Hnehna Eng 18

2012 THUPUI “KA THLARAU ZAWKIN LE” (BUT BY MY SPIRIT) ZAKARIA 4:6
Vol.XVIII Issue No.18, 29 April 2012 (PATHIANNI), THE SALVATION ARMY YOUTH, BETHLEHEM CORPS KARTIN CHHUAK
LITERATURE WORKSHOP
Salvation Army Youth,
Central South Division hmalaknain
21 April (Inrinni) khan Literature
Worshop, Tlangnuam Corps-ah
neih a ni a, Workshop hi Capt.
Richard Vanlalnghaka DYS-in
hawngin, City Area Central South
Division News Letter Editorial
Board-te pual a buatsaih a ni.
Micheal Lalramlianana,
Secretary, DSAY-in worshop
kaihruaiin Resource Person-ah
Malsawmpuia Ralte, ECM Central
South Division hman a ni.
Programme hi Session hnihah then
niin First Session-ah Paper
Presentation leh Discussion hun
hman niin Second Session chu
Practical Presentation a hun hman
a ni. Hnehna Eng Editorial Board
a\angin Albert Lalruatkima, News
reporter a kal a ni.
ZIN LO HAW
NEICCYA 14th Biennial
Conference hmangin Territorial
Songsters IET-te chu Shillong-ah an
zin a, he khawmpui hi kum hnih dana
neih \hin niin, Church of God,
Qualapatty chuan conference hi a
thleng a. Territorial Songsters
rawngbawlna a benglut hle a 24 April
khan tluang takin an lo haw leh a ni.
NEICCYA khawmpuiah
hian hruaitu thar inthlanna neih
nghal a ni a, hetah hian Tv
Hrangthanmawia, TSAY
Fin.Secretary & College Veng Corps
SAY Leader chu NEICCYA
Asst.Secretary atan thlan tlin a ni.
BRIGADE NITE
Bethlehem Corps SAY
Brigade Nite chu 16 July 2012 SAY
Meeting zanah neih nise tiin SAY
Council chuan a rel a. Hun hmang
hmasa ber turin Lt.Col.Kawlkhuma
Brigade-te chu ruat an ni. Hun
hmanglo Brigade apiangin item
pakhat tal neih tur tur a ni bawk.
SPORT
SAY Charity Sport lo awm
turah hian member zawng zawngte
kim taka kal turin an insawm a, CSM
Vanlalhruaia In, Kawn Vengah 5
May zing dar 8:00-ah kim vek tur a
ni. Tiffin mahni kham khawp pai
nise tiin SAY Council chuan
member-te a chah a ni.
ZORAM SIPAI PAWLNI VAWI 95-NA
29 April 2012 : Zoram Sipai Pawl Ni vawi 95-na chu 26 April 2012 (Nilaini)
khan Corps/Society hrang hrang ten Social Activities neihna hun atan an
hmang a, Bethlehem CO Bial pawhin Bial pum huapin hemi ni hian
Tuithiang Vengah Biak In sak hnatlang neih a ni.
Tuithiang Biak In thar tur hi dar 10:30 a.m ah Lt. Col. Lalramhluna’n
Lungphum phumna leh Pathian hnena hlanna a neih zawh hnuin hnatlang
neih chhunzawm nghal a ni. Bial chhung Corps pathum a\angin member thawk
chhuak an \hahnem hle.
Zan lamah inkhawm hlimawm tak hman a ni a, Inkhawm hi Pu
Biaksanga Col. Sgt. (R) in a kaihruai a, Maj. Lalsawmliana Commanding Officer
chuan Pathian thuchah a sawi a, SAY Songster Brigade leh Band ten Pathian
fakna hla mawi tak an rem bawk a ni.
