Kamp is Lekker Tydskrif OKTOBER 2020

geniet ons dit nogsteeds om ‘n draai te ry,
want mooi bly maar mooi, ons kan
eenvoudig net nie.
Die landskap is prentjie mooi en die feit
dat daar geen verkeer is nie, is altyd ‘n
bonus. Ons vat die agterpad deur na
Truitjieskraal en kry ‘n beskutte
rotsformasie om n koppie koffie in die veld
te geniet. Daar is nie ‘n siel in sig nie, ‘n
stukkie hemel op aarde.
O
ns keer terug Mount Ceder se
kant toe en stap die Waterval
roete wat op die plaas is. Ek glo
enige natuurliefhebber sal saam my stem
dis so mooi om die natuur nog so rou te
sien. Die Sederberge is nog een van
daardie min plekke wat ongerept is.
Terug by die kamp is Saterdae middae se
ete altyd vars aartapelskyfies wat geniet
word met Vastrap op RSG om 2 uur. Kan
die tyd nie maar stadiger verby gaan nie?
Ons ontspan en verken bietjie die veld
rondom ons en die mooi pink Vygies blom
pragtig. As mens moet ons leer om die
mooi in niks te sien nie, want dan sal mooi
altyd oneindig wees.
D
ie jaar het ‘n baie goeie reën
seisoen vir die Kaap gebied,
riviere het gevloei in die
Sederberge wat ek nog nooit gesien het
nie, sodat ons ‘n “sundowner” die middag
langs die rivier reg by ons kamp kon geniet
– ‘n ervaring vir die eerste keer vir my na
al die jare.