DBH - Navarra

KOMUNIKAZIO GAITASUNA: TESTU IDATZIEN EKOIZPENA. Zuzenketarako orientabideak
zeuden. Bazen denboraldi bat Endikak lagunekin hitz egiten ez zuela eta
familiarekin ere gero eta gutxiago hitz egiten zuen. Beraz, Endikaren aitarekin
eztabaidatu ondoren (AMAK ENDIKAK), teleskopioa kentzea adostu
zuten (GURASOEK)”.
➤ Oro har, testuan ideiak josita daude, lokailuak eta antolatzaileak
erabili dituelako. Bereziki, narrazioaren egitura
markatuko duten antolatzaileen erabilera ezinbestekoa da.
Honako adibidean argi dago arazoa adieraziko duen batbatean...
edo antzeko formaren baten beharra:
“*... Gauero bezala, teleskopiotik begira egon zen ordu luzetan zehar.
____ Zeruan zerbait ikusi zuen, satelite bat zirudien baina hau berezia zen.”
➤ Argumentuaren garapenaren berri emateko denborazko antolatzaileak
modu egokian erabili ditu: Hasieran,... Ondoren...,
Gero..., Bukaeran,...
➤ Aditz denboraren erlazioa ongi darabil. Askotan, istoriaren
haria galdu eta oharkabean denbora aldaketak gerta
daitezke: “*Hurrengo egunean, azterketara joan ordez, egunkarira joan
zen berria kontatzera. Baina ez dio inork sinisten”.
24
2.2.2.2. Puntuazioa
➤ Paragrafoak bereizi ditu, puntu eta aparte eginez.
➤ Paragrafoak erregularrak dira, eta ez luzeegiak.
➤ Perpausak banatzeko puntu eta jarrai erabili du, esaldi
luzeegiak saihestuz.
➤ Estilo zatikatua saihestu du (perpaus oso laburrak, bata
bestearen atzetik).
➤ Komen erabileraz:
❍ Komak erabili ditu aposizioak edo azalpenak tartekatzeko.
Adibide honetan garbia da komen beharra: “*Goiz batean,
Endika ikastolan zegoenean, Anabel bere ama gelan sartu zen...”
❍ Subjektuaren eta predikatuaren artean ez du komarik erabili.
Esaldi honetan, adibidez, ez da betetzen: “*Hamairu
urteko mutil batek kometa bat aurkitu izana, sinestezina iruditu zitzaien.”