Zeitschrift des Vierländer Kultur- und Heimatvereins De Latücht von 1987 e.V

Greunhökerie
vun Wilhelm Kob
D
e Hamborger Marsch is de Greunworsgorn vun
Hamborg. Mit Osswarder, Totenbarg, Spodenland,
Moorfleet un Moorwarder is dat een ganz scheun
grooten Goarn. Wenn sick dat hüüt ok all in Veeles ännert
hett. Freuer wüürn langs de Dieken een Greunhökerie
aneenanner. Dor geev dat noch keen inschickt' Obst un
Gemüse ut annere Länner. De Lüüd ut de Stadt teuben all op
de ersten neden Kartüfel, jungen Slaat, Radies un Arfen un
Tüschwoor. Alles wüür in in Kiepen un Körf inpackt un mit
een natten Lappen todeckt.
De Transport na Hamborg wüür ok recht ümständlich: Allens
müss öbern Diek dragen warrn un in'n Kahn inlaad warrn. Op
de Reegen kunn man denn bit na de Elv henschippern. Door
leegen groote Schuuten, in de allns öberlaad warrn müss. Dat
allns güng blots bi Floot, denn bi Ebb harr de Dove Elv keen
Woter noog. Ganz freuer hebbt se de Schuuten bit na
Hamborg henseilt. Später keem denn een Dampsleeper , de
de Schuuten trocken hett. Je, das Geldverdeenen wüür domols
ok recht suur.
As de Dieken erstmol plostert wüürn, kemmen denn ok de
ersten Lastautos, un de Greunwoor kunn veel gauer in de
Stadt op'n Markt verköfft warrn. De Greunhökers, de een gröttern
Bedrief hatt hebbt, harrn ok mol Per un een Fedderwogen.
Dor sünd se denn mit jümmer Woor na Hamborg to
Markt fohrt.
Bi den Markt wüürn Wirtschaften mit Utspann för de Peer.
Wenn de Hannel vörbi wüür, hebbt de Hökers sick mitünner
noch manch Beer köfft un ok een poor Köhm dorto. Op denn
Weg na Huus is ok mitünner noch mol ankiert worrn. So is
manch een Kutscher denn op denn Bock inpennt. Ober de
Peer kennt denn Weg na Huus genau un bröchten dat Füür
heel na jümmern Stall.
Eenmol is denn eenen Höker sien Froo mit to Markt führt. Op
den Trüchweg sünd de Peer vör jede Kneipe stahn bleeben.
Oh, wüür denn Mann dat pienlich!
Op dat Land to arbeiten wüür freuer recht mühsam. Mit de
Grafschüffel müss de Mest ünnergraft warrn. De wüür vörher
mit de Schuufkoor vun tohuus na dat Land henbröcht. Mit
een lange Hark wüür dat ümgrafte Land denn fien mokt. Nu
kann man mit den Planter Löcker moken. Kohl, Slaat, Porree,
Knullen kunn nu insett warrn. Wöddel, Radies, Swattwöddel,
Peterwöddel un Sürken mütt inseit warrn.
Fast alle Greunhökers wüürn in den Gemüseverein. Anfang
September geev dar denn een groot Fest, den Gemüseball. In
twee grote Wirtschaften - jede harr ok een groten Saal - wüür
sünnobends un sünndags Festball.
Dat Wichtigste för de Froonslüüd un de Deerns wüür, dat jede
ok een needes Kleed kriegen dee. Dat müss denn all Weeken
vörher bi de Sniedersche bestellt warrn. De Mannslüüd kreegen
meist blots een needen Slips.
Jo man, Gemüseball - denn wüür wat los int Dörp: In den
Goarn vun de Wirtschaften Karussels un Scheetboden,
Luftschochel, Wust- un Zuckerboden, een Stand mit
Luftballons un Kinnerspeeltüch, Aal- un Iesbod nich to vergeten.
In een grot Telt stellt de Greunhökers jümmehr best Gemüse
ut. Alle, de sick dorto anmeld harrn, kreegen eenen Platz
anwiest. Dor keem nu de gröttste Bloomkohl, de dicksten
Wöddeln oder de langsten Swattwöddeln hen. Allns fein utsmückt
mit buntes Papier un Schleifen. Dat wüür recht scheun
antokieken. De Geschäftslüüd ut Dörp hebbt all de Priesen
spend't: de Slachter een Mettwust, de Bäcker een Koken, de
Kramer wat an Gescheer.
De vun de Utstellers dat nu an besten mokt harr, kreeg natürlich
den besten Pries. Dat wüür jedes Johr een Wettbiebern.
Alle wulln natürlich den ersten Platz moken, ober eener kunn
je man blots de best warrn. Op dat Freegelände hebbt de
Handwarkers utstellt, de Dörpsmitt mit Schüffeln, Hackers,
Harken un Stiegenstekers. De Maschinenhändlers mit
Treckers, Motorpleug, Eggen un Fräsen.
Jo, de Gemüseball wüür dat gröttste Fest int Johr. Dat ganze
Dörp müss denn ok je hen. Nomiddags kreegen de Kinner een
poor Groschen to'n Karusselführn. Un en Luftballon müss je
ok jeder hebben. An'n Obend vun'n Sünnobend wüür Ball för
de ölleren Mitglieder un sünndags güng dat Jungvolk to'n
Danzen. Denn wüürn de needen Kleeder vörführt un heemlich
bewunnert oder neidisch vun de Siet ankeken.
So manch een vun de Mannslüüd hett ok een bannigen Brand
mit na Huus slept. Ober: de nich duhn worrn is, de hett sick
ok nich amüseert.
Rezepte zum Erdbeerfest
Neuengammer Hausdeich 215
21039 Hamburg
Telefon 040 / 723 20 26
Telefax 040 / 723 13 82
www.vmb-vierlande.de
info@vmb-vierlande.de
Erdbeeren spielen nun schon zum zehnten Mal beim Erdbeerfest
die Hauptrolle rund ums Rieck-Haus, in diesem Jahr am
21. und 22. Juni. Auch in diesem Jahr gibt es dabei wieder
einen Wettbewerb ganz im Zeichen der Erdbeere: Beim
Rezept-Wettbewerb können die Hausfrauen und -männer ihre
Lieblingsrezepte rund um die süße und leckere Frucht einschicken.
Eine Fachjury wählt die attraktivsten Rezepte aus.
Zum Verkosten werden die preisgekrönten Speisen dann wieder
in der mobilen Küche der Vierländer Küchenwelt durch
Mitarbeiter und Mitarbeiterinnen des Zollenspieker Fährhauses
angeboten.
Einsendeschluss für die Rezeptideen ist der 1. Juni.
Die Adresse:
Rieck-Haus, Kennwort Rezepte,
Curslacker Deich 284, 21039 Hamburg
6