MINN ĠIMGĦA SA ĠIMGĦA - MaltaRightNow.com

MINN ĠIMGĦA SA ĠIMGĦA
– aħbarijiet bejn l-24 ta’ Awissu 2007 u l-31 ta’ Awissu 2007 –
Il-Ġimgħa, 24 ta’ Awissu:
IL-GVERN QED IKOMPLI JINVESTI FIT-TITJIB TAT-TOROQ: Triq oħra li
tlestiet, minn lista twila ta’ proġetti li saru fl-aħħar snin,
kienet triq il-Mannikata – triq ta’ 2.3 kilometri li saret
b’investiment ta’ kważi €233,000. Din it-triq tibda mill-
Knsija tal-Mannikata u tibqa sejra sal-by pass tal-
Mellieħa. Waqt li żar dan il-proġett il-Ministru għall-
Iżvilupp Urban u t-Toroq Jesmond Mugliet faħħar
ħafna ix-xogħol li sar, u li tlesta fiż-żmien stipulat.
Hawnhekk ix-xogħol kien jikkontisti fit-tqegħid ta’
servizzi ġodda taħt it-triq, tqegħid ta’ cables tad-dawl,
u sistema ġdida tad-drenaġġ. Wara dawn ix-xogħlijiet
sar l-asfaltar tar-rotta kollha tat-triq u issa se jibdew
jitwaħħlu il-crash barriers. Il-Ministru qal li din it-triq se
tkun tista titgawda b’mod partikolari min-nies li jkunu
niżlin minn Għawdex, minn nies tal-Mellieha u millbdiewa
li jaħdmu fl-għelieqi tal-Mannikata. Fil-Mellieħa
wkoll se jkunu qed jinbnew numru ta’ toroq residenzjali
ġodda mill-Gvern, filwaqt li fl-aħħar ġimgħat intlaħaq
ftehim dwar il-bini ta’ madwar 20 triq f’Santa Maria
Estate.
AKTAR RIŻULTATI POŻITTIVI FIT-TURIŻMU: Ir-rata ta’ kmamar mimlija fillukadni
u l-istabbilimenti ta’ l-akkomodazzjoni f’Ġunju li għadda żdiedet b’5.3%
meta mqabbel ma’ l-istess xahar is-sena li għaddiet. Fl-istess xahar it-turisti li
żaru Malta żdiedu b’7.7%. Dawn iż-żidiet joħrġu minn ċifri ppubblikati mill-Ufficju
Nazzjonali ta’ l-Istatistika. Minkejja li t-tendenza madwar id-dinja hi li t-turisti
jagħżlu li jqattgħu vakanzi qosra, matul Ġunju kien
hemm żieda ta’ 4.3% fin-numru ta’ iljiel li t-turisti
qattgħu f’pajjiżna. Dan meta mqabbel ma l-istess
perjodu fis-sena 2006. Iż-żieda fir-rata ta’
akkomodazzjoni rriżultat minn żieda li kien hemm
f’guest nights kif ukoll għal tnaqqis fin-numru ta’
sodod li hemm bhalissa, speċjalment fil-kategoriji tallukandi
ta’ 4 u 3 stilel. L-okkupazzjoni fil-lukandi ta’
ħames stilel kienet kważi 6% aktar fil-waqt li f’lukandi
ta’ erbgħa stilel kien hemm żieda ta’ kważi 8%. Kien hemm żieda wkoll fil-lukandi
ta’ tliet stillel. Anke fil-gżira Għawdxija kien hemm żieda fir-rata ta’ okkupanza li
ammontat għal-13.2% aktar fuq l-istess xahar is-sena li għaddiet. Fuq bażi

annwali l-użu ta’ sodod f’Malta żdied b’4.9% dan fl-istess waqt li kien hemm
tnaqqis ta’ 0.6% fil-medja ta’ ljieli li t-turisti għaddew f’Malta.
ID-DIKJARAZZJONI TA’ JASON MICALLEF MA FIHA XEJN ĦAŻIN – Charles
Mangion, Deputat Mexxej MLP: Id-deputat Mexxej Laburista Charles Mangion
iddefenda wkoll id-dikjarazzjoni tas-Segretarju Ġenerali Laburista Jason Micallef
li waqt attivita' politika stqarr li jekk il-Partit Laburista jkun fil-Gvern se jkun Gvern
tal-Laburisti. Skond Charles Mangion fid-diskors kollu ta’ Jason Micallef ma kien
hemm xejn ħażin. Id-Deputat Mexxej Laburista għall-Affarijiet tal-Parlament qal
dan waqt żjara fil-Cottonera Waterfront meta kien mistoqsi minn
MaltaRightNow.com, jekk iħossx li għandu
jikkundanna jew jappoġġja id-dikjarazzjoni tas-
Segretarju Ġenerali Laburista Jason Micallef. Fittwegiba
tiegħu, Charles Mangion iddefenda lil Jason
Micallef u allega li d-diskors tas-Segretarju Ġenerali
Laburista ingħata interpretazzjoni politika. Minbarra
d-Deputat Mexxej Laburista, anki l-Mexxej Laburista
Alfred Sant iddefenda lis-Segretarju Generali
Laburista kif ukoll id-Deputat Laburista Jose' Herrera u l-esponent tal-media
Laburista Toni Abela. Sadattant waqt iż-żjara tiegħu fil-Birgu, id-Deputat Mexxej
Laburista Charles Mangion seta’ jara hu stess il-proġett tal-jott marina, li Gvern
Laburista l-anqas biss kien kapaċi jibda u li dwaru spicca tilef il-Gvern. Kien
propju fl-istess post fejn kien Charles Mangion, li l-Mexxej Laburista Alfred Sant
f’Ġunju ta’ l-1998 kien għajjar lill-eks Mexxej Soċjalista Dom Mintoff traditur.
Matul iż-żjara, ufficjal mill-Grand Harbour Marina spjega lid-Deputat Mexxej
Laburista li ma jistgħux ilaħħqu mad-domanda u l-irmiġġi huma kollha mimlijin.
Hu kompla wkoll li Malta toffri irmiġġi għal super yachts li ftit hawn bħalhom
minħabba li jinsabu fil-qalba tal-pajjiż u mhux f’partijiet fil-periferija. Sadattant
tħabbar ukoll li fil-ġimgħat li ġejjin se jkunu inawgurati uffiċini ġodda minn fejn l-
amministrazzjoni tal-marina tkun tista’ titmexxa aħjar.
Is-Sibt, 25 ta’ Awissu:
GVERN LI JAGĦTI PRIORITA’ LILL-EDUKAZZJONI U L-AMBJENT: Fost ilpillastri
li fuqhom il-Gvern qed jibdni l-ekonomija hemm l-edukazzjoni u l-ambjent.
Għal dan il-għan, f'dawn l-aħħar snin il-Gvern investa bis-sħiħ fit-titjib ta' dawn iżżewġ
oqsma tant importanti. Fil-programm il-Fatti
Kollha fuq Radio 101, il-Professur Kenneth Wayne,
tkellem dwar l-investiment tal-Gvern fl-edukazzjoni.
Hu faħħar l-investiment qawwi li għamel il-Gvern flinfrasttutura
u l-bini ta' iskejjel u faċilitajiet godda.
Faħħar ukoll ir-riforma fl-edukazzjoni primarja u
sekondarja, il-ftuħ ta' l-MCAST u l-ħidma tal-Gvern li
għandha tibqa' iżied in-numru ta' studenti li jkomplu
bl-istudju tagħhom wara l-iskola sekondarja. Il-Professur Wayne tenna, li
minħabba li l-Gvern qed jinvesti kemm fl-infrastruttura u fis-servizzi edukattivi,

pajjiżna għandu l-istrutturi kollha meħtieġa għal edukazzjoni ta' l-ogħla kwalita'. Il-
Professur Wayne faħħar ukoll l-inċentivi li qed jittieħdu sabiex jonqos l-illitterriżmu
f'pajjiżna fost l-oħrajn permezz ta' programmi li jinkludu il-parteċipazzjoni talġenituri
u li għalhekk iħeġġu t-tagħlim anke fid-dar. Kenneth Wayne spjega li l-
edukazzjoni hija ċ-ċavetta għal futur u wieħed għandu jkompli bl-istudji tiegħu tul
il-ħajja. Tenna li pajjiżna għandu futur sabiħ quddiemu għaliex il-Gvern preżenti
bena struttura mifruxa minn taħriġ ta' professjonisti fl-edukazzjoni għal servizzi
speċjalizzati skond il-bżonnijiet ta' l-istudenti. Dan kollu mistenni jħalli frott anke
fuq il-ġenerazzjonijiet futuri.
Fil-programm ġie diskuss ukoll il-qasam ambjentali ma' Chris Ciantar, id-Direttur
tal-Politika Ambjentali. Hu saħaq li l-ambjent hu assoċjat mal-kwalita' ta' ħajja li
ngħixu, ir-rikreazzjoni u s-saħħa. Ciantar sostna li l-ambjent ikompli jsebbaħ lil
pajjiżna u dan awtomatikament għandu effett pożittiv fuq l-ekonomija għaliex
jattira aktar tursiti lejn Malta. Hu tenna li fl-aħħar snin, il-Gvern, minbarra li wettaq
proġetti mill-fond nazzjonali, wettaq ukoll diversi proġetti b'fondi ta' l-Unjoni
Ewropea. Dawn wasslu biex il-Gvern investa fil-birdiversita', fit-tnaqiss flemmisjonijiet,
fil-protezzjoni taż-żona urbana kif ukoll fil-qasam marittimu u filprotezzjoni
ta' riżorsi naturali bħal ġebla tal-franka. Il-Gvern investa wkoll f'oqsma
oħra marbutin mal-qasam ambjentali fosthom fl-immaniġjar ta' l-iskart u
f'kampanji ambjentali. Ciantar semma wkoll inizjattivi li l-Gvern ħa
b'kollaborazzjoni ma' għaqdiet mhux governattivi fosthom il-proġett marbut malbiodiversita'
f'Xorb l-Għaġin li sar bi sħab ma' l-għaqda Nature Trust. Hawnhekk
qed tiġi preservata biċċa art sabiex fost l-oħrajn isir ċentru għal-kura ta' l-annimali
u ċentru marittimu. Hu faħħar ukoll l-proġett 34U li minbarra li tejjeb l-ambjent ta'
madwarna serva ukoll bħala eżerċizzju edukattiv.
IL-GWU DDAWWAR FHIEMTHA BIEX TAQBEL MA’ DIKJARAZZJONIJIET
TA’ ALFRED SANT: Is-Segretarju Ġenerali tal-GWU Toni Zarb indika li l-GWU
taqbel mal-proposta li għamel il-Mexxej Laburista din il-ġimgħa li jekk ikun PM,
jaħtar fil-kabinett tal-Ministri liċ-Chairman tal-Kunsill Malti għall-Iżvilupp
Ekonomiku u Soċjali, l-MCESD. Mistoqsi għall-ewwel reazzjoni tiegħu għal din ilproposta
li ħareġ biha Alfred Sant, Toni Zarb sejħilha “proposta interessanti”.
Jirriżulta pero’ li l-GWU u Toni Zarb mhux hekk
kienu jaħsbuha sa ftit ilu. Meta f'Marzu li għadda
ressqet il-proposti tagħha għar-riforma ta’ l-MCESD,
il-GWU kienet iddikjarat li ma taqbilx ma’ l-
involviment tal-Gvern fil-Kunsill, u trid MCESD li
jeskludi għal kollox lill-membri tal-Gvern. Dan kollu
jwassal għall-konklużjoni li l-GWU bidlet il-pożizzjoni
tagħha issa li ħareġ b’din il-proposta Alfred Sant. Ilproposta
kontroversjali li ħareġ biha l-kap ta’ l-oppożizzjoni jirriżulta li ma
kkonsulta ma’ ħadd dwarha; qabad u ħareġ biha dak il-ħin. Fil-fatt ma tidher
imkien fil-famuż pjan għall-bidu ġdid li jiġbor fih id-dokumenti li ħareġ il-Partit
Laburista fl-aħħar snin; dokument li ironikament kien f’idejn Alfred Sant stess
meta ħareġ b’din il-proposta. F'lukanda f'Ħ'Attard, Alfred Sant mhux talli qal li liċ-
Chairman tal-MCESD jaħtru fir-rank ta’ Ministru fil-kabinett Laburista, imma