SAY COUNCIL VAWI 7-NA NEIH A NI
26 April 2012 zan inkhawm ban khan Bethlehem Corps SAY Council vawi
7-na neih a ni a, an thu rel tlangpuite:-
Lekha lolut : 1) Chalchhuna Brigade Asst. Secretary Irene Lalruatdiki
chu rawngbawlna avanga hmun danga a awm tak avangin, a aiah Merilyn
Lalbiakngheti chu ruat a ni.
ii) Corps Council a\angin Corps hmanrua leh bungrua (Corps Property)
reng reng hawh chhuah phal a ni tawh lova, Corps chhunga section hrang
hrang ten rawngbawlnaa an hmang duh a nih chuan Quarter Master hriattir
\hin tur a ni a, tin, Biak Ina Blanket suk phal a ni tawh loh thu hriattirna
dawn a ni.
Dan ennawn : SAY inkaihhruaina dan hman mek ennawnna turah ennawn
ngai nia hriat \henkhat chhawp chhuah a ni.
Charity Sport : 5 May 2012-a Chanmari Corps SAY-te nen Charity Sport
neih tura ruahman tawh chu remchan zawkna avangin 12 May 2012-ah a
hmun ngai Hualngo hmunah sawn a ni. Tin, 7 May 2012 zana Joint Fellowship
neih tura tih pawh 14 May 2012 zanah sawn a ni bawk. Sport-na turah hian
items chi hrang hrang thlan a ni a, chung zingah chuan Penalty Shot Council
member chinte tan buatsaih a ni bawk a, a pet goal lo ten Rs. 20/- chawi tur
a ni. Football-ah Red Card hmu apiangin Rs. 20/- leh Yellow Card hmu ten
Rs. 50/- chawi tur a ni bawk ang. Zing dar 9:30-ah \an tur a ni ang a,
Chanmari Corps Leader-in Sport hawnna neiin, Bethlehem Corps Leader-in
a kharna hun a hmang ve thung ang.
Music Nite : 3 May 2012-a hman tura rel tawh chu, rawtna awm angin 24
May 2012-ah sawn a ni.
HSLC pass tharte hnenah 30 May 2012-ah lawmpuina certificate hlan nise
tih a ni. Pass tharte fuihna thu sawi turin Tv. Johny Lalthanpuia, Asst. Leader
leh Pu Robert Lalrinawma, Adviser-te ruat an ni.
Bial siam rem : Lalremruati (LR-i) bial \hin chu pasal a lo neih tak avangin
a aiawha lo bial turin Tv. Lal\hazuala Tlau chu ruat a ni.
Brigade/Hnehna Eng Audit : 7 May 2012 zan inkhawm banah, Brigadete
leh Hnehna Eng sum Audit nise tih a ni a, SAY OB ten an Audit ang.
SAY Meeting, Fellowship leh Finance, Quarterly report tun thla chhunga
tih chhuah nise tih a ni.

Vol. XVIII Issue No.18 HNEHNA ENG Phek 2-na
Associate Editor : Lalremtluanga
Chief Manager
: F.Vanlalhlimpuia
Joint Editor
: Lalrammawia
News Reporters : PC.Lalhmingchhuanga
: Albert Lalruatkima
: Lalthazuala Tlau
: C.Lalbiaktluanga
Zirna leh Thiamna...
Mizoram Board of School Education HSLC
Matric result chhuakah Bethlehem Corps a\angin
naupang \hahnem takin matriculation an pass a,
an lawmpuiawmin chawimawi an phu hle mai.
Hetianga kan Corps sipai zingah lehkhathiam kan
pun belh hi hmasawnna a ni. First Division tam
zawk kan neih theih tawh ngei beisei chungin matric
la exam turte \anpui a fuih nasat chu an mamawh
awm e. Bethlehem CO Bial a\angin top 10 langpha
Enna Corps zirlai an awm kha a lawmawm lehzual
ngei mai. Hetiang hian kan Corps zirlai naupangte
pawhin an ti ve thei anih tih hriain tan \an khawh
tak tak teh u!
