o bibahtale bersha e shakireskere - Next Page Foundation
o bibahtale bersha e shakireskere - Next Page Foundation
o bibahtale bersha e shakireskere - Next Page Foundation
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Shakir Pashov<br />
lile te maren pe vasta. Phende sikavno manush ka ovel o Shakiri.<br />
Kana ulo efta bershengoro leskoro dad kergjas kher andi<br />
Konjovica, andi romani maxala, Sofjate. Odothe bijandili leskiri<br />
phen thaj leskere phrala. Kana mulo leskoro papus, leskoro dad o<br />
Mahmud ach’ilo korkoro te kerel buti ko dukjani. Leskoro dukjani<br />
sas ando mashkar e dizjake. O gazhe avenas pashal leste te<br />
petalonen pe grasten, te keren thovera, kakavja katar o gava. Sines<br />
les jekh phuro gazho amal katar o Chelopech, kana avelas te lel<br />
petala, sa anelas misirja, kompirja, akhora e ch’avenge o Baj<br />
Georgis. Vov phenelas e Mahmudeske kaj o trajos ando gav si<br />
pharo, leskere kakoskoro ch’avo siklkilo te ovel advokato, thaj<br />
kerel buti andi diz thaj si baro rajos. Vi o Baj Georgjas mangel<br />
leskoro raklo te avel rajos, ka bich’alel les andi diz te sikljovel<br />
andi sikavni, baro manush te ovel. Kana irisajlo katar i buti o<br />
Mahmudi phenelas me romnjake, so phengjas leske o Baj Georgis,<br />
a o Shakir shunelas puterde kanenca.<br />
Kana ulo enja bershengoro o Shakir phengjas pe dajke, kaj<br />
mangela te zhal ki sikljovni te sikljovel. Odova vakti o romane<br />
ch’ave na zhanas andi sikljovni, nanas normalno, pal lengere<br />
gogjate sas dilipe. Leskiri daj phengjas leskere dadeske so mangel<br />
o Shakir. Leskoro dad bich’algjas les loshaljasa ki sikljovni.<br />
Kingjas leske neve shehja, kalemi, lila. Shukar ama o romane<br />
ch’ve lile te maren muj e Shakireske phenenas leske: “Aj manges<br />
te oves baro gazho”. Vov phenelas lenge, kaj kamel pes vi ola te<br />
zhan ki sikliovni te sikljoven. Nanas loko e Shakireske, numa sas<br />
lach’o andi sikljovni. Achuka agoringjas ohtoto klaso. Dikhljas<br />
kaj leskere amala, o gazhikne ch’ave zhan maj-dur te sikljoven<br />
ando tehnikomo. Alo leske pharo vov te na zhal. Andi rat kana<br />
alo leskoro dad katar i buti o Shakir phengjas leske:<br />
- Dade savore mire amala zhana ki bari sikljovni, vi me<br />
mangav te zhav, tu so ka phenes?<br />
- Shun mo ch’avo, ka ovel amenge phare, tumen barilen,<br />
palal ko duj trin bersh ka prandenen, kamel pes te kerav tumenge<br />
bijava, tu te geljan ki sikljovni ka kamel pes tuke shukar shehja,<br />
14