sahanistra qal li jagħżlu hu stess. Dan ikun ifisser li minkejja li jkun fir-rank ta’
Ministru, dan ma jkunx ġie elett demokratikament bħal ħaddiehor u jintagħżel
direttament mill-PM. Il-bidla fil-pożizzjoni tal-GWU dwar iċ-Chairman tal-MCESD
wieħed jista’ jaraha iswed fuq l-abjad fid-dokument li l-GWU ppubblikat bilproposti
tagħha għar-riforma fl-MCESD preċiżament nhar it-Tlieta 6 ta’ Marzu
2007. Dan ir-rapport li dwaru Toni Zarb dakinhar kien indirizza konferenza ta’laħbarijiet
jista’ faċilment jitniżżel mill-website tal-union mis-sezzjoni talpubblikazzjonijiet
u r-rapporti. Li l-GWU ma taqbilx – jew aħjar, ma kinitx taqbel,
mal-preżenza tal-Gvern fil-Kunsill huwa enfasizzat mill-inqas erba’ darbiet f’dan
id-dokument ta’ sitt paġni. L-ewwel dikjarazzjoni hija li skond il-GWU kunsill
mingħajr l-involviment dirett tal-membri tal-Gvern jagħti vuċi akbar u aktar liberta’
lill-membri tas-soċjeta’ ċivili. Aktar 'il quddiem fil-lista ta' min għandu jkun parti
mill-MCESD, ma jissemma mkien il-Gvern. Filwaqt li fil-mod kif għandu jkun
kompost il-Kunsill, il-GWU titkellem dwar ic-Chairman u tgħid li għandu jkun
maħtur minn fost il-21 membru. Fl-aħħar riferenza li titkellem dwar it-tmexxija tal-
Kunsill, f’dan id-dokument il-GWU kienet ipproponiet li l-kunsill għandu jitmexxa
minn Chairperson elett minn fost il-membri tal-Kunsill. Anke hawnhekk jispikka n-
nuqqas tar-rappreżentanza tal-Gvern.
PROPOSTI TA’ L-MLP DWAR L-EWWEL PROPJETA’, LI DIĠA’ QEGĦDIN
FIS-SEĦĦ: Il-proposti li ressaq il-Partit Laburista dwar min jixtri l-ewwel propjeta
huma inizjattivi li diġa' qed isiru jew li huma diġa' fil-pjan li ressaq il-Gvern fiddokument
ta’ qabel il-budget. Il-Mexxej Laburista Alfred Sant ressaq l-erba’
proposti tiegħu waqt konferenza ta’ l-aħbarijiet li matulha qal li jeħtieġ li jinħolqu
numru ta' skemi għal min jixtri l-ewwel propjeta tiegħu. Iżda dawn l-erba’ proposti
m'huma qed joffru xejn ġdid. Qabel xejn Alfred Sant
wiegħed li jingħataw grants fuq l-ewwel propjeta.
Dawn il-grants ta’ 10% diġa jingħataw mill-Awtorita'
tad-djar taħt l-iskema msejħa equity sharing. Din l-
iskema tgħodd għal xiri ta’ propjeta' li jkollha valur ta’
Lm50,000 jew anqas. Alfred Sant qal ukoll li
proposta oħra hi dik li persuni li jispiċċaw bla mpjieg
ikollhom il-pagamenti tal-kapital sospiżi għal sena -
din ukoll hi xi haġa li diġa' ssir. Il-Gvern diġa' għamel
arranġament mal-banek ewlenin biex tiddaħħal din ilmiżura.
Eżempju ta’ nies li diġa gawdew minn din ilmiżura
huma l-ħaddiema li kienu mpjegati mal-VF u
mad-Denim. Il-Mexxej Laburista fost il-proposti
tiegħu daħħal ukoll proposta li diga issemiet fid-dokument ta’ qabel il-budget.
Sant qed jipproponi li żidiet fl-imgħax ikunu capped għal first time buyers. Dan
meta l-Gvern diġa' qed jikkunsidra li jkun hemm sussidju ta’ parti mill-interessi fuq
is-self. Minkejja li din il-proposta hi simili għal dik li ressaq il-Gvern fid-dokument
ta' qabel il-budget, meta kien mistoqsi minn Media.Link dwar il-valur li fihom ilproposti
tal-Gvern hu qal li dawn il-proposti huma aktar baxxi minn tiegħu. Dwar
it-taxxa tal-boll fuq l-ewwel propjeta mnaqqsa bir–rata ta’ 3.5% Alfred Sant qal li
din għandha titla għal Lm50,000 tal-prezz sħiħ. Min-naħa l-oħra il-Mexxej

Laburista ma semma xejn dwar l-iskemi li preżentament qed jiġu offruti mill-
Awtorita tad-Djar għal min jixtri l-ewwel propjeta' tiegħu. Anke fid-dokument ta'
qabel il-budget il-Gvern qed jisħaq li skemi bhal dik tax-shared ownership
għadhom ikunu estiżi.
L-AIR MALTA RNEXXIELHA TBIEGĦ L-AJRUPLANI KOLLHA RJ: L-Air Malta
ħabbret li rnexxielha tbiegħ l-ajruplani kollha li kellha fil-flotta tal-British
Aerospace Avroliner RJ. Stqarrija tal-linja nazzjonali ta’ l-ajru qalet li tul dawn l-
aħħar ġimgħat l-Air Malta biegħet l-aħħar erba’ ajruplani RJ li kellha. Ajruplan
RJ85 u ieħor RJ70 inbiegħu lil kumpanija Taljana, RJ70 ieħor inbiegħ lil linja ta’ l-
ajru Svediża u RJ70 ieħor lil kumpanija Bulgara. Ittliet
ajruplani l-oħra kienu ġew mibjugħa aktar kmieni
lil klijenti mil-Lvant Nofsani. Tnejn mill-ajruplani RJ70
li għadhom kif inbiegħu se jiġu konvertiti għal użu ta’
VIP’s. L-istqarrija tispjega li l-ajruplani RJ kienu
nxtraw bejn l-aħħar tas-sena 1994 u l-bidu tas-sena
1996 biex jew jintużaw fil-flotta ta’ l-Air Malta inkella
mill-kumpanija Taljana AzzurraAir. Wara li din ta’ l-
aħħar falliet, l-ajruplani ma ntużawx għal xi żmien
iżda l-biċċa l-kbira kienu nkrew lil linji ta’ l-ajru
regjonali fl-Ewropa. L-ajruplani RJ kienu nbiegħ lil
konsorzju ta’ erba’ banek lejn l-aħħar ta’ l-2002 u
imbagħad ġew mikrija lura mill-Air Malta iżda l-linja ta’ l-ajru reġgħet kisbet id-dritt
li tixtrihom lura. Flok kompliet tikri l-ajruplani sad-dati ta’ l-iskadenza tagħhom u
ġġedded sa Mejju tas-sena d-dieħla, l-AirMalta ddeċidiet li terġa’ tixtri l-ajruplani u
imbagħad tbiegħhom. F’kummenti dwar il-bejgħ ta’ l-aħħar grupp ta’ ajruplani, iċ-
Chairman ta’ l-Air Malta Lawrence Zammit qal li din hija aħbar eċċellenti għallinja
nazzjonali ta’ l-ajru u grazzi għall-bejgħ ta’ l-RJ’s issa l-kumpanija hija
f’pożizzjoni aħjar biex tkompli l-impenn tagħha u tikkonċentra fuq proġetti ta’ titjib
fid-dħul li huma mmirati li jerġgħu jpoġġu lill-Air Malta fit-triq tal-profitabbilita’.
PULIZIJA AGGREDIT MINN ERBA’ ŻGĦAŻAGĦ GĦAX RIEDHOM JAGĦMLU
L-BREATHALYZER: Membru fil-Korp tal-Pulizija
kien fil-mira ta' grupp ta' erba' żgħażagħ li
aggredewh u tawh xi daqqiet bil-ponn f'wiċċu u
f'rasu. Barra minhekk, waqt il-proċess ta' l-
investigazzjonijiet, iż-żgħażagħ instabulhom numru
ta' joints ta' marijuana fil-pussess tagħhom.
MaltaRightNow.com jinsab infurmat li l-Pulizija kien
qed jaqdi dmiru hekk kif kien stazzjonat biex
jikkontrolla t-traffiku fi Triq St. Andrew's, San Ġiljan, meta għall-ħabta tal-11:15pm
tal-bieraħ waqqaf karozza tal-kiri bajda li kien fiha l-erba' żgħażagħ Maltin
minħabba li ssuspetta li dawn setgħu kienu taħt l-effett eċċessiv ta' l-alkoħol. Kif
titlob il-proċedura f'ċirkostanzi bħal dawn, il-Pulizija talab lix-xufier tal-karozza
biex joħroġ mill-vettura ħalli jsirlu t-test tal-breathalyzer. Kien f'dan il-waqt li l-
erba' żgħażagħ niżlu f'salt mill-karozza u aggredew lill-Pulizija. Huma tawh

