2012 thupui “ka thlarau zawkin le” (but by my spirit) - Hnehna Eng

2012 THUPUI “KA THLARAU ZAWKIN LE” (BUT BY MY SPIRIT) ZAKARIA 4:6
Vol.XVIII Issue No.46, 11 November 2012 (PATHIANNI), THE SALVATION ARMY YOUTH, BETHLEHEM CORPS KARTIN CHHUAK
SOCIAL SERVICE SUNDAY
JUBILEE
Jubilee Investment khawn a hun leh
ta a, Bial neitu ten Pi Lalsawmliani
Chairman Biblical Sub-Committee
hnenah theuhluh tawh tur a ni e.
NAUTE THAR
Pu K.Lalremruata, S/o.K.Lianluaia,
WS chuan fapa thar duhawm tak
mai, Kg.3.400 laia rit chu Aizawl
Civil Hospital-ah an nei a, naute
thar leh a nu leh pa te Sipai Hote
Lalpa’n malsawm rawh se
SPEAKER THAR
Hnehna Eng enkawltute khawhar
phal lova Krismas hla duhtawka an
play theihna turin Samari Mitha, a
hming hriat loh chuan Computer
Speaker thar tha tak mai a rawn
donate ringawt mai a, Hnehna Eng
Editorial Board-te an lawm hle.
Samari Mitha kan tawng ta zeuh
zeuh a, a zawngchhang thlak hle.
DAMLO
Pu C.Vanlalawia, H/o.
PC.Lalbiaksangi chu Grace
Hospital-ah a awm mek a, dam taka
a lo chhuah leh thuai kan beisei.
Sipai ten i tawngtaipui ang u.
Pi Rothangpuii, W/o. Pu
K.Lallawma pawh tun kar khan
damdawiin lamah enkawl a ni a,
zia awm lam panin in lamah enkawl
a ni mek a, Sipai ten a dam zel theih
nan i dil pui ang u.
Pu C.Vanlalchhuanga, S/o.
Maj.C.Vawra chu phaiah a mit zai
turin Doctor te’n an refer a, Sipai
ten i tawngtaipui ang u.
MUALINKHAWM
11 November Pathianni
hian Samsuih-ah Operation Nunna
Tuikhur hmangin tlaiah
Mualinkhawm neih tur a ni a, SAY
Fellowship a awm dawn lova, SAY
member zawng zawngte erawh kal
vek tur a ni e.
PROMOTION
Editor William
Lalchhanchhuaha chu a
thawhna MIZOFED-ah
Asst.Manager atangin Branch
Manager turin a kaisang a, kan
lawmpui hle. MIZOFED LPG
Aizawl Branch-ah (Office -
Bawngkawn) Manager-in a awm
dawn a ni. Hetiang mi kan nei hi
kan chhuang hle a, a hna thar
turah duhsakna kan hlan e.
REPUBLIC CO BIAL SAY NEN JOINT MEETING
11 November 2012 : 5 November 2012 (Thawhtan) zan khan,Bethlehem
CO Bial SAY Council-in kum tir lama Plan-a lo rel tawh CO Bial dang nena
Joint Meeting/Fellowship nei tura a lo rel tawh chu tihhlawhtlina awmin
Republic CO Bial SAY nen Joint Meeting an hmang.
He hunah hian SAY member-te an kal tha hle a, bus hire niin, a
thei apiangin mahni motor keng bawkin thahnem tak Bethlehem Corps
SAY-te an kal a ni. Items benglut tak tak ngaihthlak a thlir ho a ni. Meeting
hi Bethlehem CO Bial SAY Leader Pu F. Lalchhandama’n hnehsawh takin
a kaihruai a. Items chi hrang hrang - Bethlehem Corps SAY Songster
Brigade ten ropui takin Pathian fakna hla “En teh van khawpui tual lai
khi” an rem a, Enna Corps leh Mualpuikawn Corps atangin solo nalh
tak ngaithlak a nih bakah Republic Corps SAY worship dance, College
Veng Corps SAY Female Voice, ITI Corps beat group leh Republic CO
Bial SAY Songster ten mawi takin Pathian fakna hla an rawn rem bawk
a ni. Republic CO Bial SAY Asst. Leader in thuchah tha tak a
puangchhuak a, member kal zawng zawng ten nuam an tiin an hlawkpui
hle. Inkhawm banah hian thingpui ruai tui tak theh a ni bawk. Tum
dang ang lo takin Bethlehem Corps SAY member kal an tha hle a, member
kal zawng zawngte chungah SAY hruatute chuan lawmthu an sawi a
ni. He hun atan hian Bial SAY atang Rs. 500 dawn a ni.
