Denis Castagnou : Sensa títol - OC Revista

auton2006.qxd 06/11/2006 14:33 Page 21
Denegant lo miralh
Denegant lo miralh ont se nega Narcís
coma un libre se tampa e sus el se replega,
dejost la man de Dieu que dos fuòlhs desempega,
s'alanda lo quasèrn ont cadun se legís.
Nos conoisseriam pas ni d'Èva ni d'Adam
se non avián pasmens replegat sas babinas
una sus l'autra quand, en virant las paginas,
Dieu volguèt tot legir sul libre ont escriuriam
Lo lapinòt, lo buòu, la cèrvia e l'unicòrn
sabon pancara que la mòrt desaparelha
e qu'aquò's èstre mòrt de batre que d'un còr.
E sòmian, en soscant a l'aucèl qu'aparelha
en l'azur, que l'asuèlh es l'invisible fil
de Dieu a Èva cordurat coma un vedilh.
tirat de Sonets Biblics
joan larzac
21