daqqiet f'wiċċu u f'rasu bil-Pulizija jipprova jiddefendi ruħu mill-aggressjoni. Il-
Pulizija, li f'dik it-triq kien waħdu, sejjaħ għall-għajnuna b'numru ta' membri oħra
tal-Korp jaslu fil-post għaxar minuti wara minħabba li kienu għaddejjin f'ħidma
relatata mal-Festa ta' San Ġiljan.
Sadanittant, hekk kif iż-żgħażagħ - li tlieta minnhom għandhom anqas minn 18-il
sena u hu x-xufier biss li għandu aktar minn 18-il sena - ittieħdu lejn il-Kwartieri
Ġenerali tal-Pulizija, huma nstabulhom in-numru ta' joints tal-marijuana waqt li
kien għaddej il-proċess ta' l-investigazzjonijiet.
Il-Ħadd, 26 ta’ Awissu:
TURIŻMU: Aktar lukandi jinvestu fi proġetti: It-tursti f’Malta qed ikomplu
jiżdiedu u l-lukandi qed jinvestu biex ikabbru. Oħrajn qed jinvestu fil-bini ta’
lukandi ġodda. L-investiment totali fi proġetti ta’ żvilupp u estesjonijiet ta’ lukandi
jaqbeż il-Lm34 miljun lira għal 25 proġett differenti. Il-proġetti huma mifruxa fuq
lukandi ta’ kull kategorija u se jsiru bejn din is-sena u s-sena d-dieħla. Tnejn millukandi
fil-kategorija 5 Star huma lesti. Waħda minnhom hi l-lukanda The Palace
f’Tas-Sliema li bdiet tilqa’ l-ewwel klienti tagħha ftit tal-ġimgħat ilu, filwaqt li l-
lukanda l-oħra hi l-lukanda Excelsior li mistennija
tiftaħ f’Ottubru. L-Awtorità tat-Turiżmu mbagħad
approvat 11-il proġett ieħor ta’ estensjoni ta’ lukandi,
hostels u guest houses għal din is-sena. Fost dawn
hemm l-estensjoni tal-lukanda Westin, u tal-lukanda
Vivaldi li hi fil-kategorija 4 Star, it-tnejn jinsabu f’San
Giljan. Proġett ieħor approvat hu dak ta’ l-estensjoni
tal-hostel tas-Sprachcafe f’Pembroke. Għal din issena
hemm ukoll ippjanati estensjoni ta’ lukanda 4
Star u lukanda 2 Star f’Ghawdex, estensjoni ta’ Guest House f’San Ġiljan u tliet
hostels fil-Gżira. U l-proġetti ta’ żvilupp u estensjoni huma numerużi anki għassena
d-dieħla l-Awtorità approvat ukoll 14-il proġett għall-estensjoni li huma
ppjanati għall-2008. Dawn jinkludu fost l-oħrajn l-estensjoni tal-lukanda 5 Star
Hilton Malta u l-estensjoni tal-lukanda Alexandra, li hi 3 Star, it-tnejn f’San Ġiljan.
Hemm ippjanati l-estensjoni ta’ tliet lukandi 4 Star fil-Mellieħa, f’San Pawl il-Baħar
u fil-Gżira, lukanda 3 Star f’Għawdex, sitt hostels u żewġ guest houses f’diversi
partijiet ta’ Malta. Sadattant, mibarra l-34 miljun lira fi proġetti approvati, l-
Awtorità tat-Turiżmu għandha quddiemha applikazzjonijiet għal diversi
estensjonijiet u bini ta’ lukandi oħra. Dawn l-applikazzjonijiet issa qed jistennew ilpermessi
meħtieġa mill-Awtorità għall-Ambjent u l-Ippjanar. L-investiment
ippjanat għal dawn il-proġetti jaqbeż is-Lm60 miljun.
IL-KAP TA’ L-OPPOŻIZZJONI M’HUWIEX AĠĠORNAT B’DAK LI QED
JITWETTAQ FIL-PAJJIŻ: Fi stqarrija, il-Gvern isostni li fl-aħħar żewġ proposti li
għamel il-Kap ta' l-Oppożizzjoni, dwar l-MCESD u l-qasam tad-djar, huwa wera li
jew mhux aġġornat b'dak li qed jitwettaq fil-pajjiż jew inkella qed jipprova jqarraq
bil-poplu Malti. Fil-każ ta' l-MCESD, illum il-Kap ta' l-Oppożizzjoni ċċara li l-

proposta tiegħu mhix li ċ-Chairman ta' l-MCESD ikun Ministru kif kien qal ftit
ġranet ilu. Il-Gvern ifakkar lill-Kap ta' l-Oppożizzjoni li ċ-Chairman ta' MCESD
huwa diġa membru sħiħ fil-Kumitat tal-Kabinet għall-Kompetittivita. Dan ifisser li
ċ-Chairman ta' l-MCESD diġa jippartecipa b'mod sħiħ f'dak kollu li jkun qed jiġi
studjat, ippjanat u żviluppat f'dan il-Kumitat tal-Kabinet inkluż il-Pjan Nazzjonali
ta' Riforma u l-Aġenda ta' Lisbona. Dan ifisser li ċ-Chairman ta' l-MCESD diġa'
jipparteċipa b'mod sħiħ u attiv f'ħafna xogħol tal-Kabinett. Fil-proposti tal-Kap ta'
l-Oppożizzjoni dwar il-qasam tad-Djar, jidher li l-Kap ta' l-Oppożizzjoni mhux
aġġornat bl-iskemi differenti li żviluppa l-Gvern biex igħin lil min ikun jixtieq jixtri l-
ewwel dar tiegħu. Dawn jinkludu numru ta' skemi ta' l-Awtorita' tad-Djar, bħalma
huma l-iskema ta' equity sharing, l-iskema ta' għajnuna finanzjarja lil min ikun
bena jew irranġa l-ewwel dar tiegħu, l-iskema ta' sussidju tal-kera, u l-iskema
sabiex persuni b'diżabbilta' ikun jista' jkollhom dar skond il-ħtigijiet tagħhom, u
inizijattivi oħra tal-Gvern bħalma huwa l-arranġament li għamel il-Ministeru tal-
Finanzi mal-banek ewlenin għall-każijiet fejn ikun hemm postijiet tax-xogħol li
għalqu. Il-Gvern huwa konxju li f'dan il-qasam hemm aktar x'jista' jsir u dan ġie
trattat fid-Dokument ta' Qabel il-Baġit biex jiġi diskuss bi preparazzjoni għall-baġit
li ġej. Żgur li l-aħjar mod li nindirizzaw dan il-qasam sensittiv u importanti għal
pajjiżna huwa billi ma nħalluhx jerġa' jsir ballun politiku kif kien fi żminijiet talpassat.
Huwa għalhekk li l-Gvern jistieden lill-Kap ta' l-Oppożizzjoni sabiex, bħal
ħafna Maltin oħra, jieħu sehem fid-diskussjonijiet ta' qabel il-baġit biex is-settur
tad-djar ikompli jiġi ndirizzat bl-aħjar mod possibbli.
KONSULENT TA’ ALFRED SANT JAPPELLA BIEX JIBDEW JINTAGĦŻLU N-
NIES MINN ISSA … biex jieħdu “over bis-serjeta’”: Fl-istess attivita' li fiha s-
Segretarju Ġenerali tal-Partit Laburista Jason Micallef kixef l-aġenda moħbija tal-
MLP - jiġifieri li Gvern ieħor ta' Sant ikun Gvern tal-Laburisti - konsulent ta' Sant
għamel dikjarazzjoni oħra. L-ex Ministru Laburista
Freddie Micallef appella lill-Amministrazzjoni tal-
Partit Laburista biex tibda tagħżel in-nies minn issa
biex jieħdu over għal meta l-Labour ikun fil-Gvern.
Nhar il-Ħadd li għadda MaltaRightNow.com żvela li
waqt diskors, is-Segretarju Ġenerali Laburista Jason
Micallef qal li Gvern ieħor ta' Sant se jkun Gvern tal-
Laburisti. Fl-attivita', li għaliha ma kinitx mistiedna l-
media, hu qal li seta' jgħid dak id-diskors għaliex iddiskors
kien qiegħed jagħmlu fost il-Laburisti. Freddie Micallef hu wieħed minn
grupp ta' sitta li għażel Alfred Sant biex jagħtuh il-pariri. Dan il-grupp jinkludi wkoll
lill-ex Ministru Laburista Joe Micallef Stafrace u lill-ex Segretarji Ġenerali tal-
General Workers' Union Ġorġ Agius u Anġlu Fenech. Il-membru tal-Kitchen
Cabinet ta' Alfred Sant - Freddie Micallef - appella wkoll għall-għaqda fil-Partit
Laburista. B'ħarstu lejn Alfred Sant, li kien qed jisma' d-diskors tiegħu, Freddie
Micallef saħaq li l-Laburisti għandhom jaqbdu id f'id mal-Mexxej Laburista u
"nżommu l-għaqda". Hu appella wkoll biex minn issa jibdew ikunu avviċinati dawk
il-persuni ħalli jkunu preparati biex ikunu jafu li "malli jkun hemm rebħa tal-Partit
Laburista, int se tkun inkarigat minn hemm, u tiddejqux tagħmluha". Issa li Alfred

Sant għażel lil Freddie Micallef biex jagħtih il-pariri, Micallef qed ikun involut
f'diversi attivitajiet Laburisti. Fil-fatt, ix-xahar li għadda hu tkellem f'laqgħa politika
fil-Gżira flimkien ma' l-ex Ministri Laburisti Ċensu Moran u Joe Debono Grech.
KONFERMA OĦRA: JASON MICALLEF RIED LI D-DISKORS TIEGĦU JIBQA’
BEJN IL-LABURISTI: Fi stqarrija, il-Partit Nazzjonalista qal li "s-Segretarju
Ġenerali tal-Partit Laburista Jason Micallef ried li dak li qal bla tlaqlieq bejn il-
Laburisti, jibqa’ bejn il-Laburisti biss u ma joħroġx fil-pubbliku. Tant ried li dak li
qal jibqa’ bejn il-Laburisti, li wera r-rabja tiegħu kontra min kixfu u għamel iddiskors
tiegħu fuq website billi għajjru injorant." Il-politika vera tal-Partit Laburista
toħroġ meta esponenti tal-Partit Laburista jkunu qed jitkellmu bejn il-Laburisti.
Hekk, kif qal Jason Micallef "hawn qegħdin
bejnietna u tajjeb li ngħidhielkom: se nkunu Gvern
tal-Laburisti". Meta jkollu udjenzi oħra, il-Partit
Laburista jipprova jingħogob magħhom, u jitkellem
b’mod differenti. F’intervista li ta, Jason Micallef qal
li hu "diżappuntant" li kien hemm "injorant" li poġġa
d-diskors li għamel hu fuq YouTube. Din hi
konferma oħra ta’ kemm Jason Micallef ried li d-
diskors li qal jibqa’ bejn il-Laburisti. Il-politika
Laburista hi politika ta’ "bejnietna". Gvern ieħor ta’
Sant ikun Gvern tal-Laburisti tal-qalba. Ikun gvern
ta’ bejnietna li jeskludi lil min ma jaqbilx mal-Partit
Laburista, lil min m’għandux rabtiet ma’ partiti,
jeskludi lil min jappoġġja lill-Partit Nazzjonalista u
jeskludi wkoll Laburisti li ma jkunux tal-qalba. Il-
Partit Laburista mhux kapaċi jkun Gvern ta’ kulħadd. Din ta prova tagħha kull
meta kien fil-Gvern, inkluż fit-22 xahar tal-Gvern ta’ Sant. Minkejja li Sant
iddeċieda li jagħmel 22 xahar biss fil-Gvern, 22 xahar kienu biżżejjed biex saru
inġustizzji. Il-Gvern ta’ Sant kien instab hati ta’ diskriminazzjoni u
vendikazzjonijiet. Dawn saru b’indħil dirett ta’ Ministri Laburisti li jagħtu l-ordnijiet
ta’ min għandu jitqaċċat u min għandu jieħu postu. L-ex Ministru Laburista
Freddie Micallef, li wkoll tkellem waqt l-attivita’ ta’ Charles Buhagiar, talab lill-
Partit Laburista biex jipprepara lin-nies u jgħidilhom minn issa ta’ xiex se jkunu
responsabbli u minn xiex se jkunu nkarigati, malli jkun Gvern ieħor ta’ Sant. Hu
appella lill-Partit Laburista biex ma jiddejjaqx javviċina lin-nies u jinfurmahom
minn issa. Jason Micallef qal li min pogga d-diskors fuq il-YouTube imbarazza
wkoll lil Charles Buhagiar. Filwaqt li qed jgħajjar lil min poġġa d-diskors tiegħu fil-
YouTube bħala injorant, il-fatti huma li dan id-diskors tpoġġa wkoll fuq il-website
tad-deputat Laburista Charles Buhagiar, li l-attivita’ saret ad unur tiegħu!
KUNĊERT MINN TLIET ĠGANTI TAL-MUŻIKA TALJANA: Fil-Valletta
Waterfront, il-bieraħ, folla numeruża, attendiet għall-kunċert kbir minn tliet ġganti
tal-mużika Taljana, Claudio Baglioni, Gianni Morandi u Riccardo Cocciante.
Kunċert li jifforma parti minn kampanja intiża li tqajjem aktar kuxjenza dwar ilproblema
ta' l-imigrazzjoni rregolari. Il-bieraħ filgħodu wasal Malta bħala

