scarica - Comune di Tuenno

en bon nones
na machina longia, longia, meza de legn, meza
de banda, co le rode de fer, en motor gros con
tant de pulege e tant de singe e cinghioti che
meteva en moto tut tananai… Me nideva en
ment Archimede, chel dei fumeti, canche el voleva
meter ensema chel macchinari scorlant per
nar endrè col temp! Basta pensar che da ‘n bus
se petava denter na mandela de spige e, miracol,
da ‘n bus sota nideva fora el gran bel net…
da nauter la pula… da nauter amò nideva fora
na gran bala cialciada e fissa de paia, ligiada
ensema con en fil de fer lustre e fin.
Sta batidora la stava postada io per na bona
chindesina de dì e tute le familie de Tuen, a
turno, le portava io i so bei ciari de mandele de
forment, ancia de orz, per farlo bater envezi
che farlo a ciasa, sù l’ara, coi vecli fleri… Ancia
ci, che progresso! Sto ciar ciargià s’el postava
io al par de la batidora e, en bot enviada, se
petava sù, magiari a passa man, ste mandele
che po’ se petava giò da chel bus che disevi
28
prima. E s’ge voleva esser destri a far sta operazion.
A proposit: me ven en ment che canche
eres amò en popo, sto mister l’as bù fat an ti.
Che polveron! Ruà el ciar de mandele, se netava
sù tut ben: guai lagiar giò en tera calche spigia
sçiampada fora o ‘n calche gran! Se ciargiava
sul ciar i saci de gran, le bale de paia e… sota
nauter… L’era tut oro su chel ciar: oro dalbon el
gran, zalda come l’oro la paia! E con chel gran
io, dopo aver fat i conti ancia col molinar, se
geva la farina bela blancia per tut l’an… era
garantì almen el pan!
A sto punto però, forsi ciapada da la comozion
per tanti recordi, a la piaza, tra colpi de tos,
g’è sparì la vos… A stento ai ciapì: “Ciao, a
nauter bot”.
Alora, “Ciao” giai respondù mi, ancia se saroi
stà io a scoltarla amò en bel pezot volintera.
Ma ormai sù la piaza era cialà, col silenzi, l’ombra
de la sera.
Giovanni Leonardi