Create successful ePaper yourself
Turn your PDF publications into a flip-book with our unique Google optimized e-Paper software.
ocestiu03.qxd 11/09/03 13:43 Page 9<br />
Bauç roges de l’Esterèu,<br />
Peiras brunas e sabla rossa<br />
Dau gòu<br />
De Portu.<br />
Terra degolanta de lava calhada<br />
Ròcs espetats<br />
Que mòron dins la mar<br />
E trespiran<br />
Milanta annadas de silenci<br />
En augas verdalas<br />
Onte bafran<br />
Lei pataclets.<br />
Espinèu de Girolata…<br />
Avèm fam<br />
Dau ròse serenau.<br />
Se jardinam en deliris d’avant deluvi.<br />
Lei pèiras levadas de Filitosa<br />
E totei lei gents de ma memòria…<br />
Caras d’òmes<br />
E cotelàs escrincelats.<br />
Quina man<br />
Empeirèt<br />
Aquelei visatges de granit?<br />
Barcas vengudas de la mar<br />
Guerriers de la pèu bruna,<br />
Navegaires de Mediterranèa…<br />
Lei tòrres<br />
E lei figuras escultadas<br />
Son de libres muts<br />
Que lei paginas<br />
Ne son dins la sabla dei sègles…<br />
Filitosa…<br />
Totei lei gents<br />
De ma memòria.<br />
E ieu<br />
Au mitan<br />
Que cèrqui una dança vièlha<br />
Per adocelinar<br />
Ma vida en delicis<br />
Davant de morir.<br />
·<br />
·<br />
9