o bibahtale bersha e shakireskere - Next Page Foundation

31
Shakir Pashov
kaj ko nange pheresja na ahtarav man, kamela pes varesave
dokumentija savendar te dikhiol pes o chachipe. On irinde anglal
ko duj dives thaj ande mange signatures (podpiska) katar o
manusha em varesave fotkes, kate tu sian versave zhuvlenca. Kana
isi mande gasave dokumentorija me kamel pes te ahtarav i
procedura tusa. Te na kerava les on ka zhan pashal mire sherutneste
thaj ka ovel khanilo vi mange. Na mangav te nashalav me
ch’avengoro maro, ahaliovesa li man. Me dikhav kaj si zhungale
manusha, nanaj so te kerav.
- Dikh so ka phenav tuke, me tut but shukar ahaliovav, numa
vi tu mangav te shunes man shukar thaj te ikeres te gogjate. Kavka
so phenge tuke ashal mange, si sa xohavipe, naj-khanchik
chachipe. Kalka signatures si sa kidime lengere endaniendar i
situacija e fotkenca si lach’ardi lendar, dikh kaj si okole disestar o
fotkes, kana tu phengijan lenge, kaj kamel pes dokumentorija lenge
pelo ki godi te keren kavka melalipe mancar. Shun me siom
chachuno manush, sasto vakti uluom zhuzhe chekatesa me bukjate.
Akana ili palpale o chachipe ka iklel.
Ahtarde i procedura lesa, sako rat lende avenas leskere
endanija thaj leskere amala, numa khanchik nanashtine te keren.
Xanas pi xoli thaj phari arman denas e manushen kola kerde
adavka e Shakireske.
Jekh dives ande leske o lil, kaj vov thaj leskiri familja si
internirime ando gav Rogozina, ko urpuno kotor e Bulgarijake,
trine bershenge - katar o 1950 zhik ko 1953 bersh. Ki sabalin ale
savore komshides, endanija te bich’alen len. Savore rovenas em
denas len vareso te ingalen peske. E Shakireskiri bibi sas i majphuri
voj maj-but xalijas xoli, irat o dives delas armanija,
huljavelas pi shamija pe sherestar thaj achuka delas phare armanija
thaj sa phenelas ka resen len kalka armanija, soske o Shakiri si
shuzhe vogeskoro.
-Te meren ko droma, te na meren pe khereste, te meren katar
o naj-phare dukha, te xan pe khulendar, pa te den vogi kola kerde
kavka e Shakireske.