Für d Gugger gitts, es isch dr Waan,
nääb dr nöiie Strooss e Velobaan.
Die Griene häi doletschti, z Nacht,
dr Verdraag derzue scho fertig gmacht.
Am Morge faart me, säit dr Schugger,
über Rynach zue de Gugger.
Faarsch diräggt uff Aesch vo Maria Stäi,
chunnsch vor de zwölfe wiider häi!
Ääne dääne disse
wär het ächt dr Blaaner bisse?
.wö
DOM
Wäärend d DOMestike,
vor em DOM dien kicke,
dien DOMinikaner dinne,
DOMinique – nique singe
und pfyfft dr DOMspatz Monia
goot dr DOMherr zu dr DOMina.
Schnupf