Escher Gemengerot - Esch sur Alzette

6. Office social:
déi extremistesch Ausschwäifungen déi dann
an deenen Diskussioune virkommen, solle
mer mol op der Säit loossen.
Buergermeeschter Lydia Mutsch (LSAP):
Merci, Här Jaerling. Dann äntwert kuerz
d'Madame Spautz.
Schäffin Vera Spautz (LSAP): Merci. Mech
erfreet ëmmer erëm den héijen Niveau op
deem mer kënnen diskutéieren. Dat ass all
Kéier erëm eng Freed.
Ech wollt net jiddwerengem op dat äntwerte
wat e gefrot huet oder gesot huet. Ech wollt
einfach allgemeng soen: Dat Dokument hei,
dat ass keng Bibel. Dat Dokument sinn
Analysen an Aussoe vu Matbierger déi
gemaach gi sinn. Net vum Schäfferot oder
vum Gemengerot. Vu Matbierger déi Froe
gestallt kritt hunn, déi eppes gesot hunn zu
der Notzung vu bestëmmte Servicer, Projeten
an esou weider, wéi ech et am Ufank gesot
hat. An ech mengen et géif eis alleguerte gutt
zu Gesiicht stoen dat an eis weider Iwwerleeungen
afléissen ze loosse fir eis zukënfteg
Politik hei zu Esch ze gestalten. Ech weess net
wéi ech soll op bestëmmten Aussoe reagéieren.
Wann ech awer matkréien oder wa mer
matkréien, datt et eng Diskriminéierung gëtt
zwëschent auslännesche Kanner a lëtzebuerger
Kanner an eise Schoulen, datt et eng
Diskriminéierung gëtt an dann huet dat
nëmmen en Deel mat Geschlecht ze dinn.
Dat huet einfach eppes mat der Nationalitéit a
mam Bildungshannergrond och vun Elteren ze
dinn, mat soziale Kritären huet et ze dinn. Et
huet mat Méiglechkeete wou déi Elteren hunn
ze dinn, da wonnert mech dat net wat hei an
deem Dokument dobäi erauskomm ass. Mir
hunn eng Situatioun a mir kommen op en
nächste Punkt, dat ass de Budget vum Office
social, deen ass wéi et hei zu Esch ass. An
ech denken da sollte mer kucken, Iwwerleeungen
a Suggestiounen déi zum Deel
ugeduecht sinn, an och nach keng Bibel sinn,
mataneisPolitikenafléissen ze loossen, um
Hannergrond vun deenen Informatiounen déi
mer hei hunn an net nëmmen hei. Et gëtt en
Observatoire social deen am Moment amgaangen
ass eng ganz Rei Saachen auszeschaffen.
Et gëtt de Sozialbericht dee
weidergefouert gëtt, an, an, an. Dat heescht,
niewent Geschlecht ginn et hannendrun, an
dofir war et och esou ugeluegt, eng ganz Rei
Diskriminéierungen déi hei zu Esch sinn,
onbewosst, a si sinn zum Deel elo opgedeckt
gi fir datt mer kënnen drop reagéieren. Méi
wollt ech eigentlech net méi dozou soen.
19
6. Office social:
a) Budget rectifié 2009 et budget
2010; décision
b) Allocation de vie chère communal;
avis
Buergermeeschter Lydia Mutsch (LSAP):
Gutt. Merci, Madame Spautz an och Merci
deenen déi matdiskutéiert hunn. Mir kéimen
dann zu eisem Office social an do bleift
d'Wuert bei der Sozialschäffin.
Schäffin Vera Spautz (LSAP): Jo, esou wéi et
Traditioun ass, ass de Budget vum Office social
praktesch ee Mount virum normale Budget hei
am Gemengerot a gëtt virgestallt. Ech ginn och
do net an all Detailer eran. Ech wollt awer e
puer Bemierkungen zum Budget maachen.
Am Budget rectifié vum Exercice 2009 fannt Dir
an de Recetten 5.475.294,15 an an den
Dépensen 4.371.703,68. De Budget fir den
Exercice 2010 huet an de Recetten, gesäit e vir
4,458.116 Euro, an Dépensen 4.447.753,68
Euro. Dat sinn Zuele mat deene kënne mer
eigentlech esou näischt ufänken, well se
d'Realitéit net erëm ginn. Dat ass de Budget
vum Office social, wéi mer en opstellen all Joer
a wéi no de Kritäre wéi mer et och gesot kréie
vum Ministère. Ech kann Iech awer elo scho
soen, datt eng Rei Saache sech dran
erëmfanne wou ee muss wëssen. Zum
Beispill sinn innerhalb vun dësem Joer
300.000 Euro manner Avancë fir RMG u Leit
bezuelt ginn, well dat elo majoritaire vun dem
Ministère aus selwer iwwerholl gëtt, respektiv
vum SNAS. A wann een de Budget am Detail
analyséiert, mat den Hannergrondinformatiounen
déi mer och vum Office social hunn a
kréien, da läit en ëm 400.000 Euro méi héich
wéid'leschtJoer.OchwannandeRecettëvun
2009 5.400.000 Milliounen an esou stinn,
huet dat mat enger Tranche u Recetten déi
mer vum Intérieur kritt haten, déi ze spéit
koum, an déi huet du missten an dee Budget
ageschriwwe ginn. Se ass ze spéit komm.