CHALCHHUNA BRIGADE
12 November SAY Meeting hi
Chalchhuna Brigade Nite a nih angin
ropui tak leh changtlung taka hman
tum a ni a. Hemi atan hian items chi
hrang hrang beng leh mit ti tlai thei
zawng tarlan tum a ni. He
inbuaisaihna hnuhnung leh Biak In
te cheitha a hnatlang leh Items te
ennawn leh nan leh memberte
inpawh tlan leh zual nan ni 12
November chhun lamah Biak Inah
chawei tura member-te kal khawm
tur a ni a. Buhfai no khat leh Sumfai
mahni remchan ang tawk tawk
thawhkhawma kal khawm turin
Chalchhuna Brigade member zawng
zawngte an in hriattir nghal bawk a
ni. Tin, hemi zan hian SAY member
zawng zawngte a tam thei ang ber
inkhawm turin min ngen a,
Inkhawm ban ah thingpui leh a hmeh
tui tak ei tur a awm bawk ang. Tin,
hemi zana thingpui hmeh tur hi Pu
Zodinthara Renthlei in an naute thar
lawmnan a rawn tum sak bawk
dawn a ni.
YP GENERAL COUNCIL
Central South Division
Young People General Council chu
9 November (Zirtawp) khan
Aizawl Temple Corps-ah neih a ni
a; Kum 2013 YP Rally, Budget leh
Action Plan ngiaihtuahin nilengin
hun an hmang a, tlaiah chawhlui
an kilho nghal bawk a ni. Aizawl
khawchhung leh Aizawl khaw
pawn lam atangin palai an kal
thahnem hle a, Bethlehem Corps
atang pawhin palai thahnem tak
an kal a ni.
MEN’S FELLOWSHIP
Men’s Fellowship
Inkhawmpui-a kal tur ten hming
a pek theih reng a, 17 November
hian Bus hire-in inkhawmpuina tur
Champhai pana kal tur a ni a, 20
November (Thawhtan) hian in lam
pana haw leh tur a ni ang.
Hotute’n rem an tih chuan inkulh
tum a ni a, tin, Rih Dil pawh fan
an tum a ni. Men’s Fellowship
member zawng zawngte chu kal
vek turin an insawm e.

Vol. XVIII Issue No.46 HNEHNA ENG Phek 2-na
Associate Editor : Lalremtluanga
Joint Editor : Lalrammawia
News Reporters : PC.Lalhmingchhuanga
: Albert Lalruatkima
: Lalthazuala Tlau
: C.Lalbiaktluanga
Social Service vs Social Work...
Kan hriat fo leh sawi fo angin Sipai Pawl
leh Social Service hi a kal kawp a, mahse pawi awm
anga lang silo hian ‘Social Work’ leh ‘Social
Service’ hi kan ngaihpawlh fo niin a lang.
‘Social Work’ hi a zira zir chi, degree pawh
lak hial theihna a ni a, chutiang zir mite chu SSW
(Social Service Worker) tih an ni thin. BSW, MSW,
LSCW, etc degree a awm a ni Social Work line-ah
hian. A kaihtawi nan academic line, a zir a zir chi
tihna a ni ber ang chu.
‘Social Service’ erawh zir pawh ngai lem
lovin khawtlang, mimal leh pawl tan pawha tih mai
theih, midangte tana hamthatna, harsatna sutkian
emaw thil tha tih hi ‘Social Service’ kan tih te chu a
ni ber a. Ei tur nei lote hnena eitur pek, chenna in
neilo te tana chenna tur in sak sak ang te hi Social
Service lar tak a ni. United States (US) lamah
Hurricane Sandy vangin mi tam takin in leh lo an
chan a, chutah chuan Salvation Army chuan rang
takin ‘Social Service’ a kalpui vat anih kha.
Ngaihpawlh awl tak anih avang hian zeding
inang a lo ni bawk nen ‘Chhura’ ti turin ‘Nahaia’
kan tih fo mai chuan a dik ber lovang, a dik zawk
inhriattir hi a tha zel mai.