Lehkhathiam hi thiam tawp (end) a awm
lova, a \angkaiin - hmasawnna, changkanna,
eizawn nan leh Pathian rawngbawl nana hmanraw
\angkai tak a ni. Lehkhathiamlo tamna hmunah
chuan finna tlakchhamin a awm \hin a, lehkhathiam
tamna hmunah chuan finna leh hmasawnna,
malsawmna a tam ngai e. Lalpa rawngbawl tur hian
qualification emaw, lehkhathiamna sang a ngai hauh
lo nain \angkai taka rawngbawl tur chuan thiamna
a ngai thung a ni. Pianpui B.A. a innghah theihlohna
hmun tam tak a awm, Statistics & Analysis ti turin
pianpui finna a tawk lo, computer software \angkai
tak tak siamchhuak turin pianpui finna a tawk zo
lo; he leirama thil \hate hi Pathian tana hmang tak
tak tur chuan thiamna sang zirchhuah a \ul \hin.
Isua zirtirte zingah Petera chu mi fing tak a
ni lemlo tih kan hre tlang a, chutih laiin Paula erawh
lehkhathiam tak anih zia kan hmu bawk. Thlarau
lamah chuan Pathianin malsawmna a pe ve ve nain
Paula zarah tuna kan Holy Bible-ah hian chhiar tur
a tam phah hle a ni. Ringtute tan kum 2000 ral hnu
pawhin Paula fin leh lehkhathiam zar kan la zo
tlang ta anih hi.
Setana hian mawl hle turin Pathian fate hi
min duh, finna leh thiamna nei lovin thawpuar mai
mai ila a duhthusam a ni. Pathian rawngbawl turin
finna leh thiamna a ngailo hi a dik a, Thlarau chauh
a ngai reng a; thiamna leh finna, zirna sang zawk
hnualsawt zawnga infuihna erawh hi chu Pathian
a\anga chhuak a ni lo. Finna leh thiamnate hi Lalpa
ta a ni, Setana ta a ni lo. Lal Solomona khan Pathian
a\anga chhuak finna a dil a, a lalram anga hausa
kha tun thleng hian an la awm leh ta lo.
Kan thiam, kan theih, kan finna zawng
zawng Lalpa tan. Chakna leh thiltihtheihna
hmangin Lalpa hmel tumahin an hmu ngailo, Lalpa
hmutu ten an chakna leh theihna zawng zawng an
hlan zawk \hin a ni. Chutiang ti tura koh kan ni e.
Managers
: Lalrohlupuii
: Jonathan Lalchhanmawia
: Nicky Lalhmangaihzuala
: Stephen Lalmawipuia
: Laldinsanga
: Vanlalchhandama
HUN RUATNA
SENIOR CORPS
THIANGHLIMNA INKHAWM (29 th APRIL 2012)
HRUAITU : Ramdingliani, HLSL
BIBLE ADD : K.Lalthazuala, VS
BIBLE SCHOOL (29 th APRIL 2012)
HRUAITU : Lalauzuali
CHHANDAMNA INKHAWM (29 th APRIL 2012)
HRUAITU : PC.Lalmuanpuii
BIBLE ADD : Dengkungi
SIPAI INKHAWM (2 nd MAY 2012)
HRUAITU : Lalzikpuii
: Joseph Laldailova
ZIRLAI 15-NA
HOME LEAGUE
HL MEETING (1 st MAY 2012)
HRUAITU : Tlanzovi
BIBLE ADD : Maj.Lalngengi
,SALVATION ARMY YOUTH
SAY MEETING (30 th APRIL 2012)
HRUAITU : Lalthakima
BIBLE ADD : F.Lalchhandama, Asst. Evan. i/c.
BIBLE READING : Lalchhuanawmi (Achhuani)
FELLOWSHIP (29 th APRIL 2012)
HRUAITU : Lalawmawia
TANTU : Naom Vanlalruatpuii
YOUNG PEOPLE
SUNDAY CHAWHMA (29 th APRIL 2012)
HRUAITU : K.Lalruatdika, YPCG
|ANTU : Lalhmingmawii, Inter Girls I
BIBLE CHHIARRUAL: Thuhriltu 12:1-8
KAIHRUAITU : C.Lalchhandami, Inter Girls I
CG TAWNGTAIRUAL: Biakremmawii, YPT
SUNDAY CHAWHNU (29 th APRIL 2012)
|ANTU : S.M.Lala, Junior Boys II
CORPS CADET
CORPS CADET MEETING (4 th MAY 2012)
KHUANG VAWTU : CC Lallawmzuala I
|ANTU : K.Lalthangmawii
THAWHLAWM : K.Vanlalruati, T.Lalremsiama
HLANTU : Lalhriatzela
ZIRLAI : Hunlawmawma, CC.Sgt.
