CLOVER INDUSTRIES LIMITED CLOVER INDUSTRIES BEPERK

More documents

Recommendations

Info

6 FINANSIËLE OORSIG Die ses maande onder oorsig het op ’n baie sterker noot geëindig as die eerste ses maande van 2009 en die ooreenstemmende ses maande van 2008. Terwyl die laaste gedeelte van die jaar tradisioneel beter is as die eerste deel, het die prestasie verwagtinge oorskry en, meer belangrik nog, op die regte plekke. Koste was laer en die produkmengsel het aansienlik verbeter. Clover Beverages Beperk (Clover Beverages) en Danone Clover (Pty) Ltd (Danone Clover) het ten spyte van die swak ekonomie en algemene druk op waarde-toegevoegde produkte weer eens goeie prestasie getoon. Die aanhoudende styging van insetkoste in sekere sleutelareas het gedurende hierdie tydperk afgeneem. Wanneer dit met die tydperk geëindig 31 Desember 2008 vergelyk word, het winsgewendheid toegeneem met baie laer koste, nadat die gewone infl asionêre druk op die meeste kostekategorieë in ag geneem is. Die strategiese onttrekking aan die grootmaatkaasmark het ten spyte van laer verkoopsvolumes gelei tot verbeterde gemiddelde markrealisasies en inkomste. Die ekonomiese krisis het die Groep genoodsaak om sy fokus op die besigheidsmodel te verskerp. Dit het ’n ontleding van sy totale produkreeks, die roete daarvan na die mark en die herontwerp van sy hele voorsieningsketting onder die Cielo Blu projek ingesluit. Ongelukkig was dit nodig om die organisasie te herstruktureer en meer as 200 relatief senior mense is deur middel van projek Novus Forma afbetaal. Die kwessie van herkapitalisering is reeds vir amper 10 jaar in oorweging. Gedurende die jaar het ’n geleentheid ontstaan toe die Danone Groep die wens uitgespreek het om Clover se 45% aandeelhouding in Danone Clover te koop. Die ooreenkomste ter afhandeling van hierdie verkooptransaksie van R1,09 miljard is in Desember 2009, effektief 1 Januarie 2010, onderteken. Benewens die verandering in die aandeelhouerstruktuur van Danone Clover, het die ooreenkomste die verhouding tussen Clover SA (Edms) Bpk (Clover SA/Clover) en Danone Clover herdefi nieer deur die dienste wat Clover SA steeds in die toekoms aan Danone Clover sal lewer. Dit sluit die verskaffi ng van roumelk en die verspreiding van produkte in. Die opbrengs ontvang uit hierdie transaksie sal gebruik word om van die Groep se skuld te delg, sommige van sy fabrieke te herposisioneer en die distribusiefasiliteite te hervorm - projekte wat ’n geruime tyd reeds oorweeg word. Finansiële posisie en resultate Die Groep se toepassing van die gewysigde IAS1, wat sekere openbaarmakings en klassifi serings vereis, wat verskil van dié wat in die verlede gebruik is, het die hersamestelling van sommige van die vergelykende syfers in die tussentydse fi nansiële state genoodsaak. Wanneer hulle die tydperk se resultate oorweeg, moet lesers in gedagte hou dat die inkomstestaat se vergelykende syfers, asook die balansstaat soos op 31 Desember 2008, steeds die Groep se 45% aandeel in Danone Clover insluit wat proporsioneel tot 31 Mei 2009 gekonsolideer is. Soos in die 2009 jaarlikse fi nansiële state verduidelik, is Danone Clover gedekonsolideer met effek van 1 Junie 2009 en word nou as ’n geassosieerde maatskappy openbaar gemaak en te boek gestel. Vir die doel van betekenisvolle vergelyking, is die inkomstestaat-bedrae en afwykings waarna daar hierna verwys word, bereken deur die Groep se aandeel van Danone Clover se inkomste en uitgawes vir die tydperk geëindig 31 Desember 2008 uit te sluit en sal dit dus nie sigbaar wees in die staat van omvattende inkomste nie.