mistieden speċjali għal dan il-kunċert il-Ministru tal-Ġustizzja Taljan, Clemente
Mastella li ntlaqa' fl-Ajruport Internazzjonali ta' Malta minn Tonio Borg, il-Viċi-PM
u Ministru tal-Ġustizzja u l-Intern Malti. F'konferenza ta' l-aħbarijiet li saret ilbieraħ
wara nofsinhar, iż-żewġ Ministri flimkien ma'
Francis Zammit Dimech, l-Ministru għat-Turiżmu u
Kultura, tkellmu dwar il-problema ta' l-immigrazzjoni
llegali li qed tolqot l-Ewropa. Il-Ministru Taljan qabel
ma' Tonio Borg u Francis Zammit Dimech u sostna li
l-problema ta' l-immigrazzjoni tittaffa biss jekk
b'solidarjeta', il-pajjiżi Ewropej jingħaqdu flimkien u
lkoll jieħdu xi wħud mill-immigranti f'pajjiżhom. Anke
it-tlett kantanti barranin tkellmu dwar il-messaġġ talkunċert
intitlolat Ciao Shia li minbarra li se joffri divertiment lil dawk preżenti
mistenni joħloq kuxjenza kontra d-diskriminazzjoni razzjali. Fil-kuncert taw
sehemhom ukoll ż-żewġ kantanti lokali, Ivan Filletti u Ira Losco kif ukoll il-grupp
mużikali Winter Moods. F'kumment lil Media.Link lkoll sostnew li din hija
esperjenza unika għall-kantanti Maltin u ħolma li dejjem xtaqu li ssir realta'.
ĠIRJA FAVUR IL-ĦAJJA U S-SAĦĦA FIŻIKA: Dan kien l-għan tal-ġirja ta’
ħames kilometri li għamlet il-Ħadd fil-għodu, din it-tifla Ingliż flimkien ma’
missierha. Il-ġirja kienet parti mill-inizjattiva race for life li permezz tagħha l-
organizzazzjoni Cancer Research UK torganizza tlielaq madwar ir-Renju Unit
biex tiġbor flus għar-riċerka xjentifika dwar il-kanċer u l-kura għalih. Il-Ħadd,
b’eċċezzjoni u għall-ewwel darba, tellieqa kienet organizzata f’Malta. L-
organizazzjoni ilha għal dawn l-ahhar 13-il sena
tagħmel tlielaq. Tul din is-sena diġa’ sar 280 tellieqa
madwar ir-Renju Unit, b’dik ta’ York – il-post fejn
toqgħod it-tifla, tkun postposta minħabba l-maltemp.
Kien imiss li t-tellieqa f’York issir il-Ħadd, iżda nzerta
li t-tifla Sophie, din id-darba kienet Malta fil-jum tattellieqa,
u minflok tilfet iċ-ċans li din is-sena tiehu
sehem, għamlet il-ġirja tagħha f’Malta waqt btala
f’pajjiżna, fl-istess ħin li sħabha lura f’York kienu qed
jagħmlu t-tellieqa. F’moħħ it-tifla waqt il-ġirja l-memorja ta’ nannitha li mietet
propju bil-kanċer. Jakkumpanja lil Sophie waqt il-ġirja kien hemm missierha – l-
ewwel raġel li qatt ħa sehem f’din l-inizjattiva kemm ilha ssir hekk kif
tradizzjonalment itellqu n-nisa biss. Il-missier, barra li biex ikun ta’ appoġġ għattifla
għamel din il-ġirja minflok martu, li minħabba raġunijiet mediċi ma setgħetx
tieħu sehem. L-organizazzjoni din is-sena qed tipprova tiġbor 600 miljun sterlina
għar-riċerka fuq il-kanċer, u Sophie ma naqsitx li tagħmel l-appell tagħha biex
kulħadd jagħti sehmu. “Aħdmu biex tgħatu sehmkom għal din il-kawza” kien l-
aħħar kumment tat-tifla li esperjenzat il-kruha u l-kefrija tal-marda tal-kanċer.

It-Tnejn, 27 ta’ Awissu:
PROĠETT TAT-TOMBLA MISTENNI JOĦLOQ 600 IMPJIEG: Kumpanija oħra li
tispeċjalizza fil-logħba tradizzjonali tat-tombla se tinvesti aktar minn disa’ miljun
ewro fi proġett li mistenni joħloq 600 impjieg ġdid f’dan is-settur li kulma jmur qed
jikber. Il-kumpanija Gaming Operations, ibbażata f’San Pawl il-baħar daħlet għal
proġett ambizzjuz ta’ swali tat-tombla mill-aktar moderni u sofistikati b’kuncett
gdid għal pajjiżna. Dan għaliex il-progett żzewweġ il-logħba tradizzjonali tal-bingo
mat-teknologija moderna bl-uzu ta’ l-aktar faċilitajiet żviluppati fil-kamp tatteknologija.
L-investiment ta’ din il-kumpanija ġdida lokali, mifrux sas-sena 2009,
ifisser il-bini ta’ 4 swali kbar tat-tombla – waħda fil-Qawra li nfethet fix-xhur li
għaddew, oħra ġdida fjamanta f’San Giljan li qed tkun inawgurata f’dawn il-jiem,
oħra fil-belt Valletta u oħra f’Rahal Ġdid. Dawn it-tnejn ta’ l-aħħar mistennija
jinfethu għall-pubbliku matul is-sena d-diehla. Is-swali, l-erbgħa li huma rrikjedew
investiment qawwi mhux biss fl-infrastruttura imma wkoll f’teknoloġija moderna li
tbiddel għal kollox il-metodu kif tintlagħab din il-logħba. Fost l-oħrajn, per
eżempju, kienu stallati dawk li jissejħu “electronic bingo terminals” li jagħmluha
possibbli li l-logħob ikun jista’ jsir b’mod separat imma magħqud permezz ta’ link
komuni bejn is-swali differenti. Dawk li jkunu qed jilagħbu t-tombla għandhom ilfacilita’
li jirbħu aktar flus aktar ma jkun hemm nies jilagħbu l-istess logħba flistess
ħin. Johann Schembri, direttur maniġerjali ta’ Gaming Operations Ltd
ikkonferma ma’ dan l-istazzjon li dan l-investiment sar possibbli wara li l-Ġvern
waqqaf l-Awtorita’ tal-Logħob u l-Lotteriji u dahlu fis-seħħ regolamenti ġodda
konnessi mal-logħob. B’dan l-izvilupp importanti f’pajjizna, din il-kumpanija
ħasbet li tisfrutta l-potenzjal qawwi li jeżisti u toffri lil dawk kollha li jħobbu l-
logħba tat-tombla faċilitajiet moderni li bħalhom ma kienx hawn f’Malta. Dan l-
aħħar investiment isegwi l-aħbar li waħda mill-akbar żewġ kumpaniji Ingliżi filqasam
tal-logħob fuq l-Internet, il-William Hill, qed tittrasferixxi b’seħħ immedjat ilparti
l-kbira ta’ l-operat tagħha mill-Karibew lejn Malta. Il-William Hill ingħatat illiċenzja
biex topera f’Malta fl-aħħar jiem.
KONFERMA OĦRA: JASON MICALLEF RIED LI D-DISKORS TIEGĦU JIBQA’
BEJN IL-LABURISTI – “Injorant” lil min tella’ l-filmat fuq il-YouTube:
F'intervista li ta, s-Segretarju Ġenerali tal-Partit Laburista Jason Micallef qal li hu
"diżappuntanti" li kien hemm "injorant" li poġġa d-diskors li għamel hu fuq
YouTube. Din hi konferma oħra ta' kemm Jason Micallef ried li d-diskors li qal
jibqa' bejn il-Laburisti. Il-politika Laburista hi politika ta' "bejnietna" biex Gvern
ieħor ta' Sant ikun Gvern tal-Laburisti tal-qalba ... Gvern ta' bejnietna li jeskludi lil
min ma jaqbilx mal-Partit Laburista, lil min ma għandux rabtiet ma' partiti, jeskludi
lil min jappoġġja lill-Partit Nazzjonalista u jeskludi wkoll Laburisti li ma jkunux talqalba.
Fi stqarrija, l-Partit Nazzjonalista sostna li l-politika vera tal-Partit Laburista
toħroġ meta esponenti tal-Partit Laburista jkunu qed jitkellmu bejn il-Laburisti.
Tant li kif qal Jason Micallef "hawn qegħdin bejnietna u tajjeb li ngħidhielkom: se
nkunu Gvern tal-Laburisti". Iżda meta jkollu udjenzi oħra, l-Partit Laburista
jipprova jingħoġob magħhom, u jitkellem b'mod differenti. Il-Partit Nazzjonalista

