o bibahtale bersha e shakireskere - Next Page Foundation
o bibahtale bersha e shakireskere - Next Page Foundation
o bibahtale bersha e shakireskere - Next Page Foundation
Create successful ePaper yourself
Turn your PDF publications into a flip-book with our unique Google optimized e-Paper software.
Shakir Pashov<br />
sine katar o zhambazija. E Nadirakoro papus o phuro Ibraimi sas<br />
katar o Kovachja. O Ibraim na kamelas te shunel ashal e<br />
zhambazenge, kana so resenas pes andi mehana e Nadirakoro<br />
papus thaj e Murateskoro, sa chingar kerenas, zhik ko maribe<br />
avenas. Ama o Murati but kamelas e Nadira. Jekh dives jekhe<br />
bijaveste alo te bashalel e shunde anaveskoro fligornisto o Ferati,<br />
katar o okova gav, dikhljas e Nadira thaj but dehangjas la. Zhik<br />
ko kurko bich’algjas pe dades thaj pe daja te mangljaren e Nadira.<br />
O phuro Ibraim dingjas la dure, te na dikhel la o Murati. Bash ko<br />
bijav lenge o Murati umlavgjas pes, nashtine te dikhel e Nadira<br />
avre murshesa. Ake isi la shov chave akana - shtar mursha thaj<br />
duj ch’aja thaj voj bahtali phurili, ama pi shuk na mekel. Shukar<br />
da urjavel pes. Lakere bare sumnakale chenja, lakere angrustika.<br />
O shukar shamies ojadenca khonik na phiravel. Si uch’i, zorali<br />
kana phirel i phuv khelel telal lakere pirende. Lakoro rom si<br />
bashalno thaj gilavno o maj-shuzhe gilja giljabela ashal e shuzhe<br />
Nadirake.<br />
- Ach’e phenjorie, so keresa, khere na avesa, arjat dikhliom<br />
tuke suno, phenava, jata me te zh’av te dikhav e Penba so kerela?<br />
- So te kerav phene, xava mi xoli, o rom nasvalilo, i bori i<br />
Eda e Mahmudeskiri romni si khamni, azh’arel te lokjol alkha<br />
disa, nikhate na zhava, khere mange beshava. A tumen sar sien,<br />
so kerela mo zhamutro, o ch’ave sar si? O duripe, koripe phenjake.<br />
- Sar te phenav tuke, to zhamutro si lach’es, akharen les<br />
bijavende, tritone rakjende bashalel, anel ikalel amenge isi amen<br />
sa, so mangas, shukar sijam. Ama bari dukh isi man phene - dikhel<br />
karik ko ch’avo.<br />
- Neno aj mo ch’o zh’a te dajate, o ch’ave na te shunen<br />
salka bukja. Savi si ti dukh mori phene? Phen mange te shunav!<br />
- Kana sines mi ch’aj deshutrine-bershengiri o romnja andi<br />
mahhala, sa phenenas mange - “Aaj Nadire shukar ch’aj isi tut,<br />
ka ach’ovas xenamika” - ulo bijaveste, ulo barishtate, ulo<br />
hamameste. Akana mi Zhemila ach’ili deshushove-bershengiri,<br />
nikhoj po muj na putrela ni pa mo vudar te mangela la. Panda<br />
10
Change language