HRUAITU : Vanlalchhandama, ACCG
Bible chang byheart tur Sam 91:11-16
PANGPAR KHAWI-TUTE
29 th APRIL 2012
PC.Lalringliani & Lalsiammawii
APRIL USHERS
1. Vanlalruati 2. Mary Lalnunmawii
3. Edwin Zothanpuia 4. Lalhruaizeli
5. Nicky Lalhmangaihzuala 6. Vanlaltlani

Vol. XVIII Issue No.18 HNEHNA ENG Phek 3-na
INNEIHNA PUAN SIAN A TUL
- Lalbiaktluanga Royte, CG
Bible chang tarlan:- “Beram No nupui neihna ruai theha sawmte chu an eng a thawl e” Thupuan 19:9.
“An puante Beram No Thisen sinin a tivar ta a” 7:14.Matt.22:12. “|hiana, engtizia nge ni inneihna puan lovin
hetah i lo luh le.”
Kan tun lai Inneihnaah hian Mo leh a
thianten inneihna puan emaw thawmhnaw
incheinan an hmang hi a nih tur angah chuan kan
ngai a nih pawhin, midang, an nu chhungte emaw
mopa chhungte emawin a inanga thawmhnaw hak
erawh kan chin thar leh kan la tih uar tur ni awm
tak a ni. A hautak duh hle mai a, mahse a inang
thawmhnaw kan hak chu a zahawmin a lang mawi
bik khawp mai. A ha ve lo nih chu chhungkhat pawh
nise, midang, \hian\ha lo kal ve an ang duh (A hautak
avang tak hian a ni Sipai Pawl chuan Uniform bak
incheina atan a hman loh ni) Hei hi kan chin thar
emaw kan lo ti ange, kan Bible chang tarlan a tang
hian hmanlai Isua hunlai pawhin an lo ching a,
inneihna thawmhnaw ha lo chu an inchhuahchhal
ni. Chuvangin inneihna a kan kalin inneihna
thawmhnaw hak a va tul em! Inneihna thawmhnaw
halo hian inneihnaah i kal em Piangthar silo hian
piangthar awmin i awm em Isua nei silo hian Isua
nei awm takin i nung em Thlarau Thianghlim thuam
leh hruai ni si lo hian Thlarau riau hian i in hria em
Beram No nupui neih chu a hun ta, Beram
No nupui neih ruai\heha sawmte chu an eng a thawl
e, tih kan hmu a, chu Beram No nupui neihna a ruai
theh tura sawm kan nih lai hian Matthaia ziak a mi
ang hian inneihna puan sin lo hian kan lo kal ve mai
ang tih ava hlauawm em He pa pawh hi sawm a
nih angin a kal ve a, mahse sawm anih a a ken tel
thil tul tak inneihna puan a sin loh avangin pawn
khaw thimah hruaichhuah a niin tah chuan \ah leh
ha\hial a hmabak anih kha. Keini tan inneihna puan
sin chu engnge ni ta ang le Pakhatna-ah chuan,
Thupuan a kan zirlai angin, puan chu ISUA a ni.
Bung 3 : 4 – 5-ah-te puan var sintir an ni a ti a, 1:13-
ah mihring ta ang, a ke ler thleng puan sin tih kan
hmu bawk. Keini Jentail-te hi Isua hi kan inneihna
puan sin tur chu a ni a, kan inthuamna tur a ni bawk.
Isua neih I duh zawk em Hla siamtu chuan Isua
neih ka duh zawk, Khawvel thil dang zawng aiin a
ti. Isua hi engkim dang zawng ai pawh a kan neih
tur leh kan thlan a ngai a ni. I Johana 5:10 ah Pathian
fapa ringtu chuan mahniah hriatna a nei a ni a ti a,
JCB FOR HIRE
JCB hire duh tan JCB
3XD thar hlak hire tur ka
nei e. Man tlawm leh
chak taka hnathawh
duhte tan koh theih reng
kan ni e. Contact :- Robert, 09862559400
HAPPY
BIRTHDAY
SAY Member zingah 29 April -5 May inkara piangte
lawmpuina leh duhsakna kan hlan e.