fakkar li l-Partit Laburista mhux kapaċi jkun Gvern ta' kulħadd. Din ta prova
tagħha kull meta kien fil-Gvern, inkluż fit-22 xahar tal-Gvern ta' Sant. Minkejja li
Sant iddeċieda li jagħmel 22 xahar biss fil-Gvern, 22 xahar kienu biżżejjed biex
saru inġustizzji. Tant hu hekk li l-Gvern ta' Sant kien instab ħati ta'
diskriminazzjoni u vendikazzjonijiet. Dawn saru b'indħil dirett ta' Ministri Laburisti
li jagħtu l-ordnijiet ta' min għandu jitqaċċat u min għandu jieħodlu postu. Flintervista
Jason Micallef qal li min poġġa d-diskors fuq il-YouTube imbarazza
wkoll lid-Deputat Laburista Charles Buhagiar. Iżda filwaqt li għajjar lil min poġġa
d-diskors tiegħu fil-YouTube bħala "injorant", il-fatti huma li dan id-diskors tpoġġa
wkoll fuq is-sit elettroniku tad-Deputat Laburista Charles Buhagiar innifsu, li l-
attivita' saret ad unur tiegħu!
SAMMUT JITFA’ T-TORT FUQ IL-KUNSILL NAZZJONALI TAL-GWU:
F'dikjarazzjoni li bagħat lil Media.Link għal darb' oħra b'rabta mar-riżenja ta'
Charles Mizzi minn Chairman tal-kumpaniji ta' l-ivvjaġġar u l-assigurazzjoni tal-
GWU Untours, il-President tal-GWU Salv Sammut sostna li hu ġie implikat f'xi
ħaġa li qatt ma kellu f'moħħu li jagħmel. Sammut
isostni li xeba' jiġi implikat u jgħid li kif l-affarijiet qed
iduru u jieħdu perspettivi manipolattivi qed iġibuh
donnu xi aggressur. Kien għalhekk, jgħid Sammut li
ħass li kellu jerġa' jikteb u jeżerċita d-dritt ta' l-
istampa permezz ta' din id-dikjarazzjoni li kif talab il-
President tal-GWU stess, se tiġi pubblikata b'mod
sħiħ fil-ġurnal in-Nazzjon fil-ħarġa tat-Tlieta f'paġna
ħamsa. Fid-dikjarazzjoni tiegħu, il-President tal-GWU
jiftaħ attakk fuq dawk li tul il-laqgħa tal-Kunsill
Nazzjonali li ddiskutiet il-każ ta' Charles Mizzi, dawru l-kwistjoni kollha fuq kemm
kien tajjeb l-operat ta' Mizzi meta suppost li fil-laqgħa kellu jiġi diskuss l-operat
tal-bord li kien imexxi u mhux tiegħu personali. Dwar dawn Sammut jgħid li llum
qed jissejħu moderati imma fil-kungress t'Ottubru 2005 kienu militanti għax hekk
kien qabel għalihom li jiġu ttimbrati biex isalvaw posthom. Hu fatt magħruf li ż-
żewġ persuni li fil-Kunsill Nazzjonali ddefendew lil Charles Mizzi u l-operat tiegħu
kienu ż-żewġ diretturi ta' l-Untours Michael Parnis u Roberto Cristiano. Waqt li
jammetti li mhux l-ewwel darba li lil Charles Mizzi qallu personalment kemm l-
Untours taħt it-tmexxija tiegħu mxiet 'il quddiem, Sammut jgħid li kien xi
ħaddieħor – li ma jsemmihx b'ismu – li gibidlu l-attenzjoni biex jinvestiga l-operat
ta' Mizzi. Sammut jerġa' jtenni li hu qatt ma kkritika lil Charles Mizzi imma l-kritika
tiegħu dejjem kienet indirizzata lill-Bord u f'dan il-kuntest jgħid li l-ħsieb tiegħu
kien li l-Kunsill jiddiskuti l-operat tal-bord ta' l-Untours u mhux ta' Charles Mizzi.
Minbarra Charles Mizzi bħala Chairman, fuq dan il-bord kien hemm bħala Viċi-
Chairman Michael Parnis, Deputat Segretarju generali tal-GWU u Roberto
Cristiano bħala wieħed mid-diretturi. Skond Sammut, dan Charles Mizzi suppost
li kien jafu għax kellu laqgħa ma' Toni Zarb li fiha s-Segretarju Ġenerali tal-GWU
suppost li nformah. Mill-ittra tar-riżenja ta' Charles Mizzi pero' joħroġ ċar li
dakinhar lil Mizzi Zarb kien qallu “int m'għamilt xejn ħażin”. Dan jikkonferma dak li
kien żvela dan l-istazzjon li biex ma jidher ikrah ma' ħadd, f'dik il-laqgħa tal-kunsill

nazzjonali Toni Zarb la kien ħa pożizzjoni favur u lanqas kontra. Fil-fatt fiddikjarazzjoni
tiegħu Salv Sammut ikompli li Toni Zarb fil-Kunsill ma tkellem xejn la
biex jiġġustifikah, la biex jappoġġjah u wisq inqas biex jiddefendih.
SLOVAKKJA TIMXI FUQ L-EŻEMPJI TA’ MALTA BIEX IDDAĦĦAL L-EWRO:
Numru ta' pajjiżi li qed jittamaw li fis-snin li ġejjin idaħħlu l-munita ewro qed jimxu
fuq l-eżempju ta' Malta. Dan qed jiġri wara l-kampanja informattiva eċċellenti li
għamel u għadu qed imexxi l-Kumitat Nazzjonali għall-Bidla għall-Ewro (NECC)
f'pajjiżna. F'Malta bħalissa hawn delegazzjoni mis-
Slovakkja, pajjiż li mistenni jdaħħal l-ewro f'Jannar
2009. Din id-delegazzjoni kellha programm sħiħ biex
tara dak li qed tagħmel Malta fit-tħejjijiet għad-dħul
ta' l-ewro. F'kummenti lil MaltaRightNow.com id-
Direttur għar-Riċerka fil-Bank Nazzjonali tas-
Slovakkja Martin Suster spjega li d-delegazzjoni
Slovakka ġiet Malta għax it-tħejjijiet hawn saru bilgħaqal
afna. Bħalissa s-Slovakkja qed tirsisti biex
tgħaddi mill-ħames eżamijiet ħalli l-pajjiż idaħħal l-
ewro, eżamijiet li teknikament jissejħu l-Kriterji ta'
Maastricht. Malta rnexxielha tgħaddi minn dawn l-eżamijiet u fis-16 ta' Mejju li
għadda l-Kummissjoni Ewropea flimkien mal-Bank Ċentrali Ewropew
irrakkomandaw li Malta ddaħħal l-ewro. Fl-10 ta' Lulju li għadda l-Kunsill tal-
Ministri Ewropej tal-Finanzi u l-Ekonomija (ECOFIN) issiġilla d-deċiżjoni li Malta u
Ċipru jidħl fiż-Żona Ewro.
FL-AQWA TAGĦHOM IT-TĦEJJIJIET GĦALL-FESTI TA’ L-INDIPENDENZA:
Jinsabu fl-aqwa tagħhom It-thejjijiet għall-Festi ta' l-Indipendenza ta' din is-sena.
Fi ftit jiem oħra fuq il-Fosos tal-Floriana tibda l-ħidma biex isiru l-Festi li jfakkru t-
43 anniversarju ta' l-Indipendenza. L-attivitajiet se jibdew fl-14 ta' Settembru u
jintemmu fl-20 ta' Settembru b'mass meeting indirizzat mill-Prim Ministru u Kap
tal-Partit Nazzjonalista Lawrence Gonzi. Dakinhar ukoll jittellgħu l-premijiet kbar
abbinati mal-Loterija Indipendenza. Bħal kull sena fuq il-Fosos se jkun hemm
Arena għat-Tfal. L-attivitajiet għat-tfal se jsiru taħt tinda imsejħa it-Tinda tal-
Fantasija. Kull siegħa se jkunu qed isiru attivitajiet partikolari għat-tfal b'temi
differenti, li kollha għadhom tagħlima marbuta magħhom. Rokna ta' interess li se
terġa' ssib postha fuq il-Fosos se tkun dik ta' l-għana tradizzjonali. Dawn is-serati
ta' l-għana se jibdew fit-8:00pm u se jkun hemm għana spirtu pront, għana talfatt,
botta u risposta, u makjetti. B'rabta mal-Festi ta' l-Indipendenza se jkun
organizzat ukoll football tournament mill-MŻPN. It-tournament se jsir fil-Luxol
Grounds nhar is-Sibt, 15 ta' Settembru fil-Luxol Grounds mid-9:00am. It-tim
rebbieħ se jingħata vjaġġ għall-Ingilterra, grazzi għal Britishjet.com. Sadanittant,
mil-lum, il-ġurnal In-Nazzjon beda jippublika d-dettalji tal-Festi ta' l-Indipendenza
għal din is-sena.

ĠENEROŻITA’ KBIRA GĦALL-MALTIN F’OPEN DAY BIEX JINĠABRU
AFFARIJIET GĦALL-PERUVJANI: Il-ġenerożita' tal-poplu Malti, li wieġeb b'ruħu
u ġismu għall-appell li sar biex jiġu mgħejjuna l-
vittmi tat-terremot li laqat il-Peru' fil-15 ta' Awissu li
għadda, tant kienet kbira li s-Soċjeta' Missjunarja ta'
San Pawl qed tappella biex b'seħħ immedjat ħadd
ma jieħu aktar ħwejjeġ biex jintbagħtu fiż-żona
milquta. Dan l-appell qed isir hekk kif f'open day li
saret il-Ħadd, eluf ta' Maltin marru jagħtu l-oġġetti li
ntalbu biex jitpoġġew fil-kontejners li se jintbagħtu l-
Peru'.
Kelliema għaċ-Ċentru Animazzjoni Missjunarja ta' l-MSSP f'Malta qaltilna li matul
il-ġurnata tal-Ħadd imtlew żewġ kontejners u nofs oħra. Hu ttamat li sa l-aħħar
tal-ġimgħa l-għajnuna kollha tkun intbagħtet bil-baħar lejn il-kapitali Peruvjana
Lima, fejn il-Patrijiet tas-Soċjeta' Missjunarja ta' San Pawl se jqassmuha fiż-żoni
milquta.
CLAUDIO BAGLIONE JINTERPRETA “L-AĦĦAR BIDWI F’WIED IL-
GĦASEL”: “Esperjenza Sensazzjonali” – Is-Surmast Paul Abela: "Hi
esperjenza sensazzjonali u inspjegabbli fl-istess ħin li tisma' interpretazzjoni talkanzunetta
"L-Aħħar Bidwi f'Wied il-Għasel" millkantant
popolari Taljan Claudio Baglioni".
F'kummenti lil MaltaRightNow.com wara l-kunċert
mużikali ta' Claudio Baglioni, Gianni Morandi u
Riccardo Cocciante li sar fil-Valletta Waterfront nhar
is-Sibt filgħaxija, Mro. Paul Abela rrimarka li l-
interpretazzjoni tal-kanzunetta Maltija minn Baglioni
kienet eċċellenti. Għalkemm il-melodija baqgħet l-
istess u l-istil tbiddel xi ftit, in-nies kienu sorpriżi iżda
mbagħad komplew ikantaw mal-kantant. Mro. Abela,
li kien membru tal-grupp New Cuorey, kien ħa ħsieb il-mużika tal-kanzunetta
Maltija b'lirika ta' Alfred C. Sant. "L-Aħħar Bidwi f'Wied il-Għasel" kien ikantaha l-
mibki kantant Mellieħi Sammy Bartolo. Mro. Paul Abela ddeskriva l-kuntatti li
kienu saru bejnu u n-nies tal-kantawtur Claudio Baglioni. Hu qal li kien
ikkuntattjah is-Segretarju Permanenti fil-Ministeru tat-Turiżmu u l-Kultura Peter
Portelli, li nfurmawh li Claudio Baglioni xtaq jinterpreta kanzunetta Maltija. Peter
Portelli fisser li l-kanzunetta "L-Aħħar Bidwi f' Wied il-Għasel" hi sinonima ma' l-
istil Malti. Mro. Abela għamel CD għal Claudio Baglioni bil-kundizzjoni li l-
kanzunetta Maltija togħġbu. Lill-kantant Taljan għaddielu wkoll il-mużika u l-kliem.
Ftit wara Peter Portelli reġa' kkuntattja lil Mro. Abela u qallu li l-kanzunetta Maltija
ntogħġbot ħafna minn Baglioni. Mro. Abela baqa' bil-kurżita' sa l-aħħar biex jara
kif Claudio Baglioni kien se jagħti l-interpretazzjoni tal-kanzunetta klassika
Maltija. Fil-fatt "L-Aħħar Bidwi f'Wied il-Għasel" instemgħet it-tieni waħda fil-

