Denis Castagnou : Sensa títol - OC Revista

auton2006.qxd 06/11/2006 14:33 Page 24
24
Lo bòsc, ensalvatjaire, cintava per totjorn lo maine dels images.
Que non calèron pas, los calpres,
de petaçar lo temps dedins l'album de sa paciéncia.
E s'esprimèt l'enfant, s'esprimèt, caparrut,
per calhar dins sa carn lo present d'aquelas estonas en suspens.
Atal, benlèu, nasquèt l'escriure,
del somiar enclausit dins lo blanc de la meula.
Atal espeliguèt, dentèla fraulejada,
dins l'escura quista d'unes ausèls escrincelaires d'inausit.
D'aquels estius transfigurats, las espardenhas son poiridas.
Las falguièras, de longa seguèron las falguièras.
Mès quand restèsse pas, dels calpres esfumats, qu'un crèspe
d'escurina, dins l'espés del meu còs una illa es escalprada …
Entamenat lo 22 de junh - " acabat " lo 22 de julhet de 2006