C;.4-S -11'1/11

sarioa errezauaz eta ondaren beste irakurtaldi bat entzunaz.
Nik egun orretan bakarrik begiratu egin neutsen
zelan egiten ebezan; eurak be neuri asko begiraten
eusten, eta barreak egiten ebezan. Guzti ori
bixaramon goixian argitu zan. Bautismo barria ipiñi
ezinga ibili ziran, baña atzenerako erabagi eben.
Urrengo goixian jaiki nitzenetik aurrera, "Porras" izan
zan nire izena morroi guztientzako; eta ni legez beste
guztiak be, lenengo egunian ipinten eutsen izenagaz.
Bixaramonian, ni be bat geiago nitzen ekintza
guztietarako. Len aitatutako biar aren gain, talde
txikiak, bakotxa bere gidariakin eginda egozan. Salak,
korredorak, kristalak, komunak eta zer ez egoan
garbitu biarrik? Eta ni be an nintzan, onetariko
talde baten.
Onetan illabete inguru egin eta baratzen ardura
eukan Aita batek eruan ninduan lorategiko bedarrak
ebagi eta abar egitera. Eta, emengua amaitu zanian,
labanderixan egoan utsunen bat eta ara eruan ninduen.
Lau mutillek bakarrik etxe aretako erropak
garbitu, siketu, tolostu eta bariku eberdirako eruaten
geuntsen, an praille zar pillo batek, botoiek-edo
apurturik baeban, konpontzeko. Eta geuk, arratsalde
ori eta zapatue jolaserako ateraten genduzan, eta
gu or pozik, pelotan edo fubolian egiteko. Gañera,
laurok giñan euskaldunak.
Emen gustora nenguen, baña ni ospitaleko labatibia
legez artu ninduen: bakerixan batjuan egin zala
eta besterik ez egoala bei jazten ekienik, eta orretarako
eruan ninduen. Aurrerantzeko egonaldi
guztia orretan izan zan: ogetabost beitik gora egoten
ziran, eta onek egunian bitan jatzi, garbitu, jana
ekarri, emon eta zer ez? Lau giñan onen arduran, eta
iru euskaldunak emen be. Eta nagusi egiten ebana,
emengo baserritar bat izandakue eta ezkondue, nabegetan-da
ibilitakue. Sudur puntan euli batek ikutzia,
naikue birau biribilletan asteko.
30