A Boscà - Icpalazzolo.org

Gianfranco: Si doprin i conis, le maze, le manarie... si spachin i tocs di lens fin a fâiu deventâ plui pizui e
podê cjapâiu in man ben e lavorâiu miôr.
I lens fîns son taiâz ducj a un metro e otante o ancje doi metros.
Sara M.: E chei grunuz a chi? E chês pozzis?
Gianfranco: Chei grunuz a si ju lasse a chi... a restin par tiare e se tra doi o trê ains a tornarês a chi, a
viodarês dome sticuz fraidîz e che coventin a fâ culture pal bosc e vie disint... li pozis di aghe a coventin par
li bistiutis oltre che par mantignî le aghe cuant che al plôf... di mût che il bosc al podi zupâ plui a svelt.
Sara F.: Parzè le tiare a je cussì scure?
Gianfranco: Par vie da li fuesis e da li ramazis coladis tai ains e che coltin ... une culture naturâl... une tiare
bune ... a son dutis li sostanzis da li decomposizions.
Riccardo: Nus podial fâ viodi come che si fâs a butâ jù un arbul?
Gianfranco: Vuâtris si metês daûr a chi ... io o ai di lâ là di chel len là vie... che al rivarà cuasi dongje a
chi.... alore lait a parâsi daûr chiste tasse di lens... lontanuz... che jo mi invii là e vuâtris stait atenz e cjalait
e... se viodês alc che us stranee, domandaimi...
Mestre Emanuela: Cumò o viodìn colâ chel arbul sec.... stait atenz che dopo i fasarès li domandis a
Gianfranco e cumò ducj in pîns daûr le tasse... svelz…fûr dome il ciâf.
Crasssssssh... Tunfff....
Ducij i fruz: Ohhhhhhhhh! Ze tonade!
Luca: Mestre o ai sintût balâ le tiare....
Gianfranco: Chel arbul che vês a pene viodût colâ al jere un arbul sec e al veve un grunonon di ains... par
sigûr une sessantine .... une setantine (cjalant i fruz al spieghe)… Alore par taiâ un arbul par prin si tae di une
bande une fete... come di angurie... in mût che cuant che si va a taiâ di chê âtre bande dal arbul, cjatant il
vueit di chê bande, l'arbul al zîr di colâ par chê bande li .. e in plui a si po fâlu colâ dulà che si ûl. Viodeso
che a li a son arbui dongje... o ai fat il tap a chi, par chiste bande, in mût che no mi coli intor su chei âtris
arbui parzeche colant, chel li mi varès ruvinât i arbui che àn di restâ in pêns... Eri daûr a dismenteâmi, tignît
chist toc di len, us al regali cussì a podês contâ i ains cun calme, cuant che tornais a scuole.
Jacopo: Di ze bande si scomenzie a taiâ l'arbul pene butat jù?
Gianfranco: Prin di dut si tain li ramazis sie ch'al sedi sec o vert, in mût di liberâ il tronc par podê lavorâ ben
parzeche la motosee al è un imprest une vore periculôs e no si à di cjaminâ dulà che al è sporc par no
inzopedâsi e si à muse di fâsi mâl parzè che, cu le motosee in moto, a sta pôc a lâ vie le