Kumin SAY zirlai buah chuan “Mizoram
Salvation Army-te hian tuna kan kalphung hi tha
tawk kan ti em?” tih zawhna leh zirlai a awm a,
thalaite chhanna atang chuan tuna Social Service
kan kalpui dan hi kan duhthu a sam lovin, Sipai
Pawl chinchhuah (trademark) a bo tawh hlein Sipai
Pawl thalaite chuan an ngai tawh a ni.
Hmuchhuaktu Ni (Hmuchhuaktute Ni tih tur zawk)
leh SAY Rising Day-te hi kan Social Service neih
ni langsar a ni deuh ta mai a, tun kar chhung zawng
kha ‘Social Service Week’ a ni a chutiang takin
Corps tin hi chuan kan hmang lem lo niin a lang
thung.
Social Service hi Kristianna nen pawh hian
a inrem hle mai a, luanchhuahna tha tak a ni. Kan
harsatna hmuna min tanpuitu chu tupawhin kan
ngainain, mal kan sawm thin; mite an harsatna
hmunah tanpui ila kan din chhan Krista hnen kan
thlenpui ngei ang.
Thusawi aiin chetzia in thu a sawi ring zawk
a, lak aiin pekin lukhawng a nei zawk bawk. Kan
thiam zawng, kan theih zawng a inanglo thei; kan
theihna zawn theuhah midangte tan hahchawlhna
siamtu, malsawmna kan nih zel hian keimahni tan
tak pawh hian hlimna kan senglut thin tih kan hre
tawh thin a, tunah chuan nunpui a, chetchhuahpui
a hun ta, kan vela mite hian min mamawh em e.
Chief Manager : F.Vanlalhlimpuia
Managers : Lalrohlupuii
: Jonathan Lalchhanmawia
: Nicky Lalhmangaihzuala
: Stephen Lalmawipuia
: Laldinsanga
: Vanlalchhandama
HUN RUATNA
SENIOR CORPS
THIANGHLIMNA INKHAWM (11 th NOVEMBER 2012)
HRUAITU : Ramchhanthangi, HLT
THUSAWITU : Zairemmawia, Ebenezer Corps
BIBLE SCHOOL (11 th NOVEMBER 2012)
HRUAITU : Bawihhliri
CHHANDAMNA INKHAWM (11 th NOVEMBER 2012)
HRUAITU : Rothangpuii (Thangtei)
THUSAWITU : Major C.Vawra
SALVATION ARMY YOUTH
SAY FELLOWSHIP (11 th NOVEMBER 2012)
SUMSUH-AH MUALINKHAWM NEIH TUR A NI A FELLOW-
SHIP A AWM LOVANG, MUALINKHAWMAH HIAN ATTENDANCE ERAWH
LAK A NI THUNG ANG.
SAY MEETING (12th NOVEMBER 2012)
CHALCHHUNA BRIGADE NIGHT
YOUNG PEOPLE
SUNDAY SCHOOL (11th NOVEMBER 2012)
HRUAITU : Biakremmawii, YPT
TANTU : H.Malsawmtluanga, Junior BoysII
BIBLE CHHIARRUAL : Juliet VL.Hmangaihzuali,
Inter Girls II
(Thufingte 17:1-6)
CG TAWNGTAIRUAL : Hunlawmawma, YPCG
SUNDAY CHAWHNU (11th NOVEMBER 2012)
TANTU : R.Zoremsangi, Junior Boys II
C.Malsawmtluanga Primary Boys III chuan Doordarshanah
Cornet ham tura contract a hmuh atangin a hlawh Sawma-
Pakhat a rawn pe a, YPCG-te an lawm hle.
HOME LEAGUE
HOME LEAGUE MEETING (13th NOVEMBER 2012)
HRUAITU : Sangthangi
ZIRLAI : R.Thangpuii, HLS
PANGPAR KHAWI-TUTE
11 th NOVEMBER 2012
Lalbiaknungi & Lalliani
NOVEMBER USHERS
Mary Lalnunmawii Lalhruaizeli
Hmingduhawmi PC.Lallawmzuali
Jonathan Lalnunsanga Lalrinfela
HNEHNA ENG
Member Present: PC.Lalhmingchhuanga, FVL.Hlimpuia,
Lalrammawia
Pha: Albert Lalruatkima
Chalchhuna Brigade ten an Brigade Nite ami tur item
zir pahin min rawn chawk phul hlut a, Krismas urlawkna
tur Woofer thar kan nei ta bawk nen kan in vaw hot hle mai.
