A Boscà - Icpalazzolo.org

1. Il bosc di Muzane
Tai prins dîs di autun dal 2005 a vin vût in classe Gianfranco Del Piccolo clamât il Barbon, a spiegâ come
che al ven dividût il bosc in loz.
Gianfranco: Bundì fruz… zemût us vae… ancje chist àn, li vuestris mestris, mi àn clamât par contâus alc
dal bosc… anzi in particolâr mi àn domandât di zirî di spiegâus zemût che a vegnin taiâz e ze che si dopre
par taiâ i lens tal bosc.
Mestre Emanuela: O sai che lui al ven clamât ancje cul sorenon di Barbon. Pudino clamâlu cussì ancje
nô?...E di ze venial fûr chistu sorenon?
Gianfranco: Sigûr, ducju mi cognossin par Barbon, chi a Muzane, e chistu al ven fûr di une conte: Une volte
un me amì, che cumò al è muart, cjatant me fie pizule par strade, a i à domandât: “D’isal to pari… chel
barbon?” Me fie, un pôc permalusute, e je vignude a cjase e mi à contât dute displasude. Di chê volte o soi
passât par Gianfranco Barbon.
Mestre Emanuela: Lu vin clamât chi in classe par fâi cualchi domande su ze che larìn a viodi e a fâ ta li
jessudis che fasarin vie pa l’an tal bosc.
Gianfranco: Le prime rube di capî a je come che je le confinazion dal bosc rispiet al pais … le so
planimetrie e le forme che al à. O stin tabaiant dal bosc Baredi o Selva d’Arvonchi che nô a Muzane disin
Sardaboncli e Barêt.
Mestre Emanuela: E Strassoldo cual isal?
Gianfranco: Al è il stes bosc parzeche al è stât donât dai conz Strassoldo tai ains indaûr a li animis dal paîs
che son deventadis usufrutuaris… ducju i residenz a podin cjapâ su dutis li essenzis…chês che son a norme
di lez. … foncs… arbui… cualchi arbul o plantute o le zenevre, che cumò no je è plui e une volte si cjapave
su par fâ i arbui di Nodâl parzeche a jere tante, invezit cumò and’è pocje.
Stefano: Cun ze criteri al ven dividût il bosc?
Gianfranco: A son diviarsis particelis che no ‘l è dite che a sedin dutis dretis … parzeche a van daûr stradis
e pizui trois o fuessis. A seconde dai tocs … da le disposizion da li particelis a si podin cjatâ arbui che amin
l’umit come il frassin … e tal sut si ciatin plui cjarpins … podopo si cjatin ancje oi e il ciavardello ca sares il
vôl o vuâl, i rôi (farnia), e un tipo di rôl.
Mestre Emanuela: Lui prime nus à fevelât di particelis, al ulie spiegânus un pôc miôr chistu tipo di
division?
Gianfranco: Li particelis son dividudis a lôr volte in sub-particelis ….fûr che cualchidune come le numar tre
che e je masse pizule par jessi dividude.