You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
<strong><strong>20</strong>11</strong>ko martxoaren <strong>16</strong>a, asteazkena berria 11<br />
Euskal Herria ‹ Harian<br />
Poliziak gogor hartu zituen euroaginduaren aurka protesta egitera atzo Pauera joan zirenak. <strong>BERRIA</strong><br />
Segiko hiru kideren aurkako<br />
euroaginduak onartu ditu<br />
Paueko auzitegiak<br />
Poliziak gogor jazarri<br />
zaizkie protestara bildu<br />
diren senide eta lagunei;<br />
bi gazte zauritu eta<br />
beste bi atxilotu dituzte<br />
Aitor Renteria Baiona<br />
Paueko auzitegiak euskal militanteen<br />
aurkako hiru prozedura<br />
aztertu zituen atzo, eta horietako<br />
lehenean, Beñat Lizeaga, Aitziber<br />
Plazaola eta Bergoi Madernaz<br />
gazteen aurkako euroagindua<br />
onartu zuen. Jazint eta Xalba Ramirez<br />
anaien aurkako euroagindua<br />
eta Endika Perezen aurkakoa<br />
ere aztertu zituen Paueko epaileak.<br />
Heldu den asteartean jakinaraziko<br />
du hiru militante horien<br />
aurkako ebazpena. Azkenik, Jon<br />
Goio Jimenezen aurkako euroagindua<br />
aztertu zuen epaileak.<br />
Atzo epaitu zituzten sei gazte<br />
horiek urrian ihes egin zuten<br />
etxetik, Espainiako Polizia atxilotzera<br />
joan zitzaielarik. Izpuran<br />
(Nafarroa Beherea) astebeteko<br />
itxialdia egin zuten, polizia operazio<br />
hartatik ihes egin zuten Aiala<br />
Zaldibar eta Irati Tobar gazteekin<br />
batera. Itxialdia bukatu zelarik,<br />
hautetsi talde zabal batek babesa<br />
eman zien gazteei, eta beren etxeetan<br />
hartu. Alta, martxoaren<br />
1ean Lizeaga, Plazaola, Madernaz<br />
eta Zaldibar atxilotu zituen Frantziako<br />
Poliziak. Biharamunean,<br />
Ramirez anaiak atxilotu zituen<br />
euroaginduaren aurkako prentsaurreko<br />
batera zihoazelarik, autoa<br />
zeramaten hautetsiei mehatxu<br />
eginez. Arratsaldean Endika<br />
Perez atxilotu zuen Poliziak, hautetsien<br />
autoa indarrez geldituz,<br />
berinak hautsiz eta mehatxu gisan<br />
pistola zuzenduz hautetsiei.<br />
Itxialdia egin zuten Segiko zortzi<br />
kideen artean libre dagoen bakarra<br />
Irati Tobar da. Hendaiako<br />
Joncaux eremuan dago, euroaginduaren<br />
aurkako gose greba<br />
egiten, Iker Elizalde eta Xabi Hirigoien<br />
Hendaia eta Beskoitzeko<br />
hautetsiekin batera.<br />
Abokatuak, uzkur<br />
Atxilotuak epailearengana eraman<br />
bezain laster, auzibidea bertan<br />
behera uzteko eskatu zuen<br />
Amaia Errekarte abokatuak. Eskari<br />
bera berretsi zuen ondoren<br />
Xantiana Cachenaut abokatuak.<br />
Espainiako epaileek egindako<br />
atxilotze aginduak gaztelaniaz<br />
eta ingelesez zeuden idatzirik.<br />
Frantziako Konstituzioak argi dio<br />
hizkuntza ofizial bakarra frantsesa<br />
dela eta, horretan oinarrituz,<br />
auzibidea indarrik gabe uzteko<br />
eta gazteak libre uzteko eskatu<br />
zuen abokatuak. Epaileak ez zuen<br />
onartu eskaria, eta atxilotuak Okzitaniako<br />
Tolosa herrian dagoen<br />
Seyssesko presondegira eramateko<br />
agindu zuen, ebazpenaren zain<br />
edo ebazpena hausteko eskariaren<br />
erantzunaren beha.<br />
Jon Goio Jimenezen aurkako<br />
prozedura, berriz, torturan oinarritua<br />
dela nabarmendu zuen Cachenautek.<br />
Goio Jimenez Bidaxunen<br />
atxilotu zuten. Pedro Maria<br />
Olano Zabalaren aitormenean oinarritzen<br />
da euroagindu eskaria.<br />
Atxiloketaren ondorioz, tortura<br />
salaketa ezarri zuen Olano Zabalak.<br />
Salaketa hori aztertu arte, euroagindua<br />
bertan behera uzteko<br />
eskatu zuten abokatuek. Kasu<br />
horretako ebazpena ere asteartean<br />
emanen dute jakitera.<br />
Auzitegiko kanpo aldean istiluak<br />
