Kamp is Lekker Tydskrif OKTOBER 2020

D
aar is ‘n populêre gesegde: almal
wil ‘n huisie by die see hê, maar
ek sal baie graag eerder my huisie
in die Sederberge wil hê. Dis ‘n plek van
stilte en prag wat jy nêrens anders in die
land sal kry nie. Van die mooiste
rotsformasies en
landskappe, tot
die mooiste
melkweg aande,
dis eenvoudig net
ongelooflik. Ek sal
sonder twyfel kan
sê dit is my
gunsteling plek.
Ek kamp al vir die
laaste 8 jaar in die
Sederberge gebied
(so ongeveer 4 keer ‘n jaar), en het al alles
aanskou van oorstromings tot perfekte
dae en ook natuurlik die somer se 40+
temperature, tog bly dit ‘n plesier.
Ek dink wat die Sederberge so spesiaal
maak is die feit dat daar “niks” van ons
alledaagse goed is nie, maar ‘n oormate
van natuurskoon. Dis ‘n plek waar jy rêrig
kan afskakel en besef dat die lewe se
gejaag nie die moeite werd is nie.
Die Sederberge het soveel om te bied:
mooi agterpaaie, watervalle, swemstrome,
natuurlike en bekende rotsformasies by
Truitjieskraal en die Stadsaal,
boesmantekeninge en dan ook die
algemene staproetes soos die gewilde
Wolfberg Arch en Maltese Cross. Die
aktiwiteite is eindloos as die natuur en
buitelewe jou passie is.
Die Sederberge is propvol unieke
kampplekke, maar as daar een kampplek
is wat my hart se punt is, is dit geen ander
as Mount Ceder nie. ‘n Plek waar ek
letterlike die bome sien groei het oor die
laaste paar jaar sedert ek daar begin kamp
het. Hoekom
Mount Ceder?
Wel, as jy daar
stop voel jy asof jy
by die huis in stap;
jy word hartlik
verwelkom en die
gasvryheid is
ongelooflik. Adele
en Pieter het ek
leer ken oor die
jare en hulle sal
altyd daai eksta myl gaan om ‘n mens se
besoek die beste ervaring te maak. Dis nie
net nog ‘n kamp plek nie, dis persoonlik
en dis wat mense soos ek elke keer
terugvat soentoe.
Nou ja toe kom ons vat die pad........ terug
“see toe......”