scarica - Comune di Tuenno

en bon nones
na ciacolada de la piaza
“Liberazione”
Ma tasi! L’auter dì passavi io dausin al fontanin
de Piazza Liberazione e vardavi se sù che
prede, come sù tante fontane, gera scrit sù l’an
che i l’à fata… E, ’ntant che vardavi, orponon,
ai sentù na vosata, propi en fil de vos, rota da
‘n calche colp de tos… Ai ciapì: el fontanin el
voleva dirme vergot, ensoma, che ancia el ‘l voleva
far doi ciacole… Con tute chele che l’à
sentì, el geva pur dirito de parlar! Alora mi,
volintera, me son sentà giò io, sù le so giaide
per modo de dir, a… scoltar.
Son mi, la Piazza Liberazione che parla co la
vos finota che m’à enprestà el me fontanin. La
vos la me trema, giai le me bele ruge. Eh! Si, son
deventada veclota, ma apunto per chesto podi
24
contar en mucel de storie. Si, n’ai propi sentì
e vist de tuti i colori! Ma digi subit che canche
eri gremida de gent, mi eri propri contentona.
En poç al bot son deventada come son ades.
Amò ‘nt el miliotozento – e alora, prima de la
liberazion de sigur gevi n’auter nom che però
ades no me recordi no – eri en poç pù piciola
perché ‘ntramez gevi en calche ort… Ci cagiò,
gera amò la cialongia, la glesia la era amò da
sgrandir e ‘l bel ciampanil novo l’era destacià
…Ensoma, son cresuda ancia mi come tute le
creature de sto mondo! Po’, en bot scuertà el
Rio Ridi, giò ‘nfont, i m’a splanada e sfaltada
e, enzì, disente coi ani zincanta, son deventada,
pù su pù giò, come che son ades per via
de mesure. Pù tardi i à pò batù giò el vecel
ciasel, i à tirà via chel triangol de giardin co la
so gran ciabia fata aposta per l’agola… che
però canche è partì l’agola la gran ciabia la è
semper stada io voida …Ve ricordao? I à batù
giò ancia chel toç de ciasa bassa del negozi de
alimentari. E da tut sto tren i à tira fora en bel
plaz che mi el consideri el salot del paes.
Ai vist tante de che robe che no sai da ‘ndo
scomenzar a contarle… ma ge provi.
S’ge vol saver che fin ai primi ani setanta, scasi
ogni famiglia de Tuen la geva una, doi, trei
vace, che i le tegniva giò sota ‘nt en vout , tacià
a la cort, prima de la cianva e del bus del farlet.
Gera ancia el gorgoz che auter no l’era che
‘n ciamin, pù larç, colegà a la spleuzza aposta
per mandar giò el fen o ‘l zot diret en la stala,
per chei pù fortunadi, o io dausin, come noi ch’el
geven en la cort… El gorgoz? L’era en lusso, na
roba mai pensada no! Che roba el progresso!
L’alternativa se nò, l’era chela de cognér far en
mucel de sçiale de asdele de legn, consumade
e nar sù fin su la spleuzza e ancia el spleuzzot
e portar giò el fen con en linzol de ruf o col
gerlo… Fato stà che canche tuti i s’à fat sù el
gorgoz è nà a sparir tuti i gerli… ma forsi i l’à
crompadi tuti la Befana per meterge giò i so