Fueddàriu de Biddesartu - Amos Cardia

abbassare v calai, bdst abasciai
Candu agatais custu sinnu ~ bolit nai chi seus arripitendi su fueddu,
ca no srebit a ddu torrai a scriri totu. Es.
settimana f cida, la ~ prossima sa cida chi benit
Po una chistioni de simplesa, medas pronòminis no ddus eus postus,
ca est totu cosa chi agatais de manera prus crara in is gramàtigas.
Is verbus chi s’agàtant arretrogaus puru (anche nella forma riflessiva),
tòcat comuncas a ddus circai insa forma sintzilla intzoru. Po nai,
chi boleis su fueddu lavarsi, circai deretu lavare e bàstat. Agoa, cumenti
eis agatau custa, sa forma arretrogada si dd’eis a fai bosatrus
e totu.
lavare v samunai, bdst sciacuai
Is verbus ddus agatais arretrogaus candu funt arretrogaus a marolla
sceti, est a nai chi tenint custa forma e bàstat. Po nai, eus postu
ammalarsi v s’amaladiai
e no ammalare, ca in Italianu est arretrogau a marolla, ca no s’agàtat
una fràsia cumenti Io ammalo qualcun altro.
Candu agoa de unu fueddu sadru agatais sa litra f o m, bolit nai chi
cussu fueddu sadru est de un’atru gèneri de su fueddu italianu. Es.
accesso m intrada f
Bolit nai chi in Italianu cussu fueddu est masculinu, ma in Sadru est
femininu. A incrarai custu srebit meda candu su fueddu no ddu connosceus,
e mancai in Sadru acàbat cun sa –i, chi podit essi siat femininu
siat masculina.
In is fueddus italianus de partèntzia, nd’eus postu fintzas chi in Sadru
ancoras arresùrtant noulogismus, cumenti lavatrice, marciapiede e
calancun’atru. Ddus eus postus ca oramai est cosa de sa vida nosta
de dònnia di’ e ca oramai sempri prus campidanesus connoscint is
fueddus sadrus propostus (sciacuadora e marciapei), ddus aprètziant
e ddus impèrant e totu. Po cussu ddus eus bòfius provai e fai conosci
in Biddesartu puru.