egon ziren, Frantziako Polizia<br />
atxilotuak eraman nahi izan<br />
zituelarik. Bertara hurbildu ziren<br />
familia eta lagunen aurka egin<br />
zuen Polizia. Horren ondorioz, bederen<br />
bi lagun zauritu ziren; buruan<br />
bat. Bertze alde batetik, Poliziak<br />
Txomin Catalogne eta Txomin<br />
Hiriart-Urruti atxilotu<br />
zituen.<br />
Bi gazte horiek libro utzi eta euroaginduen<br />
prozedura bertan behera<br />
uzteko eskatu zuen Askatasunak.<br />
«Berriz ere erakutsi dute<br />
haize berriak eragiten dien urduritasuna».<br />
Dinamika hori makilen<br />
indarrez ezin dela gelditu nabarmendu<br />
du Askatasunak.<br />
Deklarazioa<br />
hartu ondoren,<br />
aske utzi du<br />
Marlaskak<br />
Arantza Zulueta<br />
Abokatua abendutik<br />
dago kalean, baina<br />
epaileak berriz<br />
deklaratzeko ordua<br />
jarri zion atzoko<br />
Erredakzioa<br />
Espainiako Auzitegi Nazionalean<br />
Fernando Grande-Marlaska<br />
epailearen aurrean deklaratu<br />
ondoren, etxera itzuli zen atzo<br />
Arantza Zulueta abokatua. Iaz<br />
abokatuen aurkako operazio<br />
batean atxilotu eta zazpi hilabetez<br />
preso izan ostean, abenduan<br />
askatu zituzten Arantza Zulueta,<br />
Jon Enparantza eta Iker Sarriegi<br />
abokatuak. Horretarako, 60.000<br />
euroko bermea eta astero epaitegian<br />
sinatzeko baldintza jarri zieten.<br />
Baldintzak bete dituen arren,<br />
berriz deklaratzera deitu zuen<br />
epaileak Zulueta, iaz egin zizkion<br />
akusazioetako batekin aparteko<br />
auzia sortuta. Fiskalak ez zuen<br />
akusatuaren aurkako neurririk<br />
eskatu, eta aske utzi zuten.<br />
Ostegunean<br />
Frantzian<br />
atxilotu zituzten<br />
laurak espetxera<br />
bidali dituzte<br />
Zobaran eta Saez de<br />
Jauregi La Santeko<br />
presondegian sartu<br />
dituzte, eta Labaka eta<br />
Oroz, Fresnesekoan<br />
EA eta Herritarron Garaia<br />
batu dira, bozei begira<br />
Erredakzioa Iruñea<br />
Nafarroa Aldatzen ekimenak larunbatean<br />
egindako deiari erantzunez,<br />
bilera egin zuten atzo<br />
EAk eta Herritarron Garaiak.<br />
«Eraginkorrak izateko», aldaketa<br />
politiko eta soziala nahi dutenak<br />
biltzeko deia egin zuen ekimenak.<br />
«Aniztasunetik abiatuta eta<br />
lotzen gaituenari helduta, subjektu<br />
elektoral herritar, ezkertiar,<br />
aurrerakoi eta berri bat sortzeko<br />
aukeraz aritu gara», jakinarazi<br />
dute bileraren ondoren EAk eta<br />
Herritarron Garaiak. «Sintonia<br />
handiz» aritu direla diote bi aldeek.<br />
«Garai historikoa bizi dugu, eta<br />
aldaketa politiko eta sozialaren<br />
alde ahalik eta indar gehien bildu<br />
nahi dugu», adierazi dute.<br />
Nafarroa Aldatzen ekimenak herritarrak<br />
ardatz izan nahi dituela<br />
azaldu du, eta babesa emateko<br />
eskatu diete herritarrei.<br />
Horretarako dute herritarrongaraia@yahoo.es<br />
helbidea.<br />
Ekimenaren sustatzaileak, atzo egindako bileran. IÑIGO URIZ / ARGAZKI PRESS<br />
Erredakzioa<br />
Alejandro Zobaran, Iban Saez de<br />
Jauregi, Urko Labaka eta Mikel<br />
Oroz kartzelara bidali zituen<br />
epaileak, astelehen gauerdian deklarazioa<br />
hartu ondoren. La Sante<br />
kartzelara eraman zituzten lehen<br />
biak, eta Fresnesera beste<br />
biak. Ostegunean atxilotu zituen<br />
Frantziako Poliziak.<br />
Gatazka konpontzeko apustua<br />
mahai gainean dagoela ohartarazi<br />
du Amnistiaren Aldeko Mugimenduak<br />
atxiloketen inguruan.<br />
AAMk dio hainbat eragilek konpromisoak<br />
hartu dituztela bide<br />
horretan, tartean ETAk. Espainiako<br />
eta Frantziako gobernuei<br />
ere urratsak egiteko deia egin die,<br />
besteak beste, atxiloketak geldituz.
Change language