AeTsch BaeTsch - Aescher Fasnachtszyttig 2021
Aescher Fasnachtszyttig 2021 Sujet: Weisch wenn
Aescher Fasnachtszyttig 2021
Sujet: Weisch wenn
- TAGS
- aetsch-baetsch
- fasnacht
- aesch
Erfolgreiche ePaper selbst erstellen
Machen Sie aus Ihren PDF Publikationen ein blätterbares Flipbook mit unserer einzigartigen Google optimierten e-Paper Software.
25
Aescherliggs (zwäite Däil)
Do gits au dr Kirchmayr Klaus,
ganz sicher isch är käi Banaus.
Macht non e Schygg,
mit sym Wello-Tigg.
Doch politisch gits käi Applaus.
Du gseesch d Hollinger Mariann,
nümm hüüffig im Aescher Bann.
Bi de Helleene,
hilft sii jetz deene,
wo aarm blyybe – s Lääbe lang.
D Chatz vom Martin Glatz,
het e bsundere Lieblingsblatz.
Nid öbben im Gaarte,
vor em Pub duet sii waarte,
chunnt er ändlig, macht siin e Satz.
Äs macht au dr Erich Wyss,
alles zämme mit vyyl Flyss.
Zäigt, wo s duure goot, –
im Kommissionsroot
und zwoor ganz ooni Gschyss.
Z Pfäffige gits e Sven Stohler,
isch nid Muurer und nid Mooler.
Näi Gmäinspräsidänt!
Woont ooben am Gländ.
Wyt ab vom Gschütz ischs iim wooler.
Äs isch halt dr Ruckli Alois,
bim Schieberjass nid bsunders lyys.
Pflanzt uff syyner Matte,
ganz vyyl Tomate
und macht Sugo – zum Yystandsbryyss.
Ganz flyssig isch d Iris Finger,
hoggt sälte in iirem Zimmer.
Bringt allne d Fläsche,
duet au d Wösch wäsche,
doch an s Lotto goot sii denn immer.
Äs setzt sich d Sibylle Piel,
fascht dääglich nöiy Zyyl.
Isch iniziativ,
also seer aggtiv,
wäg em Toni – dä macht jo nid vyyl.
Schnupf