Denis Castagnou : Sensa títol - OC Revista

auton2006.qxd 06/11/2006 14:33 Page 17
Beu de vin
Beu de vin ! longtemps te dormiràs dejós la tèrra riala
Sens amic, sens companh, sens camarada, sens molhèr !
Escota la paraula sincèra de Khayyam :
Beu de vin ! Siá un coquin ! Fai de ben !
Tre qu'a la prima la nívol lava la cara de la tulipa,
Auça-te ! d'una man segura aganta lo veire de vin !
Aquesta èrba, duèi fèsta de tos uèlhs,
De ta posca va créisser deman.
Puèi que i a pas degun per far segur lo lendeman,
Escarrabilha còp sec ton còr adolentit
Beu de vin dins las lusors de la luna, que la luna
Lusirà plasses còps, nos trobarà pas.
Duèi que sèm lo jorn sacrat : lo divendres
Beu de vin bòl a per bòl, puèi que lo veire es defendut ;
Los jorns de la setmana, beu ! Fai la vòta ! Mas duèi
Beu doble puèi que sèm lo primièr dels jorns, aquel divendres.
- Tu que calculas totes los jorns de l'univèrs,
Sabes quins son los jorns que lo vin regaudís l'arma ?
- Aquò son : lo dissabte, lo dimenge, lo diluns, lo dimarç, lo
[dimècres,
Lo dijòus, lo divendres, totes aquelses jorns nuèch e jorn.
Quora lo rossinhòl embriac del seu vin trapèt son camin dins l'òrt
Que li trapèt dins lor vam la cara de la ròsa e lo veire de vin,
En lo dire de l'ora a mon aurelha faguèt :
- O sabes, lo jorn enanat jamai tòrna pas deman !
Revirada de Lilian Olivièr
omar khayyam
17