kunċert tas-Sibt li għadda. Fi kliem il-Mro. Abela, l-folla numeruża preżenti
baqgħet "iċċassata" meta semgħet lil Claudio Baglioni jkanta bil-Malti u nfexxew
iċapċpu u jkantaw mal-kanzunetta popolari Maltija.
It-Tlieta, 28 ta’ Awissu:
L-ISPTAR MATER DEI B’AĊĊESS GĦAS-SERVIZZI TAT-TV, INTERNET U
TELEFON MIS-SODOD: Il-pazjenti fl-Isptar Mater Dei se jkollhom aċċess għasservizzi
tat-televiżjoni, internet u telefon direttament mis-sodda tagħhom. Dan
jikkuntrasta bil-kbir mas-servizz tat-televiżjoni li jingħata fl-Isptar San Luqa, fejn ilpazjenti
għandhom aċċess biss fil-partijiet komuni. Barra minhekk il-pazjenti llum
jistgħu jużaw biss jew telefon pubbliku inkella t-telefon ċellulari tagħhom. Iżda
grazzi għall-ftehim ma' Melita Cable, se jinghata servizz tal-cable television b'xejn
fis-sezzjoni tal-pedjatrija, fejn hemm 80 sodda,
f'218-il post fil-partijiet komuni madwar l-isptar kollu
u fi 12-il post fid-Day Care Centre. Fis-sodod l-oħra
fil-bqija tas-swali se jkunu allokati f'kull channels u
servizzi oħra bi ħlas differenti. Dan jikkonsisti
f'pakkett bażiku ta' aktar minn 40 channel, Premium
Package ta' aktar minn 70 channel flimkien ma'
servizz ta' internet u e-mail, sejħiet mingħajr limitu
minn Hello-to-Hello, 50 stazzjon tar-radju u logħob elettroniku sempliċi. L-apparat
stallat mill-Melita Cable hu żviluppat apposta għall-użu fi sptarijiet u maħsub biex
jagħmel użu minnu kulħadd. Dawn huma magħmulin b'mod li ma jkunux mezz ta'
infezzjoni u l-istruzzjonijiet fuq l-użu tal-funzjonijiet differenti jixegħlu fuq screen
biex jagħmluha faċli issegwihom. Rappreżentanti tal-kumpanija se jkunu fl-Isptar
biex jassistu pazjenti fl-użu tat-terminals u biex jiżguraw li dawn jinżammu nodfa
f'kull
ħin.
Fi stqarrija l-Kap Eżekuttiv ta' Melita Cable Philip Micallef qal li l-għażla ta' Melita
Cable biex tipprovdi dan is-servizz importanti lill-Isptar Mater Dei hu unur kbir
ghall-kumpanija. Minbarra li Melita Cable tgħin biex tagħmel il-pazjenti aktar
komdi waqt iż-żmien tagħhom fl-Isptar, se tipprovdilhom ukoll ħin ta' divertiment
permezz ta' l-internet u t-telefonija.
IS-SEGRETARJU ĠENERALI TAL-PN JAKKUŻA LILL-MLP B’SENSIELA TA’
GIDEB – Libell kontra Alfred Sant u Jason Micallef: Is-Segretarju Ġenerali tal-
Partit Nazzjonalista Joe Saliba qal li l-Partit Laburista qed jinfexx f'sensiela ta'
gideb, tgħawwiġ tal-fatti u sensazzjonaliżmu biex
jipprova jtellef l-attenzjoni tal-poplu Malti millkontroversji
fi ħdanu. Fi stqarrija Joe Saliba qal li l-
Partit Laburista u l-mezzi tax-xandir tiegħu qed
jigdbu meta jgħidu li l-vaganza tiegħu kienet sigrieta.
Tant li kemm mat-tluq kif ukoll fid-dħul tiegħu lura
f'Malta, kulħadd għadda mill-proċedura normali tad-
Dwana u tal-wiri tal-Passaporti. Il-Partit Laburista
gideb ukoll meta qal li Joe Saliba pprova jaħrab. Bil-

kontra, Joe Saliba qal li hu ta l-kummenti tiegħu b'mod immedjat mal-wasla
tiegħu lura Malta. Dan għamlu bla ħabi u biex juri wkoll id-diżonesta' tal-Partit
Laburista u tal-mexxejja tiegħu. Il-Partit Laburista qed jigdeb ukoll meta jgħid li
Żaren Vassallo ħa kuntratti minħabba li hu attivist tal-PN. Joe Saliba qal li l-
kuntratti pubbliċi jingħataw permezz ta' offerti mill-Gvern u li bħala Segretarju
Ġenerali tal-PN hu m'għandu l-ebda involviment dwar kif dawn jingħataw. Bilkontra
ta' Deputati Laburisti, Joe Saliba qal li hu m'għandu l-ebda rabtiet
kummerċjali f'negozji ma' negozjanti. Joe Saliba fisser lill-Partit Laburista
inkonsistenti meta aktar kmieni din is-sena kien qed jattakka lill-Gvern talli l-
kumpanija ta' Żaren Vassallo ma ħaditx tender għall-immodernizzar ta' l-Impjant
ta' Sant'Antnin, filwaqt li issa l-Partit Laburista qed jattakka lill-Gvern għax Żaren
Vassallo ħa kuntratti pubbliċi. Dan kollu juri li l-Partit Laburista hu mimli
opportuniżmu bla rażan, sostna Joe Saliba. Fl-istqarrija Joe Saliba qal ukoll li l-
Partit Laburista qed jipprova jaljena lill-poplu mill-iskandlu Laburista ta' Dubaj
meta fi ħdan id-delegazzjoni Laburista kien hemm bil-moħbi kuntratturi li
għandhom xibka ta' negozju ma' ex Ministri Laburisti li llum huma Deputati
Laburisti u li kienu fid-delegazzjoni wkoll - fosthom Charles Mangion u Charles
Buhagiar. Joe Saliba qal li ż-żjara tad-Deputati Laburisti u l-kuntratturi flimkien
ma kenitx btala privata iżda kienet delegazzjoni ta' l-Oppożizzjoni Laburista. Hu
f'dan il-każ li kien hemm taħlit ċar ta' interessi politiċi u interessi kummerċjali fiżżjara
tal-Partit Laburista f'Dubaj. Is-Segretarju Ġenerali tal-Partit Nazzjonalista
sfida lill-Partit Laburista jiddikjara li l-kuntratturi li kienu Dubaj mad-delegazzjoni
Laburista għandhomx jiġu esklużi minn kull kuntratt pubbliku, taħt kull Gvern
Laburista, kemm-il darba Charles Mangion u Charles Buhagiar ikunu Deputati
Laburisti. Joe Saliba sfida wkoll lill-Partit Laburista biex minħabba l-kunflitt li kien
hemm bejn il-politika u n-negozju, jieħu passi kontra Charles Mangion u Charles
Buhagiar li għandhom rabtiet kummerċjali mal-kuntratturi li kienu Dubaj. Is-
Segretarju Ġenerali tal-PN temm l-istqarrija billi fakkar kif il-MLP qed jipprova
joħloq diversiv wara l-kontroversja li beda s-Segretarju Ġenerali tal-MLP Jason
Micallef, meta f'attivita' fil-magħluq għal-Laburisti qal li kienu bejniethom u li seta'
jitkellem mingħajr xkiel. Il-politika uffiċjali tal-MLP hi li Gvern Laburista ikun Gvern
tal-Laburisti u politika ta' vendikazzjonijiet u tpattija li Alfred Sant u Jason Micallef
iddeskrivewha "għajn għal għajn u sinna għal sinna". Sadanittant aktar tard matul
il-ġurnata s-Segretarju Ġenerali tal-Partit Nazzjonalista għamel libell kontra l-
mexxej tal-partit Laburista Alfred Sant u s-Segretarju Ġenerali ta' l-MLP Jason
Micallef. Dan il-libell se jwassal biex tkompli tinkixef l-istrateġija ta’ qerq u gideb
tal-Partit Laburista li issa addotta bħala parti mill-politika tiegħu li jipprova
jħammeġ. Stqarrija maħruġa mill-PN tgħid li mhux l-ewwel darba li l-Qorti sabet
lill-MLP ħati b'malafama u b'gideb apposta. Fil-fatt l-istqarrija tfakkar kif din issena,
il-Qorti sabet lill-Partit Laburista ħati li ġideb fuq il-Prim Ministru, fuq il-Vici
Prim Ministru u fuq 8 ministri oħra. Dakinhar il-Qorti fis-sentenza tagħha qalet li l-
Partit Laburista xandar affarijiet foloz biex iqarraq u min jaqra dak li qal il-Partit
Laburista jasal għall-konklużjonijiet żbaljati mibnija fuq fatti foloz.

ŻIEDA TA’ AKTAR MINN 3,000 FIN-NISA LI JAĦDMU: Ikomplu jiżdiedu l-
impjiegi b'aktar nisa jaħtfu l-opporunitajiet li qed jinħolqu u jidħlu fid-dinja taxxogħol.
Ċifri ta' l-Uffiċċju Nazzjonali ta' l-Istatistika (NSO) juru li fl-ewwel tliet xhur
ta' din is-sena n-nisa jaħdmu żdiedu bi 3,249 meta mqabbel ma' l-istess żmien
tas-sena li għadiet, filwaqt li fl-istess perjodu n-nisa bla xogħol naqsu b'967. Dan
biex bejn Jannar u Marzu ta' din is-sena kien hawn 48,989 mara jaħdmu.
Jirriżulta li kien hemm żieda qawwija fin-nisa li qed jipprattikaw professjoni,
b'żieda ta' 1,784. Żieda sostanzjali oħra kienet fit-technicians nisa u fin-nisa li
għandhom impjieg relatat ma' din il-professjoni. Żdiedu wkoll l-iskrivana nisa, n-
nisa li jaħdmu f'fabbriki u dawk in-nisa f'impjieg bażiku. Dawn iċ-ċifri u aktar
ikkwotahom is-Segretarju Parlamentari għan-
Negozji ż-Żgħar u s-Self-Employed Edwin Vassallo
meta żar l-Uffiċini ta' Professional Health and
Beauty Services u Biocare fil-Mosta: żewġ kumpaniji
li jaħdmu flimkien bil-maġġoranza ta' l-impjegati
huma nisa. Edwin Vassallo qal li ż-żieda qawwija ta'
nisa professjonisti hi xhieda ta' l-impenn tal-Gvern li
jtejjeb is-servizzi edukattivi. Iċ-ċifri pożittivi fiż-żieda
ta' nisa jaħdmu juru wkoll li l-inizjattivi li l-Gvern
ħabbar fil-Budget li għadda qed jagħtu l-frott. Matul
din iż-żjara ż-żewġ kumpaniji kienu ppreżentati biċċertifikat
CSQM, li juri l-kwalita' fis-servizz li joffru.
KIF IL-ĦADDIEMA MALTIN JISTA’ JKOMPLU JAGĦMLU SUĊĊESS MILL-UE
– “UĦM Sajf” b’attivitajiet divertenti għal kulħadd: Fi tmiem din il-ġimgħa
għas-seba' sena konsekuttiva se ssir l-attivita' "UĦM Sajf" b'jumejn ta' divertiment
u informazzjoni għall-familja kollha f'Ta' Fra Ben, il-Qawra, organizzati mill-Union
Ħaddiema Maqgħudin (UĦM). Waqt konferenza ta' l-aħbarijiet tħabbru d-dettalji
dwar l-attivitajiet ta' tmiem din il-ġimgħa. Kif spjega s-
Segretarju Ġenerali tal-UĦM Gejtu Vella, din is-sena
l-attivitajiet - minbarra li joffru divertiment għal
kulħadd - se jiffokaw fuq kif il-ħaddiema Maltin
jistgħu jkomplu jagħmlu suċċess mis-sħubija ta'
Malta fl-UE. Għal dan il-għan din is-sena ngħaqad
mal-UĦM il-Kumitat Nazzjonali għall-Bidla għall-Ewro
(NECC), li se jkollu stand fejn wieħed jista' jmur għal
informazzjoni dwar l-ewro. Dan bil-għan li l-Kumitat
ikollu aktar kuntatt mal-konsumatur u jisma' aktar dak
li għandu xi jgħid dwar l-ewro u l-bidla fil-prezzijiet.
In-NECC u l-UĦM diġa' qed jikkoperaw flimkien biex
isir monitoraġġ fil-bdil ta' prezzijiet u min qed jabbuża
qed ikun penalizzat. "UĦM Sajf" din is-sena se
jinkludi wkoll lill-Forum Malta fl-Ewropa. Fi tmiem din
il-ġimgħa se jkun imniedi wkoll uffiċċju ta' Europe
Direct li se tkun qed tieħu ħsiebu l-UĦM u li hu 50% iffinanzjat mill-Kummissjoni
Ewropea. Dan il-proġett hu riżultat tal-ħidma bejn il-UĦM u l-Uffiċċju tar-

