Bankë e grupit - Intesa Sanpaolo Bank Albania

Raporti Vjetor 2012
Marrëdhënia me punonjësit
Gjatë vitit 2012, Intesa Sanpaolo Bank Albania inkurajoi një mjedis konkurrues midis punonjësve të
vet, zhvilloi aftësitë e tyre komerciale dhe vlerësoi potencialet e punonjësve.
U aplikua një metodologji e re e sistemit të vlerësimit nëpërmjet përcaktimit të Treguesve Kryesor të
Perfomancës për çdo punonjës në drejtorinë qendrore krahas objektivave për sistemin e stimujve për
punonjësit e rrjetit, duke siguruar në këtë mënyrë realizimin e strategjive kryesore të bankës.
Në anën e tyre, punonjësit e bankës janë angazhuar duke bërë përpjekjet më të mira për të ofruar
klientëve të bankës një shërbim të përditshëm të pakrahasuar, duke dhënë ndihmën dhe përkushtimin
tyre në funksion të plotësimit të nevojave dhe përparësive të klientëve.
Banka vazhdoi të tërheqë, ruajë dhe zhvillojë aftësitë e biznesit të punonjësve. Në këtë kontekst,
Departamenti i Burimeve Njerëzore përgatiti dhe organizoi trajnime të specializuar për: Kulturën e
Kredisë për Korporatat, Sistemet Globale të Performancës, projekti “To Be” për të ristrukturuar dhe
thjeshtuar aktivitetet e operacioneve në degë dhe centralizimi i tyre në drejtorinë qendrore, trajnime
të ndryshme të ofruara nga Shoqata Shqiptare e Bankave.
Në vitin 2012, Banka implementoi me sukses një kanal alternativ mësimi duke përfshirë mësimin në
distancë, një mundësi nëpërmjet të cilës punonjësit do të kenë mundësi të përmbushin potencialet e tyre.
Kjo platformë është një mënyrë alternative krahas të mësuarit tradicional, duke përfshirë transferimin e
dijes dhe aftësive nëpërmjet mësimdhënies në rrugë elektronike sesa trajnimet në klasë.
Banka është e përkushtuar të zhvillojë dhe mbajë punonjësit e vet duke ofruar një karrierë transparente
dhe edukim të mëtejshëm profesional. Promovimi i punonjësve të cilët përmbushin detyrat e reja
dhe më të përgjegjshme që u janë ngarkuar menaxhohet me kujdes nga departamenti i burimeve
njerëzore duke marrë në konsideratë performancën e punonjësit, dijet dhe aftësitë për t’u zhvilluar
dhe shkëlqyer.
Fuqia e madhe e Bankës mbështetet në aftësinë e saj për të dëgjuar zërin e punonjësve të saj përmes
Sondazhit të Klimës së Brendshme, një iniciativë e grupit e cila kontribuon jo vetëm për të marrë në
mënyrë sistematike mendimin e punonjësve në lidhje me drejtimin e bankës, kënaqësinë në punë,
sjelljen në treg, perceptimin e klientëve, por gjithashtu mundëson dhe krahasimin kundrejt bankave
të tjera të grupit dhe i siguron drejtimit një platformë të qartë për përmirësime.
Gjatë dy tre mujorëve të fundit të vitit 2012, banka ishte subjekt i një procesi ndryshimi të shpejtë dhe
të përgjithshëm të strukturës organizative dhe ndarjes funksionale, ndryshime të cilat ishin rezultat
kryesisht i sistemeve operacionale (centralizimi i operacioneve) dhe modelet e biznesit (Korporata
dhe Individë). Këto ndryshime përfshinë një numër të madh punonjësish të cilët ishin pjesë e këtyre
strukturave duke dhënë një kontribut të rëndësishëm për proceset e përgjithshme.
Banka përpiqet të japë hapësirën dhe të theksojë rolet dhe detyrat e secilit punonjës nëpërmjet një
jete të brendshme dinamike të mbushur me evente. Gjatë vitit 2012, banka organizoi aktivitete të
ndryshme kulturore dhe argëtuese si: Festa e karnavaleve për fëmijët; Fëmijët në Bankë; Ne jemi
Grupi Intesa Sanpaolo; Aktivitete të ndryshme sportive & argëtuese; “Live Inspire” dhe iniciativa e
brendshme “Ne jemi historitë tona”.
34