o bibahtale bersha e shakireskere - Next Page Foundation
o bibahtale bersha e shakireskere - Next Page Foundation
o bibahtale bersha e shakireskere - Next Page Foundation
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
11<br />
Shakir Pashov<br />
jekh, duj bersh na prandengjas li pes ka phurjol, epteni ka ovel<br />
phares te lel romes. So bari rat na sovava, so alo me shereste,<br />
nisar na umdingjom, kaj mire ch’ajsa achuka ka ovel. Dikhava ki<br />
mahala but po-zhungale, bange-kore, nisave ch’aj prandenge pes,<br />
aj miri ch’aj naj. Mo ilo bilal kana dikhav la. So te kerav phene?<br />
- Aj bengjani buti, Devla!<br />
- Ingalgjom la pash ki Nazhja, te dikhljarav lake, so te phenav,<br />
i romni so ch’ivgjas o kartes, phengjas, kaj si lake kerdi kali magija,<br />
romeste te na zhal. Phanlo si lakoro prandebnaskoro drom. Trebe<br />
te aravas kaja kali magja, te na bari lach ka cidav phene, ka merav<br />
terni.<br />
- Ma xa xoli Nadire, shun phenja, ka ingalav tut pashal me<br />
sasakere phenjate. Phivli romnori si ka des la duj levakja, xari<br />
pares si, ka kines lake jekh shukar shamja odaenca da. Voj<br />
penzharela o charja, bute manushenge dingjas zor, vi amenge ka<br />
zhutinel. Ka bich’alas la te kidel sarandujekh ch’arja, ka tavel len<br />
andi piri, e panjesa ka thovel e Zhemila, nag-nangi dejatar bijandi<br />
andi balani. O pani ka kidel thaj ka ch’ivel les andi len kate kidel<br />
pes kupate o pani. Te ingalgjovel o khanilipe, te aravgjovel i kali<br />
magja. Kana ka shuzharas e ch’aja, ka zh’as ki khangiri, ka des e<br />
rashajes panch levja te del o klichos ki Zhemila te phutrel o vudar<br />
e khangirjakoro. Te phenel: “Devla sar putergjovela o vudar,<br />
achuka te putergjovel mi baht karik ko prandeba”. Ker davka,<br />
zhik ko duj kurke te na ale tumende mushtiries te mangljaren te<br />
ch’eja, tu te xiles me moste.<br />
- Lele phenjorie putergjan mo vogi, ka kerav, sa so phengjan<br />
mange te zhanes.<br />
- Ajde besh te xas maro, pa ka zhas tuke.<br />
- E akana o maro pelo me ileste. Aj mekav tumen sastipnasa.<br />
O Devel te arakhel tumen. Pa te ovela sa shukar, sar so phengjan,<br />
te prandenav e Zhemila, ka keras baro bijav, ka ch’inas gruvnja, o<br />
Murzhos ka ovel kirvo, ka xas, ka pias, te pharjoven o dushmanja,<br />
kola kerde i magja me ch’ajke. Parno dives te na dikhen, pire<br />
ch’aven andi kali phuv te thoven - dur kalke kerestar. Aj ach’oven
Change language