voir le texte - OPI des Tescou's

3
- (c) e los tres ensems capitam a crear un sòl noiriçièr, del que sortisson bon nombre de
memòrias e de tèsis de doctorat.
Cresi que dins tot monde germanoparlant i a pas d´universitat mai occitanisada que la de
Viena. Alavetz parlar de l´occitan coma romanista vienés fornís un imatge un pauc atipic.
Caquela l´istòria dels estudis occitans o estudis provençals cossi s´apelavan dins lo
passat dins las universitats de lenga alemanda, comencèt d´un biais glorios. Tot lo long del
sègle detz-e-nòu e cap a la segonda guèrra mondiala l´occitan et los estudis occitans èran plan
ancorats dins lo domeni dels estudis romans; cada romanista de renommat sabiá legir los
trobadors dins la lenga originala e consacrava una partida de son ensenhament y de sa recerca
cientifica a aquesta lenga. I a de monde que sosten l´ipotèsi que lo caractèr especific –
romantic - dels estudis occitans dins lo monde germanoparlant – e que consistís dins una
amira pancronica e dins l´integracion d´estudis literaris e linguistics - es una de las rasons qu
´en Alemanha e Austria avèm totjorn d´ estudis romans que se son pas subdivisat dins una
tièra de filologías nacionalas coma dins d´autres paises. E naturalament se discutís fòrça d´ont
ven aqueste grand interés dels universitaris alemands per l´occitan. Se crei que i doas rasons,
doas rasons que se succedisson. Abans l´impèri alemand de 1871 i aviá benlèu l´affeccion
dels alemands per una Occitania considerada coma autra “nacion empachada”; e aprèp, quand
s´agrava la polarisacion politica entre França e Alemanha l´occitan ofrís als galloromanistas
alemands un domeni d´estudis politicament inocent – e mai desconsiderada pels universitaris
franceses. Cap a la primièra guèrra mondiala i aviá pas d´institut d´estudis romans sens per lo
mens un professor qu´èra sustut o tanben occitanista (provencalista). Los centres universitaris
èran Marburg (Stengel), Greifswald (Koschwitz), Halle (Suchier) e Berlin (Tobler, Levy,
Apel, Schultz-Gora). Es solament aprèp la seconda guèrra mondiala que los estudis occitans
commençan a declinar ; las rasons
- (a) los trabalhs realisats avián ja satisfach una bona partida dels desiderata cientifics ;
- (b) autre factor son los occitanistas que pendent lo govern dels nazis devián quitar lo
país;
- (c) un tresen factor son de reorganisacions utilitaristas dels estudis romans qu´an
marginalisat los estudis occitans.
Caquela se mantenon; sufís de mencionar de noms coma Köhler, Mölk, Krauß, Rieger,
Baldinger, Stimm, Pfister, Maas, Schlieben-Lange, Kirsch e Kremnitz, e i a plan d´autres. Es
totjorn impressionant lo nombre de professors titularis acutals qu´an escrich lor tèsis de
doctorat o la tèsi d´estat sus un tèma occitan. Lo sol problèma de la recerca es l´inegalitat dels
temas investigats : las recercas sus la literatura medievala e los estudis linguistics, sustot de
sociolingüistica son plan avancats, mentre que d´autres domènis coma la literatura occitana
moderna lo son plan mens (aquí tanben Viena fa excepcion de la règla).
Mentre que la situation de la recerca occitana es totjorn plan bona dins las universitats
de lenga alemanda e – quicòm agradiu - i a totjorn un fum de joves universitaris que
mantenon aquesta tradicion, sa presencia dins l´ensenhament universitari es mens florissanta :
la collèga Trudel Meisenburg dins son analisi de l´annada universitaria 1998/99 constata que
dins los seminaris o los cors l´occitan es rarament matèria a part entièra mas fonciana ambe lo
sosten d´autras disciplinas (p. ex. francés, italian, espanhòl, literatura comparativa, istòra,
musicología etc.).
Bon, Fin de la digrecion e tornem veire la situacion a Viena…
Cossi s´integrís l´occitan dins lo nòstre plan d´estudis Es plan simple : los estudiants que
vòlon estudiar una de las grandas lengas romanas - francés, italian, espanhòl, portugués o
romanés - coma primièra matièra devon sègre pendent doas semestres un cors de base dins
una segunda lenga romana – doas oras per setmana dins lo primièr e quatre oras dins lo
segond semestre. Al costat d´una de las cinc lengas mencionadas pòdon causir tanben una