Éire do Chách

Úinéireacht tí a chinntiú & dul i ngleic le heaspa dídine
é. Maoineofar an clár go príomha trí bhanna bonneagair faoi bhainistiú Ghníomhaireacht
Bainistíochta an Chisteáin Náisiúnta (NTMA), a thiomsóidh caipiteal ó fhoinsí éagsúla:
1) Díreofar airgeadas an Chiste Infheistíochta Straitéisí le hinfheistiú sa bhanna.
2) Díolachán bannaí le hinfheisteoirí ar an margadh oscailte, chun leas a bhaint as na rátaí
bannaí atá ar fáil d’Éirinn agus atá níos ísle ná mar a bhí riamh, agus dúil idirnáisiúnta do
dheiseanna infheistíochta in Éirinn.
3) Tabharfar cuireadh do Chonradh na hÉireann de Chomhair Chreidmheasa (ILCU)
comhinfheistiú sa tionscadal. Tá cúlchistí móra airgid acu agus mar infheistíocht a
chuireann le leas an phobail agus a fhreastalaíonn ar riachtanas go leor dá mbaill,
d’oirfeadh sé go maith dá sainordú.
• Bainisteoidh an Meán Sainchuspóirí an fhorbairt. D’fhéadfadh sé a bheith ina
ghníomhaireacht forbartha a fhostaíonn tógálaithe agus fochonraitheoirí go díreach, nó
d’fhéadfadh sé forbróirí a fhostú chun oibriú dó. San uile chás úsáidfear rialú costas chomh
maith agus a úsáideadh é i dtionscadail tógála bóithre an Údaráis um Bóithre Náisiúnta, gan
aon athidirbheartaíocht posthoc ar phraghsanna agus gan aon luach saothair airgeadais as
moill ar an obair.
• Beidh foireann bheag thiomanta athbhreithnithe agus taighde ag an ngníomhaireacht a
chinnteoidh tithíocht d’ardchaighdeán agus a leanfaidh an deachleachtas idirnáisiúnta i
maoirsiú tógála – úsáidfidh siad an clár chun caighdeán na tógála in Éirinn a ardú agus iad
ina bhun.
• Féadfaidh an ghníomhaireacht talamh atá faoi úinéireacht an stáit cheana féin a úsáid
má bhíonn sí oiriúnach, ach cuirfear costas an láithreáin san áireamh sa phraghas deiridh
díolacháin – ó thús deireadh, reáchtálfar an próiseas seo ar mhaithe le brabús a dhéanamh.
(iii) Forbairt Chónaithe i Láir Bailte a spreagadh
Tá láir bailte faoi bhrú mar gheall ar rátaí arda de réadmhaoine tráchtála folmha agus mar go
bhfuil an daonra atá ina gcónaí i gcroílár an bhaile ag dul i léig.
- Cinnteoimid go gcuirtear ar chumas na nÚdarás Áitiúil ceadanna solúbtha a thabhairt isteach
a éascóidh athrú éasca ó aonaid tráchtála fholmha go haonaid chónaithe. Ba cheart d’Údaráis
Áitiúla cuimhneamh freisin ar infheistiú ina leithéid d’aonaid ar mhaithe leis an tithíocht
shóisialta chun meascán sóisialta i lár an bhaile a spreagadh.
(iv) An ceart chun cónaí faoin tuath in Éirinn a threisiú
Ní féidir ceantair thuaithe na hÉireann a fhágáil ar lár sa tógáil amach anseo. Tá sé de cheart
ag daoine áitiúla a bheith ina núinéirí tí ina bpobal agus a gclann a thógáil ann. Tá Fianna Fáil
tiomanta do cheart mhuintir na háite chun a dteach féin a thógáil agus a bheith acu ina bpobal
féin a chosaint.
- Treiseoimid an tAcht um Pleanáil agus Forbairt chun an buncheart sin a chosaint agus chun
an dualgas a chur ar na húdaráis áitiúla bealach soiléir trédhearcach a chur ar fáil do mhuintir
117