Inkomste het met 5,3% verhoog op 3% laer verkoopsvolumes en kan toegeskryf word aan die Groep se uittrede uit die onbestendige grootmaat-kaasmark en gevolglike produkmengsel van ’n hoër waarde. Koste van verkope het in ware terme verlaag weens die konsolidering van die twee kaasfabrieke in een fabriek, laer verpakkingskoste, en laer brandstof- en ander grondstofpryse wat deur laer internasionale kommoditeitspryse beïnvloed is. Hierdie faktore, tesame met ander inisiatiewe om koste te verlaag, het daartoe gelei dat die brutomarge met 2,4% verhoog het na 29%. Die kostebesparende inisiatiewe het ’n verdere 1% besparing in ander vaste koste tot gevolg gehad ten spyte van infl asionêre druk op die meeste van hierdie koste. Ander inkomste het met R46,6 miljoen verhoog, wat ’n wins van R50 miljoen op die verkoop van die Boksburg-fabriek aan Danone Clover as deel van daardie maatskappy se herkapitalisasie insluit. Soos vroeër genoem, het Project Novus Forma gelei tot die afbetaal van meer as 200 senior personeellede, wat tesame met ander herstruktureringsprojekte gelei het tot ’n bykomende koste van R78,9 miljoen vir die tydperk. Gevolglik het bedryfswins met 284% tot R123,1 miljoen van R32,1 miljoen verhoog na aanpassings vir die Groep se aandeel van Danone Clover se resultate vir die ses maande geëindig 31 Desember 2008. Laer rentekoerse, tesame met verbeterde bedryfskontantvloei, het fi nansieringskoste met R15,4 miljoen verminder, indien die Groep se aandeel van Danone Clover se fi nansieringskoste vir die tydperk geëindig 31 Desember 2008 uitgesluit word. Die Groep se aandeel van Danone Clover se na-belastingwins gekonsolideer in die ses maande geëindig 31 Desember 2008, vergelyk met die inkomste van die geassosieerde maatskappy vir die tydperk geëindig 31 Desember 2009, toon ’n effektiewe verhoging van 27,7% tot R32,1 miljoen. Netto wins vir die tydperk was dus R98,2 miljoen of 825% hoër as die ooreenstemmende tydperk in 2008. Die ses maande tot Desember is gewoonlik ’n tydperk wanneer voorraad en debiteurevlakke aansienlik styg in reaksie op die hoë seisoenale melkproduksie en hoër feesseisoen-verkope. Die Groep het hierdie tendens vir die oorsigtydperk omgeswaai en daarin geslaag om voorraad op laer vlakke te hou as dié in Junie 2009. Dit is bereik met ’n daadwerklike poging om verpakkingsmateriaal, verbruiksgoedere en onderdele voorraadvlakke te verminder, tesame met melkinname wat beter ooreenstem met melkverkope as tydens die melksurplus in 2008. Benewens die beheer van voorraadvlakke was die verhoging van debiteure van Junie 2009 meer as verreken deur die verhoging van handelskrediteure, wat ’n netto verlaging van bedryfskapitaalbelegging van R149,3 miljoen tot gevolg gehad het, teenstrydig met die normale seisoenale tendens. Die vermindering van bedryfskapitaal-belegging, tesame met die vroeë ontvangs van die verkoopopbrengs van die Groep se aandeel in Danone Clover van R1,09 miljard en die verhoogde winsgewendheid, het ’n positiewe kontant-invloei van R1,3 miljard vir die tydperk tot gevolg gehad. Hierdie kontant is hoofsaaklik aangewend vir die terugbetaling van skuld van R521,8 miljoen, rente en dividende van R91,2 miljoen en kapitaaluitgawe van R42,3 miljoen. Die oorblywende netto kontant van R689,8 miljoen is op 31 Desember 2009 in korttermyn-daggelddeposito’s belê. Na-balansstaatgebeure Benewens die verkoop van die Groep se 45% aandeel in Danone Clover op 1 Januarie 2010, soos hierbo genoem, het Clover Industries Beperk op 15 Maart 2010 aangekondig dat hy ‘n opsie van Hosken Consolidated Investments Beperk uitgeoefen het om die 34,9% aandeel van daardie maatskappy in die gewone aandele van Clover Industries Beperk terug te koop. Die opsie vereis verder ‘n aanbod aan al die voorkeuraandeelhouers vir hulle regte om te deel in gewone dividende van die maatskappy, asook die