Dirt an Trail July 2022

egs kan draai om Blouputs toe te ry. Jy moet heeltemal selfversorgend
by die kampeerplek wees, aangesien tot die drink water soms daar kan
opraak en hulle my vooraf gebel en gewaarsku het, dat daar met ons
oorbly daar geen lopende water of krag sal wees nie. Net emmers water
om ons poef weg te spoel.
Met ons laaste besoek het ek en Gussie Blouputs om gery en daardie
pad is bykans onbegaanbaar en dit is waar ek twee keet, voor 09h00 die
oggend, my moer toe geval het. Gus besluit om die roete te verander
en ons ry die volgende dag weer terug Keimoes toe. Riemvasmaak is
‘n nedersetting in die Noord-Kaap, en sowat 12 km noordoos van die
samevloeiing van die Moloporivier met die Oranjerivier en naby die Augrabieswaterval
en is ‘n uirgestrekte dorre gebied van sowat 74 000ha.
In die suide word dit begrens deur die Oranjerivier, in die noorde lê die
Kalahari en wes lê Namibië.
Die area het die laaste 3 maande meer reën gekry as in totaal die
afgelope 9 jaar. Die gras in die veld staan amper heup-hoogte, die plato
staan gesaai met kokerbome en bye zoem om heldergeel blomme.
Vir my en Gus, is dit een van die mooiste plekke waar ons nog was. Om
daar te wees in die stilte en afsondering van die natuur en vroegaand
in die warm water van die bron, tussen die hemelhoë kranse, te sit en
luister hoe die windswaeltjies kwetter, is die beste plek om te wees
saam met jou geliefde.
Toe ons by die Riemvasmaak Toeriste Kantoor kom, besluit ek om my
Yammie in hulle kantoor te parkeer vir die aand en saam met die “girls”
af te ry tot onder in die kamp. My lyf is seer en ek wil nie my “scooter”
beskadig en my kanse belemmer om hierdie toer te voltooi nie. Die
manne besluit almal om met hul “scooters” tot onder te ry. Daar is
heelparty baie slegte plekke op daardie pad, met groot klippe, baie los
sand en gespoelde gate, wat dit selfs moeilik maak om met ‘n 4 x 4 op
“low range” tot daar te ry. Gelukkig is baie van die knie diep gate met
sandsakke toegegooi. Tree vir tree, ry ons, al kruipend. Ella en Jax kwyt
hulle uitstekend van hulle taak en sowat 3km en 25 minute later is ons
almal onder by die kampeerplek.
Almal slaan dadelik tente op . Almal klim in die warm water, en dit is ‘n
gegons van gesels en grappe maak. Ons drink “shooters” en bier tot
sononder.
Die aand lê lank wakker en dink aan hoeveel meer ‘n mens raaksien en
ervaar, as jy 75km per uur ry op jou “scooter”. Jy sien hope wild, pragtige
landskappe en selfs die detail van gespande drade en die kleure van
skoenlappers. Moet ‘n mens nie die lewe ook eerder teen 75km per uur
aanpak nie? Mis ons nie baie, as alles so vinnig verby ons flits teen ‘n
hoë spoed nie?
DAG 5 RIEMVASMAAK - CALVINIA 459km
Om 05h00 was dit nog donker en ek en Gus gaan bad daar in die
swemgat, dat jy net skuimbolle sien staan. Die res het ‘n entjie om
daarheen te loop en is verseker nog nie wakker nie. Ons lê in mekaar se
arms in die warm water en geniet vir daardie oomblik net die stilte om
ons en mekaar se omhelsing.
Skoon geskrop en warm aangetrek, loop ons in die donker na die
kampeerplek. Ek breek amper my nek oppad daarheen. Ek sien glad
nie goed in die donker nie, my voete en plakkies is nat en die paadjie is
sanderig. “Etter”, skree ek kliphard toe ek so half gebukkend vorentoe
strompel. Dit was so, hit-te-te of ek het letterlik my voortande uitgeval.
Ons lag kliphard en dit weergalm dat ek seker is, iemand in die kamp is
nou wakker.
By die kampeerplek aangekom, sing ek uit volle bors: “NKANDLA”..wat
‘n gespottery is oor my rooi “overall” en die EFF en volg dit op met...
“Lek-ke verjaar ou maat, Le-ke verjaar! Jy…moet…le-ke verjaar…jy moet
le-ke verjaar…vir Ella, want vandag is haar verjaarsdag. Wat ‘n voorreg
om hier op hierdie spesiale plek jou maat se verjaarsdag te vier!