Gildrie Book Of Dundee Anno 1570 Vivas Rex 1729

Item yat no man saill nor pasa out of ye realme in ony merchandise but ane famous and
worthifull man havand of his own half loft of guides or sameikle feiring and governance under
paine of 10 lib to be raised to our soveraine lords profeit of ilk persone doand in ye contraire
heirof.
That na ship be frachted wtout a charter pairtie xvij c.
Item it is lykwyse statut and ordained yat in tyme to cum yaire be no ship frachted without a
charter pairtie contained in ye pointes underwritten yat is to say yat ye mr of ye ship sall find
sufficient steirmenn timmermen shipmen convenient for ye ship and yat ye mr find frie to ye
merchandise fyre watter and salt on his cost and gif yaire happens ony convention or debaite
betuix ye mr and ye merchandis yat yai sall underly ye iurisdiction and ordinance of ye brugh
wherto ye ship is frachted without any exception and yat no merchands guides be reason nor
spilt with unreasonable stowing as with speakis nor yat no guides be shorne nor stricken vp in
no wayes in to ye mr his default or his servandis under ye paine of tinesll of ye saids fracht and
ainending of ye skaith to ye merchandise and yat ye mr suire na guides vpon his ower loft ye
whilk and he doe yese guides sall pay no fracht nor no guides under ye ower loft to scott nor
lot with yese guides in caice yai be casten and yat ower ilk ship exceeding v last half a seck
frauch under ye paine of v lib to be raised to our soveraine lord ye kinges use of ilk persone
doing in ye contraire heirof and yat no drink silver be taken up be ye mr nor his doers under
ye paine above written and homeward a tune frach to ye kirk work of ye towne yat yai are
fracht to.
Off saillers to have ane half a last of guides ccvij cap.
Item it is statut and ordained ya ye actes of parliament made of befor upon ye great multitude
of simple unhonest persones sailors furth of all burrowis south and north in ye pairtes of
flanders holland or zeland micht be put to dew execution sa at na man saill in ye saids parties
in way of merchandise but famous and worshipfull men havand ilk ane of yaire own half a last
of guides or havand sa meikle in steirage or governance under ye paine of 10 lib. to be raised
to our soveraine lords use as ye old actis proported. And als yat na merchand sall within ye
foirsaid partes but gif ye be a frieman of a brugh and indweller of ye samen under ye said
paine and yat searchers might be limit heirvpon havand power to execut and search ye actis
and raise ye paine and inbring ya samen till our soveraine lords checker als oft as yai be found
doane ye contraire heirof and ye commissionaris think expedient yat in ilk bruj ye provest
baillies and customers be searched and ansr heirfor.
That craftsmen using merchandise renounce yr craft 128 cap.
Item it is statut and ordained yat ye act of parliament towching ye craftismen vsane and
deilland with merchandise might be put to execution sa yat he yat is a craftisman ather to
forbeare his merchandise or els renounce his craft but ony dissimulation or colour under ye
paine of escheat of ye merchandise yat he vses occupyieng his craft and yis escheat to be
brocht be ye said searchers to our soveraine lords vse and compt yairof to be made to ye
checker.
Off frachting of shippis and ye paines yrof cxxx cap.
item it is statut and ordained be ye thrie estaites in yis pnt parliament yat ye act of frachting
and laidening of shippis might be put till execution efter ye tenor of ye samen and yat na
guides be fuired be ye mr vpon his own loft nor ye merchandise guides to be strucken vp nor
unreasonable specked nor riwen under ye paine of 20 lib. to ye kinges vse and yis to be
searched be ye officaris of ye brugh and ye head frachtisman of ye ship ye whilk sall ansr
yairfor.
That commissioners of burrowes compeir togither once in ye yeare in
Innerkeithing cxxxij cap (1487)
Item it is statut and ordained be ye whol thrie estates yat yearlie in tyme to cum certane
commissioners of all burrows both south and north conveine and gather together once ilk yeir
in ye brugh of Innerkeithing on ye morne efter saint James day with full commission and yaire
to commune and treat vpon ye weilfire of merchandise ye good actis and statuts for ye
common profeit of burrows and to provide for remeid vpon ye skaith and injuries sustained
within ye burrowes and what brugh yat compeires not ye said day be yaire commissionares to
16