Spitex Region Emmental Ausgabe Dezember 2023

Scho simer bim Gasthof Grossteil, Giswil. Dr Wirt grüesst
is. Düre Garte gömer ine grosse Saau. Mir si öppe 120
Persone. Jede überchunnt es Fläschli z’treiche, was me
wott. D Servierfroue bringe es Täuer mit Chrugeli-Pastetli,
feine Pomfritt, Ärbsli u Rüebli. Zum Dessär drei Chugle
Glace mit Nidle. No es Miuchgaffee zum gniesse.
KLIENTENREISE
2023.
Spaziere chame nid bi däm Näbu. Am haubi föifi fahremer
wieder. Me gseht chli ds Stanserhorn. Es het viu Verchehr.
Im Sunnebärgtunnu isch es chli uhimelig. Ds Ämmebrügg
isch e grossi Bousteu. Profiu für Hochhüser. Itz isch sogar
chli Blau am Himmu. Me gseht die farbige Büüm. Viu Tier
uf de Wiide. Am haubi siebni simer im Truebschache. Ig
danke am Chauffeur für die schöne Fahrt. Viu Dank dr
SPITEX für das feine Ässe u die gueti Betreuig. Natürlech
für das feine Znüni. D Froue u d Manne hi viu prichtet vom
Läbe. Vielech gsehmer üs wieder im nächschte Jahr, we
Corona u dr Chrieg üs verschohne.
ERIKA RENTSCH
Am Zischtig, 24. Oktober 2023, gö mir ga reisle. Es rägnet
u es isch chaut. Viertu vor zwöufi bringt mini Tochter Silvia
mi a Bahnhof. Am zwöufi chunnt dr Chauffeur u hiuft üs
es Plätzli sueche. Mir fahre nach Chise. Uf dr Outobahn
gits scho ds «Znüni», ä Bächer Wasser, Knoppers u Täfeli.
E Frou vo Zoubrügg näb mir verzeut viu us ihrem Läbe.
Dr Thunersee isch grau. D Bärge si im Bett. Am Brienzersee
fahremer dür Dörfli. Ufem Brünig gseht me nüt. Mir
si zfrüech. Mir fahre dür ds Dorf Lungere. Der Chauffeur
verzeut e grusigi Gschicht wo vor viune Jahre isch passiert.
28
29