Hming Birthday
1. Benjamin Lalfakawma S/o. Lalthansanga
29-Apr
2. Laltlankima S/o. F. Lalremruata 5-May
Isua ringtu, neitu kan ni tak takin kan inhria em le
Pahnihna-ah chuan, puan chu kan TAKSA hi a ni.
An puante Beramno thisenin an tivar ta a tih kan
hmu a, Beram No Thisen a tih var, suk tur chu kan
taksa hi a ni. Heng puanvar sinte hi tute nge ni
Hrehawm nasa tak ata chhuak hote kha an ni a ti a,
hrehawm tawrhna chu taksain a ni. Joba’n chuvang
tak chuan ka inten a, Vut leh Vaivut a thuin ka sim
ta e a tih khan a taksa \awp lutuk leh tenawm pan
hnai khah luk damlai reng reng awm lo anga tenawm
a ni a, Beram No Thisena suk var a ngai a,
Tihthianghlim a ngai a ni. Paula taksa hi inngaihna
a ni lova, Lalpa tan a ni zawk e. Lalpa pawh chu
taksa tan a ni. Chuvangin, in taksa chu inchhunga
awm Pathian hnena a\anga in hmuh Thlarau
Thianghlim IN anih avangin in taksaah chuan
Pathian chawimawi rawh u a ti
(1Kor.6:13)(1kor3:16,17). Pathumna-ah chuan, puan
var/kawr var a ni. |henkhat chuan kawr fual var
an ti. Thupuan 19:13-ah chuan puan thisen kai a ti.
Thisen kai puanzar kan zar ang pawh hi a ni mai
thei. A enga pawh chu nise, puan var chu a \ha lam
a ni hrim hrim a, a hnehtu apiang puan var pek a
tiam a, indona hnehna puan var an tar bawk \hin.
Keini tan kan sawi duh chu kan Uniform var hi a ni.
Sipai Pawl chuan Sipai Pawl member nih nan
chhianchhiahna Uniform var an ha \hin an ti \hin.
Uniform hak hi incheina leh pawl chhinchhiahna a
nih piah lamah, thuk zawkin Uniform ha chin chu
piangthar tawh, Thlarau hruaia thlarau bote Isua
kebula hruai thleng tura chanchin\ha puan darhna
hmanrua tur a hnathawh kawr kan hak hi a ni. A
lang mai leh Sipai Pawl nih chhinchhiah nana ha
mai lovin, piangthar, thlarau bo hmangaihna neia
rawngbawlna tura ha turin, hak nachang la hre lo
leh ha peih lo, ha duh lote inhriatchhuah nan ha tawh
turin Sipai zawng zawng ka sawm nghal a che u.
Sipai nisi hak nachang hrelo leh ha duh lo chu
hmalam pan a hnehna an puan a rinawm loh a ni.
Hneh chung leh hneh zel turin a chhuak ta a tih hi
Hnehna puan nan a va tul em! I hak ngam loh chuan
I hneh aiin a hneh zawk che tih hria ang che.
Ramthim vei lovin, mahni invei a ngai tihna.
Lalpan kan thuziakte mite tan malsawm
rawh se.
SYMPHONY CHORUS
Bethlehem Symphony Chorus-te chuan 27 April
(Zirtawpni) zan khan hla zirna an nei a, a vawi thumna
atan 4 May (Zirtawpni) zan dar 7:00pm hian hla zir koh
leh a ni, Band Practice Room-ah zir leh tur a ni ang.
Zirtawp zan dar 7:00pm apiangin hla zir \hin tur a ni
anga, Bethlehem Corps Jubilee lawmna atana
inbuatsaihna anih bakah Jubilee zawh hnua Corps
Songster niin rawngbawlna an chhunzawm ang. Theory
bul\hut a\angin uluk takin music zir mek a, Mizoram
zaipawl \ha ber turin hma an la mek a ni.
