DBH - Navarra
DBH - Navarra
DBH - Navarra
Create successful ePaper yourself
Turn your PDF publications into a flip-book with our unique Google optimized e-Paper software.
Aurkezpena<br />
Oinarrizko gaitasunak Derrigorrezko Bigarren Hezkuntzako curriculumean<br />
sartzea eta ebaluazio diagnostikoa gaitasunen arabera ezarri beharra direla<br />
medio, Hezkuntza Administrazioek eginahala egin behar dute irakasle taldeei<br />
material eta tresna zehatzak emateko, ikastetxeei eginbide horietan<br />
laguntzeko modukoak.<br />
Ideiak modu antolatu eta eragingarrian adierazteko, komunikazio gaitasuna<br />
oinarri funtsezkoenetako bat da. Beste bat, mezu bat ulertzeko gaitasuna<br />
da. Edozein hezkuntza sistemaren helburuetan nagusietako bat da ikasleek<br />
ahozko mezuak eta testu idatziak ulertzeko eta bere pentsamenduak ahoz<br />
zein idatziz adierazteko gai izan dadin lortzea: zer sentitzen duten, bizitza<br />
nola ulertzen duten… helburu horiek, jakina, Hizkuntza eta literatura arloaz<br />
askoz haratago joaten dira eta ikastetxe batean bizitasuna duten jarduera<br />
guztiak barne hartzen dituzte.<br />
Ebaluazioaren inguruko bilduma honetan gaur irakasleentzat interes bizikoa<br />
izanen den materiala aurkezten dugu. Lan honen egileek, Ane<br />
Apezetxeak eta Bakarne Ruizek beren irakaslanetik ateratako hainbat gogoeta<br />
eta orientabide aportatzen dituzte hain egunerokoa eta halere hain<br />
konplexua den ataza hau hobeki burutan ateratzeko: ikasleek idatzitako testuak<br />
baloratu eta zuzentzea.<br />
Hezkuntza Departamentuak beretzat hartu duen ebaluazio diagnostiko ereduak<br />
bai testuak irakurtzea eta bai idaztea ere sartzen ditu komunikazio<br />
gaitasunaren barrenean. Ohart gara zeinen zaila den idazlanak zuzentzeko<br />
sistema homogeneo eta balio unibertsalekoa lortzea; hala ere, orientabide<br />
hauek eta irakaslan errealeko zenbait adibide eskaintzen dizkiegu irakasleei.<br />
Etorriko ahal zaizkigu beste ikuspen eta proposamen asko, ebaluazio<br />
lan hau aberastuko dutenak.<br />
Gaur arte ez da aurkitu ikasleen testuak baloratzeko sistema erabat fidagarririk,<br />
modu azkar, eragingarri eta orokortuan erabiltzeko modukorik. Hala<br />
ere, gaur bertan irakasle guztientzako zenbait ebaluazio irizpide ezar ditzakegu<br />
egoera errealei aplikatzeko.