EL ESTILO DE BOLEOS - Eladio Verde - Obras completas

Acto Primero
Concha ¡Soy una ‘hincha’ ciento cinco por cien!
Julia Pos ten cuidao non vayas un día a hinchar de una torta...
Concha ¡Hinchariola!
Julia ¡Recontra! Espera.
Laura Déjala, muyer. No y hagas casu. ¿No ves que ye una neña?
Concha (OFENDIDA) ¡Ah! ¡Una neña! ¿Non la ves? Yo ya soy una
moza, ¿oístelo?
Laura Pa eso tovía te falta un poco.
Concha Ja, ja. Tengo quice años; mejor dicho, catorce; pero
póngome uno de más porque como me sobra juventú, puedo
permitime esi lujo. En cambio, lo que son les coses, otres
quítense años y cuantos más se quiten, más vieyes parecen.
Laura ¿Por quién dices eso, monina?
Concha Por les que van diciendo que tienes veinticinco años. ¡En
cada deu! Hayla que se quita el bachiller.
Laura Si lo dices por mi, estás equivocada. Yo digo que tengo
veinticinco años, porque nací el diez y nueve.
Concha El diez y nueve del catorce. Tienes treinta añinos y vas que
te mates. Julia tién veintiocho y la más jovencina ye la
maestra con veintisiete y mediu.
Laura ¿Cómo sabes tanto?
Concha ¿Non veis que mi madre ye la que limpia en les oficines del
Registro Civil? Y el otru día a la que fui a ayudala, diome
por mirar los libros y ¡niñines! los libros canten.
Julia ¿Y non miraste los años que tién Boleos?
Concha Non faltaba más. Esi el primeru de todos. Tien diez y siete
años como diez y siete soles... y cada día que pasa, más
trajineru.
Julia Buen petardu vas llevar con él.
Concha ¿Yo? Les ganes. Quierme mucho... y dentro de tres años a
lo más tardar, casaos y manejando perres como arena.
ELADIO VERDE