El Consejo Vasco del Movimiento Europeo (1951-2001) - Eurobask

EL CONSEJO VASCO DEL MOVIMIENTO EUROPEO / EUROPAKO MUGIMENDUAREN EUSKAL KONTSEILUA (1951-2001)
Amets haien guztien artetik, federalismoa da gauzatzeko zailtasun handienak
dituena. Europako estatuei zaila egiten zaie beren subiranotasuna azkenean Europa
zaharreko herriekin banatzea, horietako asko eta asko duela mende bat baino gutxiago
beren amets inperialen azken hondarrak defendatzeko borrokan baitzebiltzan.
Azken urteotan, euskal alderdi nagusienek Europako Mugimenduaren Euskal
Kontseiluari bultzada handia eman diote. Ildo horretan, gizarte zibilaren parte-hartze
aktiboa bultzatu dute –horren barruan dago, hain zuzen, nik ordezkatzen dudan Arabako
Industri Ingeniarien Elkargoa– eta Kontseiluak bultzatzen dituen jarduera asko gizarte-
-eragileekin batera gauzatu dira.
Hala ere, Europa zaharreko bazter honetan bizi dugun egoera politiko eta sozialean
ugari dira oraindik bortizkeria-gertakariak. Eta gertakari horiek, hain zuzen,
demokrazian, askatasunean eta herritar askoren oinarrizko eskubideen errespetuan
oinarritzen diren printzipioak urratzen dituzte; hain zuzen, duela 50 urte Kontseilua
osatu zuten euskaldun askok amestutako printzipio horiexek.
Horregatik, eta Kontseiluak europeismoari esker alderdiek eta gizarte zibilak
pentsamendu komuna izateko aukera ematen digunez, behar-beharrezkoa iruditzen
zaigu gaur egungo Euskal Kontseiluaren bidez gutariko bakoitzak berriro ausardiaz
jardutea, eta herrialdeaz duen ikuspegia agertzea. Izan ere, ikuspegi horiek oso
desberdinak direlako oraingoz gaindiezinak iruditzen bazaizkigu ere, berriro gure herri
txikiak etorkizuneko Europar Federazioaren barnean izango duen egiturari buruzko
ikuspegi bateratua islatuko duen adierazpena egin beharko genuke.
46