Documento in formato pdf

LA SENSAZION TERMICHE
MATERIÂI
- Prime part: ogjets di len, plastiche, veri, metal, lane, polistirûl.
- Seconde part: tacis di plastiche, beutis cun dentri aghe a temperaturis diferentis (
cjalde, frede, clipe) termometri.
OSSERVAZIONI:
Prime part: i ogjets tocjâts, daûr dai materiâi che a son fats, a son sintûts de nestre piel
plui cjalts o plui frêts. Misurant la temperadure cul termometri però no si palesin diferencis.
Leint i valôrs di conducibilitât termiche dai diviers materiâi tocjâts si pues notâ che a
vegnin sintûts tant che plui frêts chei che a presentin valôrs di conducibilitât termiche plui
alts.
Seconde part: il dêt che al jere inte aghe frede al sint une temperadure plui alte rispiet
al dêt che al jere inte aghe cjalde, ancje se ancje se la temperadure de tace cu la aghe
clipe e je uniforme.
CONCLUSIONS:
Prime part: il dêt e l’ogjet tocjcât a àn temperaduris diferentis ( ducj i ogjets a son plui
frêts de temperadure dal cuarp) e il calôr al passe in maniere naturâl di chel plui cjalt a
chel plui frêt fin che al a rive al ecuilibri; intai materiâi cun alte conducibilitât termiche, il
calôr de piel al passe di corse in chês altris moleculis dal ogjet provocant la senzazion di
disfredament subitani.
Seconde part: metint i dêts intai recipients di aghe a temperature diferente, intun câs la
piel si è sfredade, e in chel altri si è scjaldade; cuant che si metin i dêts inte aghe clipe,
cheste diference fra la temperature de piel dai dêts e chê de aghe e je metude in evidence
de sensazion che si sint: i nestris sens a misurin cun grande precision lis diferencis di
temperature jenfri la piel e il cuarp che al é tocjât, e no la agjitazion termiche efetive (
temperadure) dai cuarps come che al fâs il termometri.