Pu K.Lalduhawma hmel kan hmu thei a kan lawm hle mai.
December thla hian dan thianghlima inkapchhuak tur te
pawh an awm a, an chhuah hma ngei hian rawn lang tam
deuh se a lawmawm lehzual ngawt ang.

Vol. XVIII Issue No.46 HNEHNA ENG Phek 3-na
HMA I SAWN ZEL ANG U
SAY ON-THE-SPOT ARTICLE COMPETITION
5 TH PRIZE WINNER
- K.Rosangzela, SAY Secretary
Khawvela piang tawh mi tu pawh tungchho a kal zingah hian mipuitling, mifel leh mi
dik thlap an awm awm love. Kan hmazawn theuh kan eizawnna a ni emaw, khawi hmunah
pawh nise hmasawn a inzir ngai vek kan ni awm e.
He article hi SAY buatsaih anih avangin hmang nasa lutuk te hi hmasawn kan ngaihna lai
SAY member te’n hma kan sawmnna tur leh kan pawimawh tak chu a ni.
awm dan leh kan nih phung hrim hrim atanga Tin, kan discipline chhe lutuk leh kan
hmasawn kan ngaihna laite han sawi dawn ta ila. inthlahdahna hian kan nih tur ang leh Lalpan min
Leader atanga member naupang ber thlengin dahna tur ang hi kan ni pha lo fo thin a ni. Kan
Salvation Army in a phal loh thil - Kuhva ei, zial dawngdahna leh thatchhiatna Sipai Inkhawm
zuk leh ruihtheih thil zawrh leh hralh hralh chhuah ,Tawngtai Inkhawm leh Inkhawmna dang hrang
hrim hrimah te hian hma kan sawm chu a va ngai hrang kan Local Officer te leh kum lama upa zawk
em! Chutihrualin engkim kan tih hi Krista vang ten an lo tih char char tawh thalai lam ten kan peih
lo ni mawlh rawh se.
lo tlat mai hi kan in ennawnna tur pawimawh tak
Tin, Army (Sipai) in ti ve si discipline kan a ni.
nei chhe lutuk hi kan inennawnna tur leh hma kan A tawp ber atan chuan SAY ten thil tih tur
sawnna tur pawimawh tak a ni. Kan hruaitu ten ti kan neih hrang hrangte leh Corps in ti tura min
tura min tih te tha tak leh puitling taka kan tih tih hrang hrangte, Kohhran dang thalaite leh Corps
mai tur anih lai a, inkhawm kan tlai thei lutuk te, dang thalai ten min ngaihpawimawh sak dawn lo
Council kan tlai thei lutuk te, thil tih khawmna a ni tih hriain Lalpan min dahna leh Corps kut
reng renga Corps hruaitu fiamthu thawh nana kan leh ke tur kan ni tih hria a kan Local Officer te
hmang thin te leh Pathian thu faimthu nana kan thuawih a kan theih tawkin kan awm hmun atang
hian “Hma i sawn zel ang u”.
BLOOD DONATION & CHAIRTY CONCERT
The Salvation Army - Mizoram facebook
group-te chuan 17 November (Inrinni) hian Aizawl
Civil Hospital-ah Blood Donation an buatsaih dawn
a, a duh apiang tan thisen a pek theih dawn a ni.
Tin, hemi ni vek chawhnu lam hian Millenium Centre
kawtah Charity Concert neih tum a ni bawk a, hetah
hian zaithiam, Sipai Pawl mi hlang an zai dawn a
ni. Donation bawm dawh a ni dawn a, heta pawisa
tlingkhawm hi Charity pek tur a ni.
Division SAY General Council @ I&PR Auditorium:
Reception & Ushers
SOFA SOFA
Sofa design chi hrang hrang Order theih reng kan
ni e. Sofa hlui kan repair thei bawk. Thingzai lei tur
kan nei bawk e. PC.Malsawmtluanga (Atea)
Kawn Veng
Contact :- 9862947095 / 9612587127
VEE CEE CHICKEN TANDOORI
Arsa tuihnai leh thianghlim, uluk taka hem hmin,
a hrisel leh tui em vanga zawngchhang hlawh tak,
hun pawimawh a hmaih theih loh Chicken Tandoori
kan nei reng e. Home Delivery kan tih nghal avangin
i duhna hmunah kan dah sak thlap thei che ania.
