6 Aescher Fasnachts-Zyttig 2021
7VirologischMit ere Fläädermuus us China,foot die ganzi Pandemie aa.Zerscht daarffsch enand d Hand nümme gää,noohäär muesch zwäi Meeter Abstand nää.Spöötischtens denn dräit s Hirrni uff «root»:Griegsch paanischi Angscht ums däägliche Broot.Für Schyssybabyyr bruuchsch dr Räscht vom Loon,aber gkauft hättsch besser e Pagg Kondoom.Abstand halte isch für mii käi Brobleem,d Lüt wyychen uus, wenn s mii numme scho gseen.Denn duur die Kryyse duet sich entbubbeiich ghöör zun ere vulnerable Gruppe.Zeerscht bruucht daas Woort dr Alain Berset.Iich güggelen uff dr Stell im Internet.Döört stoot «verletzlich und aafällig»,mäinsch grad, syygsch scho üüberzällig.Daas «Home-Office» chaasch glatt vergässe,hesch jo käi Kantine zum Zmidaagässe.Näi, muesch daas Ässe sälber choche,d Frau duet wie gstoche ummeblocheund d Chatz uff em Büürodisch spaziere,soo chaasch di üüberhaupt nümm konzentriere.Daas säit mer ä Junge und Gstudierte,iich kenn daas scho lang als Bangsionierte.S verzellt au ständig dä Daniel Koch:«Göönd nit uuse, blyybet im Loch.»Wäärend miir dehäim enand aaeggle,chan är mit de Hünd im Wald ummeseggle.Denn duet er dr Kontakt mit den Änggel verbiete,noohäär daarffsch se drugge, aber nit hiete.Ändligg ischs denn voorbyy mit Schaade,är macht en Abgang – und goot go baade.Die Sach wird noohäär e bitzli logger,nur dr Bäize-Bsuech haut mii nit vom Hogger.Äs chunnt mer voor wie in Kentucky,du stoosch am Yygang wien e Lappi.Noon em kontrollierte Desinfiziere,muesch schnuerstraggs zum Disch marschiere.Nöi isch – duesch dr d Auge ryybe, –S Zueproschte duur die Plastikschyybe.Noon ere Eewigkäit bin ii wiider in my Knille,um döört soo richtig dr Duurscht goo stille.Dinn hogge wie voorhäär die glyyche Lüt,veränderet het sich sunscht au nüt.Mit Abstand halte nimmt mes nit soo gnau,d Gäscht schwätze noo wie voor nit schlau.Doch öppis isch nöi, fascht sensazionell,uff em Hüüsli het s e Säifi uff em Gstell.D Schwinger döörffe nooni schwinge,d Sänger – mit Abstand lyyslig singe.Doch s macht Schwinger und Sänger muff:«Lock-erig» daarffsch scho wiider ins Buff.Haltisch Abstand, syyg s wie s well,mit em Sprung ab em Büechergstell?Au an ere Hochzytt daarff me danze,mit soziaaler Dischdanz – Ranze an Ranze.Au sunscht will die «Lock-erig» nit rächt gyyge,d Fallzaale dien scho wiider styyge.Die Partygäscht wäärde ständig jüngerund die vo Züüri – immer dümmer.Jetz dien mr uns mit dr Masgge schütze,syt me si chaa haa, duet die schyynts nützeund miir waarte noon e bitzli mit em Impfe,sunscht hän mr uff äimool nüt mee z Schimpfe.S isch z hoffe, är ändet äinisch, dä Fluech,sogaar dr Blocher gnagt scho am Hungertuech.SchnupfS pädagogisch Systeem stoosst voll an d Gränze,wenn dr Soziaalhund d Schuel duet schwänze.