industry news - SAPA

INDUSTRY NEWS
Hierdie proses behels 'n Plaas-tot-Vurk (Engels: Farm-to-Fork)
benadering, deurdat die verwerkte of onverwerkte eindproduk
se oorsprong tot op die plaas waar dit geproduseer is,
nagespeur kan word. Elke handeling waaraan die produk
blootgestel word, word gedokumenteer en moet voldoen aan
die neergelegde standaarde. Die implementering van 'n
kwaliteitsisteem verseker dat elke skakel in die ketting aan
kwaliteit standaarde moet voldoen om aan die einde 'n produk
van uitnemende gehalte te lewer. Die uiteindelike doel is dat
elke skakel in die ketting gesertfiseer sal word deur 'n
geakkrediteerde instansie teenoor internasionaal aanvaarde
standaarde. 'n Belangrike aspek wat die geloofwaardigheid van
die kwaliteitstelsel ondersteun, is laboratorium toetsing vir die
teenwoordigheid van bakteriese en chemiese kontaminante. Dit
word gedoen deur die neem van monsters op voorafbepaalde
stadiums van die produksiesiklus, vir toetsing deur
geakkretiteerde laboratoriums.
Op die plaaslike front in Suid Afrika het die kleinhandel die
afgelope jare 'n baie suksesvolle Goeie Boerdery Praktyk (GBP)
(Engels = Good Agricultural Practise (GAP)) projek geloods in
die groente- en vrugtebedryf. Alle groente en vrugte wat plaaslik
deur die kleinhandel aan die verbruiker verskaf word, het hulle
oorsprong op plase
wat aan GBP voldoen. Hierdie akkrediteerde vrugte- en
groenteplase is ook in 'n posisie om hulle produkte uit te voer na
die meeste markte in Europa. Dit is alombekend dat die
Europese owerhede geweldig krities is en dat die kwaliteit van
produkte 'n absolute voorvereiste is. Aanvaarding en
implementering van die bepaalde kwaliteitsisteme deur die
plaaslike groente- en vrugteprodusente is grootliks
verantwoordelik vir hulle sukses. Wat die voerbedryf betref, was
AFMA instrumenteel in die vestiging van GVP (Goeie
Vervaardigings Praktyk, Engels: Good Manufacturing Process)
in voermeulens, insluitende die implementering van
gedragskodes wat die voorsiening van veilige voedsel aan
produksiediere meebring. Die meeste voermeulens voldoen dan
ook aan die streng ISO 9001 en ISO 22000 vereistes.
“Dit is ongetwyfeld 'n area waarop die
pluimveeprodusent van die toekoms hom of haar moet
toespits, indien hulle produkte aan die kleinhandel wil
lewer”
Verskeie kleinhandelaars in die voedselbedryf het dan ook hulle
eie standaarde vir die pluimveebedryf daar gestel waarvan
dierewelsyn en voedselveiligheid die twee belangrikste
komponente uitmaak. Produsente wat aan diè kleinhandelaars
hoenderprodukte lewer, moet aan die vereistes voldoen,
alvorens hulle produkte aanvaar sal word. Die Suid Afrikaanse
Pluimvee Vereniging (SAVP) is tans besig om hulle gedragskode
vir die pluimveebedryf te hersien, maar dit dien slegs as 'n riglyn
en word nie as 'n standaard vir 'n kwaliteitstelsel beskou nie.
Die kleinhandelaars wil die bal aan die rol sit deur die vestiging
van GBP deurdat hulle die voordeel daarvan insien om aan te
dring op hoë boerdery standaarde, wat veral in die
pluimveebedryf van toepassing is. Dit is ongetwyfeld 'n area
waarop die pluimveeprodusent van die toekoms hom of haar