Wei yumi wok - Rio Tinto

Rio Tinto Wei yumi wok
Stori yet long Bihainim Wei yumi wok
Givim ol askim na ripotim ol man
i brukim ol lo
I gat sampela wei ol wokman i ken mekim
taim ol i gat ol askim o i laik ripotim ol man
i brukim ol lo bilong gavman, Wei yumi wok
o ol narapela polisi na lo.
Yu ken mekim olsem:
• Toktok long maneja o supavaisa bilong
yu – planti taim ol i bes man long taim
yu laik givim namba wan toksave;
• Yusim ol kain wei olsem Fair Treatment
Systems o Formal Grievance processes;
• Toktok long Human Resources long hap
yu wok long en;
• Sampela taim em i gutpela long toktok
long
– Loya bilong kampani;
– Lain bilong Corporate Assurance;
– Rio Tinto Compliance; o
• Yusim sistem Speak-OUT
(lukim sampela stori moa long hapsait
pes).
Ol bai sekim gut olgeta infomesen i kam
long ol rot mipela stori antap. Mipela i no gat
tingting liklik long mekim samting nogut
long ol man i putim ripot bilong brukim ol
lo bilong gavman o polisi bilong Rio Tinto.
Na tu, mipela i bin wokim pepa bilong Askim
na Bekim bilong givim ol stori nating bilong
ol hevi, em inap kamap long laip, i stret long
ol samting i stap long Wei yumi wok na ol
bekim long hau yumi ken stretim ol.
Link i go long ol askim na bekim
Ol man husat i ken lukim dispela buklet
long kompiuta i ken painim ol link i go long
ol askim na bekim long ol narapela hevi na
polisi em ol dispela buklet i stori long en.
Speak-OUT
Ol wokman bilong Rio Tinto i ken yusim
Speak-OUT, fri telefon long toksave i go
long sinia manejimen long bikpela hevi
na ol pasin i no stret. Maski em long
pasin giaman nogut; pasin bilong heitim
sampela lain; pasin bilong mekim nogut
long ol narapela; pasin bilong bagarapim
ol man, pasin bilong brukim ol lo bilong
gavman, polisi o lo bilong kampani; o
hevi bilong envairomen. Ol wokman i
ken toktok long ol dispela samting long
narapela.
Yu ken yusim Speak-OUT long 24 aua long
de,
365 de long yia, na i gat sapot bilong kain
kain tokples. Ol man i kisim pinis trening
bai kisim fon. I no olsem ol man i yusim
dispela sevis i mas givim nem bilong ol yet,
nogat. Man i kisim fon bai givim dispela
ripot i go long sinia manejimen, na ol bai
mekim wok painimaut na stretim hevi.
Wan wan mun, bikpela poin bilong ol
dispela ripot bai i go long sif eksekiutiv
na global head of Compliance.
Mipela i no orait liklik long pasin bilong
bekim pe nogut long ol wokman husat i
yusim Speak-OUT wantaim gutpela tingting.
Long sampela kantri, i no fri olgeta long
yusim hotlain bilong kampani na, long kain
ol kantri olsem, bai i gat sampela lo long
yusim Speak-OUT.
Yu ken kisim infomesen long Speak-OUT,
telefon namba bilong en long hap yu wok,
tu, long wan wan hap bilong operesen.
Link i go long ol askim na bekim
09_10