Contact :- 9862413777 / 9615821450
HAPPY
BIRTHDAY
SAY Member zingah 11 - 17 November inkara
JCB FOR HIRE
JCB hire duh tan JCB
3XD thar hlak hire tur ka
nei e. Man tlawm leh
chak taka hnathawh
duhte tan koh theih reng
kan ni e.
Contact :- Robert @ 9862559400
piangte lawmpuina leh duhsakna kan hlan e.
Hming Birthday
1. Judy Lalramnghaki 12-Nov
2. Laldinsanga 12-Nov
3. Laltlanzovi 16-Nov
BETHLEHEM HIGHER SECONDAY
A hnuaia Contact No.ah hian NIOS Class X & XII
admission duh tan tih theih a ni e.
A hmun: Bethlehem Vengthlang Primary School.
Zing dar 6 - 8 inkarah class kal a ni ang.
4. Lalrimawii 17-Nov
i/c. Headmistress
5. C. Lalliansiama 17-Nov Contact :- 9862725673

Vol. XVIII Issue No.46 HNEHNA ENG Phek 4-na
THI TURA AN HRUAI TE CHU CHHANCHHUAK LA,
THAH MAI TURTE CHU CHHANCHHUAK THUAI RAWH.
CHAWIMAWI-NA HUN ATAN NI HNIH AN
HMANG
Salvation Army-a thil awm zen zen lo, Pathian
chawimawina ni atan Aizawl Temple Corps chuan
ni 3 November 2012 (Saturday) kha Pathian
chawimawina ni atan an hmang. Hemi ni hian
thusawitu bik pawh awm lovin, Pathian thlarauvin
a pawl tharna dawng apiangin, hun tawite chhunga
puanchhuahna hun an hmang a, a bak chu hlim taka
zaikhawmna a ni a, nilenga lamna ni a ni ber.
Zanriah an kil hova, an zanriah atan hian Pu
K.S.Thanga, Pu F.Kapsanga CT, Pu Lalngilneia PFS
ten Rs 20,000.00 (singhnih) theuh an thawh a ni.
Pathian chawimawina ni bik hi a hlimawmin
Pathian thlarau pawlna mi tamtakin an dawng a,
an khamlo hle. Hetih lai hian Pu KS Thanga chuan,
“Pathian khawngaihna azarah Sawrkarin hlawh
min pe a, ka lawm em em a, chuvang chuan Kohhran
kaltlanga Pathian hnena hlan ve hi ka duh a ni, 4
November 2012 (Sunday) a Corps-in Pathian
chawimawina ni hmannawn leh hi tha ka ti a,
Council in min lo remtih sak bawk a, Pathianni a
Pathian chawimawina atana senso chu Pathian
hmingin ka lo tum ve ang” a ti a. Tichuan Pathianni
nilengin Pathian chawimawi a hla sa leh lamin,
Pathian thlarau pawl tharna an chante
puangchhuakin hun an hmang a, tlaiah zanriah
tuihnai tak an buatsaih chu hlim takin an kilho leh
ta bawk a ni. “Chawimawi nan sang lua awm love,
thangvan pui khi zai se, piallei nang au la, Hallelui
rual rawh se mual zawng zawng”tih hla kha a takin
an hmang a ni e.
BIAKIN THAR HAWNG
Serchhip Corps Central South Division Biakin sak
thar chu ni 11.11.2012 (Sunday) hian Pathian
hnenah hlanin, Colonel Lalngaihawmi Territorial
Commander-in a hawng a, Biakin sakna atan hian
IHQ (International Headquarters) in an thawhpui
a, senso tam ber erawh chu anmahni sipaiho
tangrualin an thawhchhuah a ni a, Biakin sakna tan
hian an thawkrim hle a, thatak leh mawitakin an sa
thei a ni. Kum 2009 May thla ah Central South
Division hi alo piang a, hemi chhung hian Corps 10
te chuan Biakin puitling an sa zo tawh a, C.O.
