DBH - Navarra

I. AITZIN-SOLASA
argi dago. Bestetik, idazteak eskatzen dituen prozesu kognitiboak bere
baitan biltzen dituzten prozedurak dira ikasleei irakatsi beharrekoak.
Prozesu hauek honako urratsetan bereiz daitezke:
• Planifikazioa:
- Testuak edukiko dituen informazioak irudikatzen dira.
- Idazte-ekintza gidatuko duten helburuak formulatzen
dira.
• Testualizazioa:
- Irakurleak uler dezakeen hitzezko diskurtso bilakatzen
da aurretiko eskema edo irudi semantikoa.
• Berrikusketa:
- Egindako idazkia eta planifikatutako helburuak alderatzea,
eta idazkiari ukituak ematea, helburuetara
egokitzeko eta hobetzeko.
Ikuspegi honetatik, gure eguneroko jardunean, hasteko, ezinbestekoa da
idazte-ekintza bat abian jartzen dugunean ikasleak zeregina oso zehaztua
izatea, gure kontsignak komunikazio egoera argi adieraztea. Bestetik, idazte
prozesuan ikasleak eman beharreko urratsak bideratzea ezinbesteko dugu.
Batik bat, bere lanaren berrikusketa egiteko gaitasuna baloratu beharko
genuke, aurretik emandako kontrol zerrenda baten arabera, honen bidez
behin betiko testura iristeko. Azken batean, gure helburu nagusia ikasleek
beraien konposizio-prozesua erregulatzea izango da.
Hau guztia esanda, argi dago ebaluazio irizpideetan pentsatu aurretik, testu
idatziak lantzerakoan darabiltzagun helburu, jarduera, metodologia eta
estrategiei erreparatzea ezinbesteko dugula. Idazten idatziz ikasten da,
baina ez da kantitate kontua soilik. Idaztarau, prozedura eta estrategia jakin
batzuk esplizituki irakatsi behar dira.
11