Biak In notice board-a hming tarlante bakah a
tel duh apiang tel theih a ni. Inpe duh apiangte chu 4
May (Zirtawpni) zan hian kim taka kal turin an inhriattir
a, hla zir huna kal lo chu member a nih theih tawh lovang,
nasa
CORPS
taka
HNATLANG
zir a ngaih tawh
: 24
avangin.
MARCH
-
(ZIRTAWP)
Music Secretary
ZAN
(0

Vol. XVIII Issue No.18 HNEHNA ENG Phek 4-na
THI TURA AN HRUAI TE CHU CHHANCHHUAK LA,
THAH MAI TURTE CHU CHHANCHHUAK THUAI RAWH.
WORLD NEWS HEADQUARTER NEWS
CHANCHINTHA HRIL NAN FACEBOOK
Social media sites hrang hrang zingah Facebook
hi Kristian tamtak chuan an rinna kawnga inhrilh tawn
nan leh rinna kawnga intihchak tawn nan an hmang nasa
hle. Christian Vision leh Premier Christian Media-in
survey an neihna zinga mipui 64% chuan social network
hrang hrang Facebook, Twitter leh Youtube-te hi an
rinna tihchakna kawnga inpuitawn nan an hman nasat
ber thu an sawi. Kristian 700 an kawm zinga 84% chuan
internet hi rawngbawlna pawimawh tak leh
rawngbawlna hmun tha tak a nih thu an sawi.
71% chuan Kristian website hrang hrangah
rawngbawlna atana \angkai an post \hin thu an sawi a,
73% chuan thu tha tak takte leh link-te an rinna
chunchang an post \hin thu an sawi bawk.
Thu lawmawm tak mai chu heng social network
website hrang hrangte hi naupang lam chauh ni lovin
kum upa lamte pawhin an \angkai pui hle a ni. Hetiang
anih mek lai hian kohhran tam zawk 78% chuan social
network-te hi an la tui pui lutuk lo tih hriat a ni. Kristiante
hian internet hmang hian chanchintha an hril thei a ni
tih kan hre si a, Kohhran-te hian hei aia nasa zawk a
internet hi rawngbawl nan hman tum se tih chu an
duhdan a ni.
BETHLEHEM CORPS FINANCIAL REPORT
MARCH 2012 INCOME
1. Collection - Rs. 10,510.00
2. Garage Charge - Rs. 400.00
3. Corps Investment from YP Corps - Rs. 250.00
4. CO Bial Phone bill - Rs. 600.00
5. Bungbel hawh man - Rs. 270.00
6. Silaimu - Rs. 86,650.00
7. Self-Denial - Rs. 33,380.00
8. Special Fund - Rs. 4,4510.00
February B/F - Rs. 2,14,094.00
GRAND TOTAL - Rs. 3,90,664.00
MARCH 2012 EXPENDITURE
1. BSI Thawhlawm - Rs. 1,980.00
2. Mixer Khawl repair - Rs. 8,600.00
3. Pu Hmachhuana damlo kanna - Rs. 1,000.00
4. Building Board - Rs. 76,500.00
5. Vanglaini News man - Rs. 100.00
6. Corps Council thlalak man - Rs. 45.00
7. Tui Bill - Rs. 506.00
8. Electric Bill - Rs. 2,404.00
9. Hmunphiah man - Rs. 400.00
10. CO Bial Budget - Rs. 500.00
11. Pu Remmawia ralna - Rs. 500.00
12. Telephone Bill - Rs. 880.00
13. Generator man advance - Rs. 80,000.00
14. Maj.Chawnghluna thlahna - Rs. 2,000.00
15. Taxi fare - Rs. 40.00
16. Corps investment to Bank - Rs. 3,000.00
17. SAY City Area Meet - Rs. 20,000.00
18. Self Denial account - Rs. 33,380.00
19. DHQ Centage - Rs. 13,120.00
20. Chowkidar - Rs. 4,150.00
21. Mixer-in Missionary chawmna - Rs. 1,000.00
22. CO Council Kalna (Taxi) - Rs. 300.00
TOTAL - Rs. 3,08,905.00
B/F - Rs. 81,759.00
GRAND TOTAL - Rs. 3,90,664.00
NI 40 RAM TANA TAWNGTAI KHAR
Aizawl Temple Corps Prayer Ministry buatsaih
Mizoram tana \awngtaina hi 22 March 2012-ah \an a ni
a, a tirah chuan ni 30 chhung atana buatsaih a ni.
