Create successful ePaper yourself
Turn your PDF publications into a flip-book with our unique Google optimized e-Paper software.
Antaŭkongresa ekskurso<br />
A1<br />
Salta, Jujuy, Iguazú — Tradicio kaj naturo<br />
} 18-a – 25-a de julio, 8 tagoj / 7 noktoj<br />
18.07 Matena transporto al la flughaveno<br />
Aeroparque (AEP). Flugo al la urbo<br />
Salta en la samnoma provinco, for 1 300<br />
km de Bonaero. Alveno, enhoteliĝo kaj<br />
enkonduko al la plej bone konservita koloniepoka<br />
urbo en Argentino. Fondita en<br />
1582, “Salta, la belulino” estas arkitekture<br />
la plej hispana el ĉiuj urboj en Argentino.<br />
Iro al la monteto San Bernando por<br />
panorama rigardo al la regiono. Vizito al<br />
la somera vilao San Lorenzo, al la Nacia<br />
Universitato, al la manartaĵa bazaro k.a.<br />
Tranokto.<br />
19.07 Matenmanĝo. Libera tago.<br />
Sugesto ne inkluzivigita en la prezo: preni<br />
tuttagan ekskurson Trajno al la Nuboj,<br />
trajnvojaĝon preter valoj kaj vilaĝoj kun<br />
unikaj bildoj ĝis la indiĝena vilaĝo La<br />
Polvorilla je 4 200 metroj alte. Reveno<br />
buse. Tranokto.<br />
20.07 Matenmanĝo. Ekveturo al la<br />
najbara provinco Jujuy laŭ la Vojo de la<br />
Nuboj preter San Antonio de los Cobres<br />
al Salinas Grandes, la tria plej granda<br />
salebenaĵo en la mondo. La silento estas<br />
rompata nur de la bruo de la paŝoj sur<br />
la “maro de salo”. Daŭrigo laŭ Cuesta de<br />
Lipán, subenirante 2 000 m en nur 35 km,<br />
kie impresos la diferenco inter la dezerta<br />
kaj la fruktodona pejzaĝoj de la humidaj<br />
valoj. Alveno al Purmamarca aŭ “urbo de<br />
la virga tero” en la aimara-lingvo. Ĝi estas<br />
fama pro siaj adobaj konstruaĵoj kaj ĉefe<br />
pro la plej distinga multkolora monto<br />
konata kiel la Monto de la Sep Koloroj.<br />
Veturo al Humahuaca por tranokto.<br />
21.07 Matenmanĝo, elhoteliĝo kaj<br />
konatiĝo kun Humahuaca je 2 939 m.<br />
Ĝis la fino de la 19-a jarcento ĝi estis<br />
komerce la plej grava urbo en la regiono<br />
siatempe konata kiel Alta Peruo. Ankaŭ ĝi<br />
havas la tipajn adobajn konstruaĵojn de tiu<br />
provinco. Pro la alteco kaj reliefo la temperaturo<br />
povas tre malsimili inter tago kaj<br />
nokto, de 38° ĝis -10° C, laŭ la sezono.<br />
Tie ĉi la indiĝena kaj la hispana kulturoj<br />
miksiĝis en kelkaj aspektoj kaj kunvivas en<br />
aliaj. Mondkonata kiel Quebrada (pasejo)<br />
de Humahuaca, ĝi estas en la listo de<br />
Unesko pri Homaj Heredaĵoj.<br />
La urbetoj Tilcara, Purmamarca kaj<br />
Maimará konservas praamerikajn<br />
indiĝenajn ruinojn. En la seka vetero<br />
kaj malabunda flaŭro sentas sin hejme<br />
bestoj tipe sudamerikaj: vikuno, gvanako,<br />
lagostomo kaj kondoro. Vizito al la urbo<br />
Jujuy. Reveno al la hotelo kaj tranokto.<br />
22.07 Matenmanĝo, elhoteliĝo kaj forveturo<br />
al Cafayate preter valoj kaj historiaj<br />
urbetoj. Meze de la Calchaquíes-valoj,<br />
surlime inter tri provincoj, Cafayate impresas<br />
per pejzaĝo kaj kuniĝo de kulturoj.<br />
Konata pro sia aerkvalito, ĝin vizitas homoj<br />
kun spirproblemoj. La tipaj dometoj<br />
kaj la katedralo kun sia placo multe allogas<br />
turistojn, sed la stelulo sendube estas<br />
la vino Torrontés; dolĉa kun profunda<br />
frukta aromo, dank’ al la uvoj kiuj kreskas<br />
en la seka kaj ne varma regiono. Flugo<br />
al Puerto Iguazú, proks. 1 100 km for de<br />
Salta. Alveno, enhoteliĝo kaj tranokto.<br />
23.07 Matenmanĝo kaj ekveturo al la<br />
argentina flanko de la Igvasuaj akvofaloj,<br />
unu el la plej impresaj naturaj allogaĵoj<br />
de la mondo: proks. 275 akvofaloj sur la<br />
landlimo inter Argentino kaj Brazilo, ene<br />
de naciaj parkoj. Naturaj Heredaĵoj de<br />
Unesko, en 2011 tutmonda voĉdonado<br />
elektis ilin kiel unu el la 7 Novaj Mondaj<br />
Mirindaĵoj. Piedirado laŭ la supraj kaj<br />
subaj promenejoj rande de la akvofaloj<br />
por ĝenerala kaj detala superrigardo.<br />
14 12