omskakeling van die aandele in instrumente wat na drie jaar en een dag uitbetaal sal word. Die omgeskakelde voorkeuraandele sal 7 voorkeur-dividende gelykstaande aan 90% van die prima oortrokke koers ontvang. Gekoppel met hierdie transaksies sal die Groep se uitvoerende bestuur inskryf vir 30% van die uitgereikte gewone aandelekapitaal van die maatskappy. Al die bogenoemde transaksies is gekoppel en is onderworpe aan goedkeuring deur middel van spesiale besluite deur beide die gewone en die voorkeur-aandeelhouers van Clover Industries Beperk. Benewens die bogenoemde het geen noemenswaardige gebeure na die datum van die balansstaat plaasgevind nie. Kompetisiekommissie In die jaarverslag vir 2009 is verslag gedoen dat die Mededingingstribunaal bepaal het dat daar sekere onreëlmatighede was in die dagvaardings wat in 2005 deur die Kommissie teen Woodlands Dairy (Edms) Bpk (Woodlands) en Milkwood Dairy (Edms) Bpk uitgereik is. Die Mededingingsappèlhof het sedertdien bevestig dat die dagvaarding teen Woodlands ongeldig is. Ingevolge die uitspraak moet die Kommissaris al die dokumente wat as deel van die verwysing van Woodlands verkry is, insluitend die rekords van die ondervraging van Woodlands se getuies, terugbesorg. Woodlands en die Kommissaris het sedertdien by die Mededingingsappèlhof aansoek gedoen om verlof om te appelleer op spesifi eke aspekte, maar hulle was onsuksesvol. Woodlands het nou by die Hoogste Hof van Appèl spesiale verlof gekry om te appelleer. Woodlands beweer dat die Mededingingsappèlhof versuim het om aandag te skenk aan sekere regsgevalle, wat moontlik die totale beëindiging van die geding teen Woodlands tot gevolg sou kon hê. Woodlands beweer dat daar ’n ongeldige klagte, ’n ongeldige ondervraging, ’n ongeldige ondersoek en ’n ongeldige verwysing was. Clover wag op die uitspraak van die Hoogste Hof van Appèl, aangesien die 2005 dagvaarding teen Clover dieselfde bewoord is as Woodlands se dagvaarding. Clover het die Kommissaris in kennis gestel dat hy van voorneme is om soortgelyke besware teen Clover se dagvaarding en ondervraging van die Clover-getuies te maak. Aansoek vir die Aanwysiging van die suiwelbedryf Die Departement van Handel en Nywerheid het nog nie op Clover se aansoek vir die Aanwysiging van die suiwelbedryf, wat op 14 November 2008 by die Minister van Handel ingedien is, gereageer nie. Gedurende 2009 het die Departement aangedui dat Clover gedurende September 2009 oor die vordering met die proses ingelig sou word, maar tot dusver is daar geen vordering om oor verslag te doen nie. Vooruitsig Die beskikbare nuwe fondse het Clover se mededingende vermoë verbeter en die toekoms meer belowend laat lyk as twee jaar gelede. Die verbetering in die ekonomie is reeds sigbaar wat die Groep se produkte betref. Nuwe kapitaalprojekte word tans ondersoek en sal marge verder tot die Groep se voordeel vergroot. Clover se melkvloei sal na verwagting vir die res van die jaar gebalanseerd bly. Infl asiedruk op sy produkte sal grootliks teengewerk word deur die laer koste waarna daar vroeër verwys is. Voorraad is op hanteerbare vlakke en die positiewe kontantvloei wat dit tot gevolg het sal, tesame met laer rentekoerse, ’n positiewe effek hê op die Groep se winste. JAH Bredin JH Vorster Voorsitter Hoof Uitvoerende Beampte
Page 1: CLOVER INDUSTRIES LIMITED UNAUDITED
Page 4 and 5: 4 FINANCIAL OVERVIEW The six months
Page 8 and 9: INTERIM CONSOLIDATED STATEMENT OF C
Page 10 and 11: INTERIM CONSOLIDATED STATEMENT OF C
Page 12 and 13: INTERIM CONSOLIDATED CASH FLOW STAT
Page 14 and 15: NOTES TO THE INTERIM CONDENSED CONS

CLOVER INDUSTRIES LIMITED CLOVER INDUSTRIES BEPERK

Create successful ePaper yourself

Delete template?

Save as template?