Rappreżentanza tal-Kummissjoni Ewropea f'Malta. Minbarra din l-informazzjoni
kollha dwar l-UE, matul "UĦM Sajf" se jkun hemm diskussjonijiet fuq diversi
suġġetti, żfin, kant u spettaklu bil-parteċipazzjoni ta' pesonalitajiet Maltin popolari.
L-ISKOLA SEKONDARJA L-ĠDIDA F’ĦAL QORMI SE TIFTAĦ IX-XAHAR ID-
DIEĦEL: L-Iskola Sekondarja l-ġdida f’Ħal Qormi mistennija tiftaħ ix-xahar iddieħel,
mal-bidu tas-sena skolastika l-ġdida, minkejja li ftit iktar minn sena ilu,
kienet għadha kemm saret iċ-ċerimonja tat-tqegħid ta’ l-ewwel ġebla. Minbarra li
din l-iskola qed tkun mgħammra fuq livell għoli bħal ma sar fil-Kulleġġ ta’ San
Benedittu, kienet iddisinjata b’mod li jitħares l-ambjent. Il-Ministru ta’ l-
Edukazzjoni, Żgħażagħ u Mpjiegi Louis Galea qal
dan waqt żjara li għamel fis-sit fejn qed tinbena din l-
iskola, f’Ħal Qormi biswit il-Junior Lyceum f’Tal-
Ħandaq. Hu mistenni wkoll li fil-jiem li ġejjin
jitqiegħed it-turf artifiċjali fil-ground ta’ l-iskola li se
jkun fiha wkoll track ta’ l-atletika ta’ 200 metru. L-
inġinier Albert Ellul mill-FTS spjega l-karatteristiċi
ambjentali ewlenin li fiha din l-iskola. Dawn jinkludi
aperturi double glazed, materjal speċjali fis-soqfa kontra s-sħana fis-sajf, u l-
kesha fix-xitwa, kif ukoll ġwiebi kbar għall-ilma tax-xita li bejniethom jesgħu 1600
metru kubu t’ilma. Dan l-ilma minbarra li se jintuża għat-tisqija tal-ġonna madwar
l-iskola, se jintuża wkoll fil-faċilitajiet sanitartji. Kien maħsub ukoll li l-viti ta’ l-ilma
tax-xorb, jingħalqu waħidhom biex titnaqqas il-ħela. Aspett ieħor innovattiv f’din l-
iskola hi s-sistema tad-dawl, fejn il-kuridur tas-sular ta’ fuq se jkun qed jiddawwal
b’sistema li tuża r-raġġi tax-xemx li jgħaddu minn tubi apposta b’riżultat li jkun
hemm raġġ qawwi ta’ dawl fil-bini. Barra minn hekk l-iskola se jkollha wkoll
sistema magħrufa bħala T5 technology li hi ħames darbiet iktar effiċjenti minn
bozoz u tubi normali. L-iskola l-ġdida f’Ħal Qormi se jkollha wkoll sistema solari
biex jissaħħan l-ilma li se bih se jkunu ffrankati 15,000 unit ta’ elettriku fis-sena,
kif ukoll sistema ta' pannelli li jiġġeneraw l-elettriku mix-xemx, li se jipproduċu 7.8
kiloWatt. Hu maħsub li din is-sena se tipproduċi sa 10% ta’ l-enerġija li jkollha
bżonn l-iskola, kif ukoll se tiffranka 10 tunnellati ta’ CO2 fl-arja. Il-Ministru Louis
Galea qal li dan il-proġett juri kemm il-Gvern qed jagħti prijorita' lill-ambjent. Hu
temm jgħid li din l-iskola hi eżempju tajjeb ta’ kif għandhom isiru l-proġetti tal-
Gvern, fil-ħin bi kwalita' għolja u b’użu tajjeb tal-fondi pubbliċi.
IL-POWER STATION TAL-MARSA TRID TINGĦALAQ SA L-2015: Il-power
station tal-Marsa sa l-aħħar tas-sena ta’ l-2015 trid tingħalaq kompletament, kif
tisħaq Direttiva ta’ l-Unjoni Ewropea li mistennija tidħol fis-seħħ fl-1 ta’ Jannar li
ġej. Dan tħabbar mill-Kap Eżekuttiv tal-
Korporazzjoni Enemalta Alexander Tranter waqt
laqgħa li kellu ma’ delegazzojni tal-MLP fil-power
station tal-Marsa. Fil-kummenti tiegħu il-Kap
Eżekuttiv ta’ l-Enemalta qal li l-power station tal-
Marsa qdiemet u għadha taħdem grazzi għallimpenn
tal-ħaddiema ta’ l-Enemalta li huma kapaċi

iżommu s-sistema taħdem. Madankollu ħabbar li f’Jannar li ġej se tidħol fis-seħħ
direttiva ta’ l-UE, li tgħid li impjanti bħal dak tal-Marsa jistgħu jitħaddmu sa 20,000
siegħa oħra, iżda sal-31 ta’ Diċembru ta’ l-2015 dawn xorta waħda iridu
jingħalqu. Alex Tranter spjega li l-Enemalta qed tippjana li żżid il-kapaċita ta’ l-
impjant ta’ Delimara biex dan ikun jista’ jlaħħaq mad-domanda meta l-power
station tal-Marsa tingħalaq. Fl-istess ħin l-Enemalta qed tippjana li teqleb il-power
station ta’ Delimara għall-gass, biex ikun hemm inqas tniġġiż. Barra minn hekk issistema
ta’ distribuzzjoni se tingħaqad ma’ dik Ewropea permezz ta’ cable taħt ilbaħar
bejn Malta u Sqallija.
KONFERENZA DWAR “MALTA FIT-TRIQ GĦALL-EWRO”: Fl-1 ta' Ottubru li
ġej il-Kumitat Nazzjonali għall-Bidla għall-Ewro (NECC) u l-Bank Ċentrali ta'
Malta bl-appoġġ tal-Bank Ċentrali Ewropew u l-Kummissjoni Ewropea se
jorganizzaw konferenza bit-tema "Malta fit-triq għall-ewro". Għal din il-konferenza
se jiġu Malta diversi politiċi u personalitajiet distinti
Ewropej, fosthom il-President tal-Bank Ċentrali
Ewropew Jean Claude Trichet u l-Kummissarju ta' l-
Unjoni Ewropea responsabbli mill-Affarijiet
Ekonomiċi u Monetarji Joaquin Almunia. Ma' dawn
se jingħaqdu diversi kelliema ta' reputazzjoni
internazzjonali, li se jiddiskutu l-kisbiet u l-isfidi li
għaddew minnhom il-pajjiżi li diġa' introduċew l-
ewro. Il-konferenza se tiffoka fuq it-tħejjijiet li qed tagħmel Malta qabel ma' erba
xhur oħra tibda tuża l-ewro u l-kordinazzjoni bejn il-pajjizi li jużaw din il-munita.
L-ISTAND TA’ MEDIA.LINK COMMUNICATIONS WAQT IL-FESTI TA’ L-
INDIPENDENZA: Stand imfittex kull sena waqt il-Festi ta' l-Inipendenza ta' din issena
hu dak ta' Media.Link Communications – il-kumpanija li tmexxi t-taqsimiet
kummerċjali tal-Partit Nazzjonalista – Net TV,
Radio 101, il-gazzetti In-Nazzjon u il-mument, issit
elettonriku maltarightnow.com, il-librerija
Informa u l-Pubblikazzjonijiet Indipendenza. Kif
inhi t-tradizzjoni f'dawn l-aħħar snin, din l-istand
toffri informazzjoni u fl-istess waqt pubbliċita' dwar
l-iskedi ‘l ġodda tal-programmi ta' Net TV u Radio
101 li jkunu se jibdew jixxandru minn Ottubru li ġej.
Minkejja li bħalissa l-iskeda għadha qed tkun
finalizzata, mhux eskluż li l-iskeda ta' Net TV
tinkludi xi sorpriża interessanti, kif żvelat Louiselle Vassallo, Media Manager ta'
Media Link Communications. Fost il-programmi konfermati għall-Ottubru li ġej
insibu Bongu Net, Minibugz, Kontra l-Ħin, Sellili, Replay, Newsroom, House
Magazine, Niltaqgħu, Eva u Wheelspin. Is-Sibt se jibdew jixxandru żewġ
programmi ġodda. ‘Sas-sitta' hu l-programm ta' wara nofsinhar ippreżentat minn
Mirelle Bonello u J Anvil u Kollox Sibt Sorpriża hu l-programm il-ġdid tas-Sibt
filgħaxija flimkien ma' Karl u Romina Bonaci, Hector Bruno, Augusto Cardinali u
Ryan Borg. Ma jistax jonqos li l-iskeda ta' Ottubru tinkludi żewġ sensiliet tad-

