El Consejo Vasco del Movimiento Europeo (1951-2001) - Eurobask

Isabel López Aulestia
EMEK-ko lehendakariordea
Nire belaunaldiko pertsona batentzat, hots, bakartze soziala, kulturala, ekonomikoa
eta fisikoa bizi izan zuen belaunaldiarentzat (nire aita errepublikazale aitortua zen eta
60ko hamarkada arte ez zuen pasaportea lortu), Europa hitzak konnotazio magikoak
ditu: bizimodu bati da, balio batzuk, kultur eredu bat, hiru ardatzetan –demokrazia,
kultura eta gizarte-eskubideak– oinarritzen den utopia politikoa.
Schuman Deklarazioa egin zela mende erdi igaro denean, eta Europako Mugimenduaren
Euskal Kontseiluak –ideia europeista haien eraginez sortutakoak– 50.
urteurrena ospatzen duen honetan, bidezkoa da aitortzea Europako proiektua lortzeko
egindako bidea hasiera batean baikorrenek ere aurreikusi baino luzeagoa izan dela.
Baina ekimen horren indarra aitortzea bidezkoa bada, beharrezkoa da, baita ere,
eraikuntza horren oinarri den eredua ikuspegi kritikotik aztertzea.
Garai bat une horretan hegemonikoak diren ideien emaitza izaten da eta, zalantzarik
gabe, gure garai honetan pentsamendu neoliberala da nagusi: baztertzailea –horregatik
identifikatzen da pentsamendu bakarrarekin–, laua eta uniformea, indibidualista,
elkartasunik gabea, erlatibismo morala duena eta gizarteko eskubideak baztertu eta
natura suntsitzen duena.
Askok ez dugu Europa hori atsegin, eta gure burua bertako balioekin (edo balio
faltarekin) ez dugu identifikatzen. Guk nahi dugun Europa, herritarren Europa gisa
ezagutzen duguna da: Europa demokratikoagoa ikuspuntu politikotik eta baita ikuspuntu
sozialetik ere; botere-banaketaren printzipioak –demokraziaren funtsa, gure ilustratuen
ideiaren arabera– zuzendutako instituzioak nahi ditugu, gaitasun legegilea izango duen
Parlamentua eta juridikoki loteslea izango den Konstituzioa, europar guztioi eskubide
31