Debtfree Magazine May 2018

Die Republiek van
SKYT AFRICA
Hallo Almal,
Ek het onlangs met iemand gesels wat sy werk verloor het en dit is
’n gebeurtenis wat ongelukkig baie mense te beurt val. Besighede
sukkel om kop bo water te hou en besnoeiing van salarisse of te wel die
salarisrekening is maar altyd aan die voorpunt as dit by besparing
kom. Wat nou gemaak, was die eerste vraag wat opkom. Met bykans
twintig jaar diens is daar ’n relatief goeie pensioen en die ideaal
sal wees om dit te herbelê en weer die werkerskorps te betree. Dit is
egter makliker gesê as gedaan -- werk is skaars en die poste wat wel
beskikbaar is, bied ’n baie swakker salaris aan -- tot so veel as vyftig
persent minder. Is die kool die sous werd?
Die vraag het ook ontstaan of die korporatiewe wêreld (en in die proses
verryk base hulle) steeds ’n opsie is, of het die tyd nou aangebreek om die
horison te verbreed? Dit is van kleins af by ons ingeprent jy moet ’n werk
hê en om vir ’n baas of base te werk, is die in-ding. Daar is egter duisende