C;.4-S -11'1/11

at be badala, Jose izenagaz, baña au amabost egunakaz
il ei zan.
Emen, gauza bat dago argi eta garbi: aitita-amomen
besarkada eta laztan gozorikjasoteko aukerarik
ez genduela izan tamalgarriz. Baña amaren igurtzi
eta laztan gozuak ez ziran faltako zorionez.
Onan, ba, nik urte birako illabete palta nebala
jaio zan Juan. Inguru onen gomutarik ez doto esan
deustezanak baño ... Laster asten naz goguan artzen
jazoera batzuk.
Juanjaio ta illabete pasatxura edo olan, izeko Teresari
itxi Juan, eta ama Arenetara juan ei zan aundiki
etxe batera, sendi aren alaba bateri bularra
emon eta aztera. "Aña" izena emoten eutsen oitura
oní. Eta emen inguruan ez zan andrarik, esateko
moduz, ortik pasau barik; eta baziran bi eta iru aldiz
egon ziranak, nai eta derrigorrezkua izan ez: diruagaitik
eta abar. Ain subertez be, gero nire amagiñarreba
izango zan Franziska Etxebarria, Besiko
etxekoandrie, egon zan famili aren semie azten, Federiko
Soratxo, eta onen bitartez juan zan gure ama,
ondoren jaio zan Maria Soratxo azten. Gitxi gora-bera,
urtebeteko egonaldia izaten zan.
Onan ba, nik bi urtetik irura jazua da guzti au.
Eta emen bitartian geratu ziran nire buruan lenengo
iru jazoerak.
Lenengua, au izan biar, ama maietz aldian juango
zan, eta aita bakarrik edo erdi bakarrik. Sanjuanak
aldia izango zan, artajorra sasoia: aitak keixe
onduen, berari adar bat ebagita, zelan isten ninduen
otzara baten zapi batzukin, lo egin nagian. Eta, or
tartian noz-beinka zelan etorten zan labako sue egitera,
garbiketa batzuk, eta abar: labako su eta garbiketak
egiten etorten zana, izeko Antoni zan.
"Izeko Antoni" izenez ezagutu neban, baña ez zan
iñundik izeko. Naikue zarra zan, baña nik asko maite
neban, emakumezko bakarra ikusten neban noz-
16