Meine - Cadenberge

Nimm di maal Tied
Ick will di afsolut nix opsnacken oder
vörbeern, aver överlegg maal, wo dien
Tied di wegloopen deit. Du geihst na
School, warst entlaaten un fangst an to
leern oder to studeern.
Un denn? Denn maloochst du! Fangst
Dag för Dag bitieden an, kummst laat no
Huus. Un wenn du Pech hest, most du
noch stünnenlang na de Arbeit hen- un
wedder trüchföörn. Un Tohuus givt dat
faken jo ok noch wat to daun.
Du hest woll Weekenend, aver markst
du dat? Wenn dat Weer dat tolett, prünscherst
du in‘n Goorn rüm oder söchst
di anners wat un hest keene Tied för di
sülm?
Mi geiht dat ok nich veel anners. Blooß
an‘n Sündag dor maak ick nix. Dat, wat
ick in de Week nich schafft heff, löppt mi
an‘n Sündag ok nich weg.
Ick kann di nur raden: Nimm di de
Tied, maak doch wat mit de Familie – wo
gau sünd de Gören groot – oder sett di
op‘t Rad un fööhr maal dör de Wischen.
Du glöövst gor nich, över wat du di denn
freun kannst.
So wöör dat för mi dütt Johr wedder
richtig schöön, as ick de eersten Lerken
to seen kreeg, as se opsteegen nahn Häven
to un dorbi so wunnerbor tirilierten
– un as de Kiwitt‘s eer Kunstflöög maken
deen. Du weest denn: Dat Frööjohr
kummt wedder, de Welt is schöön: „Gott
Vadder, dat hest du good maakt.“
Oder sett di maal an‘n Balksee. Keen
Larm is dor, reine Stille! Dat eenzige
wat du villicht höörn kannst, is‘n Aant,
de dor rümquaakt. Du kummst to Rooh
un weest noch eenmaal: „Gott Vadder,
dat hest du good maakt.“
Ick weet nich, ob du in‘n Sommer in
Urlaub fööhrst. Wenn du dat deist,
nimm di ok maal Tied för di. Gaa mal an
Aabend, wenn nümms meehr dor is, an‘
Strand un sett di dor still hen. Du höörst
dat liese Plätschern von Waater, süst de
Steerns („Weißt du, wieviel Sternlein stehen?“)
un markst: de Stille deit di good.
De Welt is schöön: „Gott Vadder, dat hest
du good maakt.“
Dat givt noch een Stee, wo du to Rooh
kamen kannst: Nimmt di maal de Tied
un sett di liese in een Kark – nich in so
Plattdeutsche Gedanken / Bläserserenade
een, wo de Touristen so dörloopt, ne, een,
wo du ganz alleen binnen sitten deist –
un dann kannst du düütlich marken: De
Stille deit mi good. De Welt is schöön un
ick weet: „Gott Vadder passt op mi op.“
Gerd Lafrenz
Bläserserenade
im Schlosspark Cadenberge
Am Freitag, 1. Juli findet um 19.30 Uhr
im Schlosspark Cadenberge eine Serenade
der Kreisbläsergemeinschaft Land
Hadeln statt. Es erklingen beliebte und
bekannte Musikstücke, Volkslieder,
Evergreens wie La Paloma und ein Stück
von den Beatles zum Hören, Mitsingen
und Mitswingen. Veranstalter ist der
Kirchenkreis Land Hadeln. Bei schlechtem
Wetter findet die Serenade in den
Räumen der benachbarten Berufsschule
statt. Auch für das leibliches Wohl ist
gesorgt.
19