A Boscà - Icpalazzolo.org

un dai pôs restâz a testimonianze di chês grandis estensions. A vin di provâ a impensâsi chistu bosc cun
arbui diferenz di chei che cjatìn cumò, chei di une volte a jerin pins, chei che cjatìn cumò ta pinede di
Lignan. Podopo cul passâ dal timp i pin àn lassât il puest ai cjarpins e ai rôi, di fat chis bosc al è clamât
Querco-carpineto.
Da cualchi an i rôi àn une malatie, che iu fâs murî, e si proviôt che fra cualchi an a sparidin dal dut. Lassant
cussì il puest a âtris plantis.
Elena: Cuai sono i animâi che si cjatin tal bosc?
Gianfranco: Di râr si cjate il zenglâr, dopo si cjate il jeur, il cjavriôl, le volp, che a vîf sot tiare fasint dai bûs
o doprant li tanis dai tas … come ucei si podin viodi le pojane , il miarli, l’upupa che a je une gjalinute di
mont: al è un biel uzilut cuntune creste, grant come un pic e che si po viodi dome in primavere parzeche al è
un uzel di passaz. Come nemai che strissin a si podin viodi no dome le lipare aspis, ma ancje, a Muçane si
dis le magne lanze, il saettone par talian che ven lungje plui di doi metros e gresse gresse, però a scjampe vie
parzeche à pore dal omp.Tal bosc no si à mai di cori o fâ movimenz bruscs parzeche li bestis, e vâl par dutis
li cualitâz, si spaurissin e a podin fâ cuintri.
Gianfranco: Viodêso chel baraç a li? …al è il biancospino, il baraç blanc cun spinis gressis, une volte si
fasevin li paladis tai curtii e tai orz parzeche al jere un len avonde dûr.
Mestre Emanuela: …si clamave le palade vive….
Gianfranco: Al jere ancje biel di viodi cun li pomulis rossis e li rusutis blancis e li spinis, nessun al rivave a
passâ.
Cumò a nin indevant par chel troi a chi… viodêso chel baraç cun ches pomulis rossis avonde grandutis? Chel
chi al è il cuargnolâr … il corgnolo; a le fin da l’unviâr al fâs da li rusutis di colôr zâl e al è un dai prîns arbui
che al sfluris. Cuant che di lontan a si viôt in primevere da li maglis zalis, si capis ch’a son cuarnolârs, come
se si viodin maglis blancjis a si capìs che a son rosis di baraz blanc o di baraz neri.
Cumò a cjapin il troi di zampe … viodêso chiste plante?... chê plui in là a je plui grande, e je velenose e si
clame tamaro… e je une plante rampicante e li pomulis a son velenosis.
Chê plui in là a je une coze mate… no che fasedi li cozis… parzeche si clame cussì ma e fâs da li pomulis
rossis.
(Gianfranco nus fâs passâ un splaz e nus parte dongje a da li plantis un pôc speciali: li orchideis).
Gianfranco: Chistis a son li orchideis. Mi raccomandi, no steit a tocjalis …viodeit ze bielis e ze colôrs … in
chistu bosc and è di tantis cualitâz.