NIEVE EN EL PUERTO - Eladio Verde - Obras completas

5
Nemesio Esos granucos salieron-y por andar masuñando al gatu
y dir a dormir al corral junta los gochos. ¡Ye más
malu! Bueno, lo que yo quiero saber ye si tien algún
torcigañón.
Manín Tienlu, tienlu. Esti neñu está abiertu del cuerpu. Tien
frayaes dos costielles y un pocoñín retorcíu el
espinazu.
Nemesio (AL NIÑO) ¿Veslo, puñefleru? Todo por andar
enredando por los árboles. ¡Voy date una!
Manín Déjalu hom, que tú cuando fuiste pequeñu también
enredabes.
Nemesio No tenía tiempu pa ello. Nosotros no nos criamos con
tantu viciu. A los cinco años mio padre... (AL NIÑO)
esi mio padre que digo yera tu güelu ¿oístelo?
mandábame a llindar les vaques con una sardina
arenca y un cachu de boroña pa tou el día...
Niño Como a mí.
Nemesio ¿Cómo a ti? Tú ya yes grandón y puedes coger
manzanes y cereces, pero en sin caer del árbol
¡Pazguatu! Todes les calamidades traéisles pa casa.
Manín Esto del neñu son accidentes del trabayu.
Nemesio ¿Qué trabaya esti, hom?
Manín Mira Nemesio. Llámanse accidentes del trabayu, los
que pasen cuando se manca uno por ganar la pancheta.
Como el neñu no-y basta con el pan y la sardina que-y
das, al ir a buscar lo que-y faltaba, mancóse.
Nemesio ¿Cómo me vuelvas caer otra vez, mátote! ¡Non pus!
¿Qué-y vas dar pa curase?
Manín Mira. Cueces en un pucheru oriéganu, malvaviscu y
llantiana. Cuando haiga fervido bien, cuéleslo por un
calcetín y déjeslo enfriar. De esi cocimientu das-y dos
cucharadines al día. Dos solo ¿Eh? Ni una más ni una
menos.
NIEVE EN EL PUERTO