Mir diskutéieren net nëmmen iwwert de
Budget vum Office social, mä och zu deem
wat mer Gromperegeld nennen hei zu Esch. Et
kënnt en neit Reglement, wat ech vläicht direkt
parallel mat abezéien an déi ganz Iwwerleeungen.
Eist Gromperegeld, wat mir hei zu
Esch zënter 2003 agefouert hunn, huet sech
deemools geriicht u Leit, déi natierlech hei zu
Esch um Terrain wunnen, 50 Joer hu missten
hunn an deem Joer wou se et ugefrot hunn,
an hir Revenuen dierfen eng Rei Plafongen net
iwwerschreiden, esou wéi dat hei elo
virgesinn ass bei deem neien Dokument. Am
Laf vum Joer ass dee Kritär iwwerschafft ginn
an et ass gesot ginn, vu que déi trotzdem
zimlech sozial dramatesch Situatioun vu ganz
ville Leit, setze mer den Alter erof op 18 Joer.
Ab 18 Joer ka jiddweree wann hien eng
Demande mécht an de Kritären entsprécht,
selbstverständlech an de Genoss da komme
vun deem sougenanntenen, wéi mir et kannt
hunn oder ëmmer gesot hunn, Gromperegeld,
déi Allocation de vie chère.
Ech wëll Iech zwee Chifferen, dräi Chiffere
soen. Den 31. Dezember 2008 d'lescht Joer,
hate mer hei zu Esch 1.212 Clienten um Office
social. Elo, virun zwee Deeg, hu mer schonn
1.316 Clienten um Office social gehat an d'Joer
ass nach net eriwwer. A vu September op
November dëst Joer hu mer 243 Cliente
bäikritt. 243, dat stellt einfach d'Situatioun duer
andärmersinnheizuEschanandärmereis
befannen a wéi enger Kris datt mer sinn. Bis
elo si ronn 4.500 Visitë vu Clienten, wéi se
genannt ginn, op dem Office social gemaach
ginn. Do si guer net déi Leit dobäi, wou mer
als Office social eng Konventioun hu mat der
Croix Rouge a mat der Liga, déi jo muss
iwwerschafft gi wann dat neit Gesetz 2011
dann eréischt a Kraaft trëtt. Och bei hinnen ass
d'Tendenz natierlech absolut steigend u Leit
déi bei si kommen.
Ech wëll nach e puer Bemierkunge maache
wéi eng Leit kréie bei eis Secoursen. Mir hunn
e grousse Problem bei de Leit déi finanziell
Secourse brauchen. Mir hunn 2.410 Secourse
bis elo u Leit erausginn, dat heescht Bonge fir
Iessen ze goen oder Alimentatioun anzekafen
a Saache wou se hu missten direkt bezuelen.
Mir hunn immens vill Leit, déi mëttlerweil
musse finanziell ënnerstëtzt ginn. De Chômage
ass geklommen. Dir hutt gëschter déi
leschten Zuele matkritt. Mir hu 6% Chômage
am Land. Dat wäerten dann zwëschen 11 an
12 hei zu Esch sinn. Mir hunn e grousse
Problem bei Faillite wou Leit musse Geld
virgestreckt kréien. Faillite vu Betriber hei aus
dem Süden wou Avancë gemaach ginn.
Ëmmer méi Problemer beim Wunnengsraum.
Bis elo hu mer 42 Déguerpissementer hei zu
Esch, vu Leit déi definitiv op d'Strooss gesat gi
sinn. Definitiv. Ech hu schonn oft gesot wat an
de Cafészëmmere lass ass a wéi mëttlerweil
privat Schlofhändler wonnerbar Geschäfter
maachen um Misère vun de Leit. Mir hunn
e Problem beim Jugendchômage hei zu Esch.
Dofir gëtt et Zäit datt séier mer kënnen
d'nächst Joer eise Jugendkommunalplang
ëmänneren. Eise Foyer de nuit ass zou bis
Escher Gemengerot vum Freideg, den 27. November 2009