Amaherawhchu, Pathian thlarau pawlna leh malsawmna
tamtak avangin, ni 30 a lo tlin khan tawpsan mai theih
anih tak loh avangin, Prayer Ministry chuan
ngaihtuahna thar neiin, ni 10 dang atan an pawtsei leh
ta a ni.
Hemi chhung hian mi 13478-in Pathian hnenah
\awng\aina hun an hmang a, \awng\aina hun hmangtute
zing ami tamtakte hian Pathian Thlarau malsawmna
dawngin, piantharna chang ta te pawh an awm a. Tin,
taksa damna chang ta te pawh mi tamtak an awm a ni;
tin, \awng\aina hun hman chhung hian, kohhran pawl
inthliarna awm lovin, Pathiana hlimna leh lawmna thar
changtute chuan Temple hulhliap leh tualzawlte chu
lamtualah hmangin, nitin Pathian chawimawiin an lam
nileng \hin. Pathian hnathawh ropui leh mak tak takte
zingah naupang kum 10 mi hnenah Pathian Vantirhkoh
inlar chuan Pathian thlarau chenchilh leh malsawm a
nihzia a tarlang zual a, a kal tam apiangin hlawkna an
chang nasa mai a ni.
Ni 40-na 22 April 2012 Pathianni chawhnu
lamah chuan, khawpui chhung Corps hrang hranga
Sipaite leh kohhran hrang hrang a\ang lokal, veng
hrang hrang ami te lo pungkhawmin, hnehna
kawngzawhin bul \an a ni a, “Halleluiah” ti a aurualin
Aizawl khawpui-ah kawng an zawh hnuah Temple
tualah inhmukhawmin Pathian hman \hin zaithiamte
fakna hla leh \awng\ai rualna hun hmangin he hun ropui
tak hi khar a ni ta a ni.
SAKAWRDAI-AH SIPAI PAWLIN TANPUINA PE
24 April 2012 (Thawhlehni) tuk zing dar 6 khan,
thlipui natakin Sakawrdai khua a nuai a, In 2 chu a
tichhe vek a, a neitute pawhin hliam an tuar a, Hospital
panpui an ni a admit nghal an ni. Amaherawhchu,
ngaihtuahawm lutuk an ni lem lo niin Commanding
Officer hnen a\angin chanchin kan lo hria a, In chhia
avanga tuartute hi :-
Pu Vanngailova-te chhungkua leh Pu
Malsawmtluanga-te chhungkua Sakawrdai Chhimveng
ami te ve ve an ni; Centtral North Division
Headquarters chuan anni chhungkaw pahnihte hi
Rs.1,000.00 ve vein a \anpui a ni.
In tlu bakah hian khawchhung leh dai vela
thinglian tamtak a tlu a, heng thing tlu hian In tam tak
a tichhia a ni. Salvation Army Biak In pawh thingzar
tlain a delh a, a chung rangva \henkhat a tichhia a, In
chhiate pawh hi thing tlu in a delh bawk a ni.
ZORAM SIPAI PAWL NI
Mizoram-a Sipai Pawl din champha vawi 95-na
chu 26 April 2012 (Thursday) khan Corps hrang hrang
ten hlawhtling tak leh benglut takin an hmang. Social
Work lam hawia hman a ni tlangpui. THQ Staff-te chuan
hemi Ni denchhen hian THQ Office thar tur tifaiin
nilengin an hnatlang.
Published by THE SALVATION ARMY YOUTH, Bethlehem Corps : 2012
Editor : William Lalchhanchhuaha (: 8014343637 , Website: www.hnehnaeng.blog.com
Email : hnehna.eng@gmail.com || Printed @ Zorin Compugraphics Treasury Square. Private Circulation Only C. 220 /-