Quarters leh YP Hall 14 sak zawh ani tawh bawk a,
kumin 2012 chhung hian Biakin thar leh YP Hall thar
hawn hmabak an la nei nual bawk. Biakin hawn
Programme bakah TC hian Central South Division
Serchhip Area-ah Corps thenkhat a tlawh nghal
bawk a, TC tlawhna hi sipaite tan malsawmna
duhawm tak a ni thin a ni.
RANGVAMUAL
“Operation Nunna Tuikhur” beihpui thlak chu
tluang taka kalpui a ni a, riahbuk a hul that loh
avangin ruahsur zan apiangin an mu theilo thin a,
chutah pawh chuan anmahni lam chu an hlim hle
zel e. Ni 7.11.2012 khan Sub Committee hote nen
rawngbawlna kal mek chungchang thu thlir hona
hun an hmang a, rawngbawlna dang angin
hlawhtlinna hmel hmuh mai theih anih loh dante,
anmahni rawn beltu Councelling an lo pek dante
HEADQUARTERS NEWS
leh mipuite Pathian thu a an tuihal chungchangte
pawh rawngbawltute hnen atangin report an pe a,
tun atan chuan Pathianni lo thleng tur ni 11.11.2012
thleng la chhunzawm rih phawt nise an ti a, he
rawngbawlna chhunzawmna atan hian a thawh
hnihna ah chuan Camping buatsaih theih anih an
beisei a ni. An tan i tawngtai chhunzawm zel ang u.
CO BIAL KHAWMPUI HMANG
India Eastern Territory chhunga Division hrang
hrangah C.O Bial Soldier’s Meet 2012 chu ni
4.11.2012 (Sunday) denchhen khan an hmang a,
tunhma lama mahni remchan hun theuhva Soldier’s
Meet hman thin kha, Division huap Programme a
rualkhai hlel deuh thin ni a an hriat avangin CO Bial
Soldier’s Meet hi Division tinah a hun in anga hman
an duh ta a ni. Tin, CO Bial Soldier’s Meet hi an
hlimpui hle a, khawmpui lian tham ani lova, Corps
malin hneh taka an thlen ve theih anih bakah,CO
bial chhung mite inlungrualna leh thawhhona
kawngah hmasawnna rahbi thatak a ni.
TERRITORIAL COUNCIL KOHNA
Territorial Council vawi 6-na chu ni 12 & 14
November 2012 hian Booth Conference Hall THQ
Temple Square, Aizawl ah koh a ni. Council member
105 an ni a, a tlangpui thu ah mi 90 vel an kal thin a,
kal kim chiah a awm thei meuhlo; hei hi kum 2012
atan Council hnuhnung tura ngaih a ni. Council ah
hian thu hlawm lian pali ngaihtuah a ni ang:
1. Sum lam khawih
2. Inrelbawlna lam chungchang
3. Rawngbawlna lam
4. Property lam thil.
Heng thu hlawm pali te hnuaiah hian
ngaihtuah tur then hran 20 lai siam a ni a, chuvang
chuan Council hian ni hnih a awh dawn a ni.
UNITED KINGDOM TERRITORY ATANGIN
LO ZIN
Mrs.Samantha godec, Programme Advisor on Anti-
Human Trafficking and Gender based Violence, UK
Territory leh Ms.Ruth Samuels Project Assistant, UK
Territory-te chuan India Eastern Territory an rawn
tlawh a, November ni 2 khan Territory chhunga
Siliguri leh Darjeeling Area hmun thenkhat an tlawh
hnu ah, ni 7.11.2012 khan Aizawl lo thlengin,
Protective home te, CID (crime) te leh Police Station
lamte tlawh kualin, hotu hrang hrangte an titi pui a,
Anti Human Trafficking chungchanga hnathawh leh
hmalakna kawnga an dinhmunte an rawn en a ni.
Ni 11.11.2012 (Sunday) hian an hna chhunzawm zel
turin Kathmandu (Nepal) an pan leh ang.
Chalchhuna Thlan @ Shimla
Published by THE SALVATION ARMY YOUTH, Bethlehem Corps : 2012
Editor : William Lalchhanchhuaha (: 8014343637 , Website: www.hnehnaeng.blog.com
Email : hnehna.eng@gmail.com || Printed @ Zorin Compugraphics Treasury Square. Private Circulation Only C. 220 /-