drama ferm mistennija – Santa Monika u s-sensiela l-ġdida, Għeruq. Ma' NET TV
se jingħaqdu diversi personalitajiet ġodda fosthom Rachel Micallef, Toni maghruf
ta' l-Arloġġi, Diane Nikolic, Robert Farrugia Vella u Debbie Scerri. B'rabta ma' l-
iskeda ta' Radio 101, din mistennija tinkludi ħafna iktar programmi ta' diskussjoni.
UFFIĊJAL TAL-GWU JIDDEFENDI LIL JASON MICALLEF: Andre Borg li hu
wkoll ufficjal tal-GWU f’ittra li kienet pubblikata fil-gazzetta The Times iddefenda
l-aġir tas-Segretarju Ġenerali tal-MLP Jason Micallef li waqt attivita' tad-Deputat
Laburista Charles Buhagiar qal li jekk il-MLP ikun fil-Gvern se jkun Gvern tal-
Laburisti. L-ittra kienet iffirmata minn Andre Borg li hu ukoll il-President tal-GWU
Youth li hi l-fergħa taż-żgħażagħ fi ħdan il-GWU. Fl-ittra tiegħu Andre Borg
jiġġustifika dak li qal Jason Micallef u jgħid li din id-dikjarazzjoni ma fiha xejn
ħazin, għax skond hu tfisser ġustizzja mal-Labursti. Andre Borg ikompli
jiġġustifika lil Jason Micallef billi jallega li l-persuni ta’ fehma Laburista qed ikunu
diskriminati. Dan jikkonferma dak li kien qal il-Mexxej Laburista Alfred Sant waqt
il-Kungress Nazzjonali tal-GWU fl-2005. Dakinhar Alfred Sant f’diskors li kien
għamel quddiem id-delegati tal-GWU kien sostna li għall-MLP il-GWU hi Union
privileġġjata.
L-Erbgħa, 29 ta’ Awissu:
IL-UĦM MA TAQBILX MAL-PROPOSTA TA’ ALFRED SANT: Il-Union
Ħaddiema Magħqudin ma' taqbilx mal-proposta li ħareġ biha l-kap ta' l-
oppożizzjoni Alfred Sant li ċ-Chairman tal-Kunsill Malti għall-Iżvilupp Ekonomiku
u Soċjali jingħata rank ta' Ministru fil-kabinett. Skond il-UHM, jekk jiġri dan, l-
indipendenza tant meħtieġa għax-xogħol ta' l-istess kunsill, tintilef. Fi stqarrija, il-
Union Ħaddiema Magħqudin sostniet li l-kabinett tal-Ministri hu magħmul minn
persuni eletti fuq programm ta' partit politiku u
għaldaqstant iċ-Chairman ta' l-MCESD m'għandux
jassumi responsabbilita' jew ikun kelliem ta' l-
imsieħba soċjali fil-kabinett tal-gvern. Aktar milli ċ-
Chairman tal-Kunsill jispiċċa jpoġġi fuq il-kabinett
tal-Ministri, il-UHM temmen bis-sħiħ li r-
rappreżentanza tal-gvern fuq l-MCESD għandha
tissaħħaħ. Għax l-esperjenza uriet li meta l-gvern
ikun rappreżentat ukoll fl-MCESD minn Ministru,
ħidmet il-kunsill tkun wahda mill-aktar effettiva u
produttiva.
U għandu jkun dan ir-rwol tal-Ministru fl-MCESD li bħalma jagħmlu r-
rappreżentanti tal-korpi kostitwiti u t-trejdunions li jmorru lura jirraportaw lillkunsilli
rispettivi tagħhom, hekk ukoll il-Ministru jew segretarju parlamentari
jirraporta lill-kabinett. Il-UHM għamlitha ċara li biex id-djalogu soċjali jkun wieħed
kostruttiv u effettiv, fl-MCESD it-tliet partijiet, il-gvern, il-unions u l-għaqdiet ta'
min iħaddem irid ikollhom l-istess jeddijiet, doveri u responsabbilitajiet. Ebda
parti, fl-ebda mument, ma tista' tieħu jew tokkupa pożizzjoni ta' dominanza fuq ilpartijiet
l-oħra.

Dwar ic-Chairman, jingħad li dan għandu jibqa' jintagħżel mill-PM wara process
ta' konsultazzjoni ma' l-imsieħba soċjali kollha. Kif qed isir illum. Il-UHM qalet li
waslet għal dawn il-konkluzjonijiet f'laqgħa msejħa apposta bejn l-uffiċjali u s-
segretarji tat-taqsimiet tagħha wara li analizzat fid-dettal il-proposta li ressaq ilmexxej
laburista. U enfasizzat li din id-deċizjoni hi konsonanti ma' dak li ġie
adottat fil-konferenza ġenerali tagħha ta' Marzu ta' din is-sena meta ġie approvat
dokument bi proposti dwar ir-riforma fl-MCESD. Kien il-ġimgħa l-oħra li Alfred
Sant iddikjara li jekk ikun Prim Ministru, jaħtar fil-kabinett tal-Ministri liċ-Chairman
ta’ l-MCESD. Il-proposta kontroversjali li ħareġ biha l-kap ta' l-oppożizzjoni
jirriżulta li ma kkonsulta ma' ħadd dwarha. Qabad u ħareg biha dak il-ħin. Fil-fatt
ma tidher imkien fil-famuż pjan għall-bidu ġdid li jiġbor fih id-dokumenti li hareġ ilpartit
laburista fl-aħħar snin. Dokument li ironikament kien f'idejn Alfred Sant
stess meta ħareġ b'din il-proposta. Alfred Sant mhux talli qal li liċ-Chairman tal-
MCESD jaħtru fir-rank ta' Ministru fil-kabinett laburista, imma saħanistra qal li
jagħzlu hu stess. Dan ikun ifisser li minkejja li jkun fir-rank ta' Ministru, dan ma
jkunx ġie elett demokratikament bħal ħaddieħor u jintagħżel direttament mill-Prim
Ministru.
AKTAR MINN 21,000 INTITOLATI GĦAL RIFUŻJONI TAT-TAXXA: Madwar
21,541 individwu u kumpaniji għandhom jieħdu bejniethom Lm17 miljun
f'rifużjonijiet tat-taxxa mid-Dipartiment tat-Taxxi Interni (IRD). Dawn l-individwi jew
kumpaniji se jirċievu ċekk jew notifika dwar kif se jitħallsu. Dan tħabbar mis-
Segretarju Parlamentari fil-Ministeru tal-Finanzi Tonio Fenech waqt konferenza
ta' l-aħbarijiet. Hu spjega li fid-diskors tal-Budget għal din is-sena ttieħdet
deċiżjoni li l-ħlas ta' rifużjonijiet li l-IRD għandu jagħti lil diversi individwi u
kumpaniji għas-snin l-imgħoddija ma jibqgħux ikunu
posposti aktar għal żmien indefinit.
Tonio Fenech spjega li ħlief għal numru żgħir ta' kumpaniji li għandhom jieħdu
aktar minn Lm10,000, kulmin għandu xi rifużjoni se jirċievi l-ammont dovut
f'pagamenti li se jitħallsu sa perjodu massimu ta' 28 xahar. Is-Segretarju
Parlamentari Fenech stqarr li dawn l-ammonti ta' taxxa li tħallset żejda huma
għas-snin ta' qabel daħlet is-sistema l-ġdida tas-Self Assessment fl-1999.
Hu fisser li taħt is-sistema l-ġdida, l-IRD hu obbligat li jħallas ir-refunds kollha
dovuti fi żmien sitt xhur mid-data tas-sottomissjoni tal-prospett tat-taxxa annwali.
1998-2007: IL-GVERN B’INVESTIMENT TA’ AKTAR MINN LM13-IL MILJUN
GĦALL-ISPORTS: Bejn l-1998 u l-2007 il-Gvern se
jkun investa aktar minn Lm13-il miljun (€30.28
miljun) fl-isport Malti. Lm5 miljun (€11.65 miljun)
minnhom intefqu fi proġetti kapitali filwaqt li l-bqija -
Lm8 miljun (€18.63 miljun) - kienet spiża rikorrenti. Il-
Ministru għall-Edukazzjoni, Żgħażagħ u Impjiegi
Louis Galea qal dan meta dalgħodu żar ix-xogħol li
qed isir fil-Kumpless Sportiv ta' Melita f'Pembroke.
Il-ħidma fil-Kumpless qed issir b'għajnuna qawwija
mill-Gvern permezz tal-Kunsill Malti għall-Isport u l-

Fond għall-Kawżi Ġusti fi ħdan il-Ministeru tal-Finanzi. Il-Ministru Galea sostna li
l-politika tal-gvern hi li jappoġġja kemm jista' jkun lill-għaqdiet sportivi b'faċilitajiet
u riżorsi biex dawn iwasslu l-programmi fil-komunita'.Il-proġett tal-Kumpless
Sportiv tal-Melita beda bit-tqegħid ta' żewġ pitches tat-turf artifiċjali 5-a-side li
tlestew fl-2004. Wara li ntemmet din il-fażi, d-diriġenti ta' Melita FC bdew jaħdmu
fuq il-fażi li kien imiss, jiġifieri li jsir ground 11-a-side bit-turf artifiċjali minflok ilpitch
taż-żrar li kien hemm s'issa. Il-ground il-ġdid issa beda u miexi b'ritmu
mgħaġġel, tant li diġa' tqiegħed is-saff ta' taħt. Fil-ġimgħat li ġejjin se jibda
jitqiegħed it-turf artifiċjali u wara jkun stallat l-apparat kollu meħtieġ inkluż id-dawl,
il-lasti u l-ilqugħ. Il-proġett jinkludi wkoll xogħol fuq l-istand ta' l-ispettaturi kif ukoll
blokk amministrattiv li se jinbena taħt l-art li fost oħrajn se jinkludi gym maħsub
apposta għat-tfal.
JOE SALIBA JIPPREŻENTA LIBELLI KONTRA L-MLP U L-MEDIA
LABURISTA: Is-Segretarju Ġenerali tal-Partit Nazzjonalista Joe Saliba dalgħodu
ppreżenta żewġ libelli fil-Qorti tal-Maġistrati: wieħed
fil-konfront tal-Mexxej Laburista Alfred Sant u s-
Segretarju Ġenerali tal-Partit Laburista Jason
Micallef, u l-ieħor fil-konfront ta' l-Editur ta' l-
Aħbarijiet fuq l-istazzjonijiet Laburisti Miriam Dalli.
Il-libelli saru permezz ta' rikors wara li dan l-aħħar
saret kampanja qarrieqa mill-Partit Laburista blintenzjoni
ewlenija li tħammeġ. Għalhekk Joe Saliba
qed jitlob lill-Qorti biex tillikwida danni wara li ssib lill-
Partit Laburista ħati ta' malafama bl-iskop li ttellef
mir-reputazzjoni tiegħu. Il-libelli saru wara stqarrija li ħareġ il-Partit Laburista l-
bieraħ u fuq dak li xxandar fl-aħbarijiet fuq l-istazzjon televiżiv tal-Partit Laburista
l-bieraħ ukoll. Il-libelli, li kienu ffirmati mill-Avukat Joe Zammit Maempel, qed issir
talba biex id-danni jiġu likwidati favur is-Segretarju Ġenerali tal-Partit
Nazzjonalista skond l-Artiklu 28 tal-Liġi Dwar l-Istampa. F'kumment li ta lil
MaltaRightNow.com ftit minuti qabel ma ppreżenta l-libelli, s-Segretarju Ġenerali
tal-Partit Nazzjonalista qal li dan kollu jikkonferma f'liema stat wasal il-Partit
Laburista li lest li jattakka akkost ta' kollox anke meta ma jkunx hemm issue. Hu
qal li l-mistoqsija issa hi "min imissu jgħaddi mill-istess sitwazzjoni?". Hu tenna li
dan kollu jikkonferma dak li qed jgħid il-Partit Laburista llum, dwar kif beħsiebu
jadotta l-politika tiegħu jekk ikun fil-Gvern.
L-ISTAND TAL-PIN FUQ IL-FOSOS WAQT IL-JIEM TAL-FESTI TA’ L-
INDIPENDENZA: Għall-Festi ta' l-Indipendenza fuq
il-Fosos tal-Floriana se jittella l-istand tal-
Pubblikazzjonijiet Indipendenza (PIN) li ta kull sena
jkun popolari ferm ma' dawk kollha li jżuru l-
attivitajiet fuq il-Fosos. Din is-sena fl-istand tal-PIN
wieħed se jkun jista' jsib il-Kullana għat-Tfal. Din ilkullana
ta' pubblikazzjonijiet hi programm ta'
tagħlim li jimxi id f'id mal-ħtiġijiet tal-Kurrikulu

Nazzjonali. Il-Kullana għat-Tfal tippreżenta l-kultura u t-tradizzjonijiet Maltin
b'mod aktar ħafif biex jifmuh it-tfal. Fl-istand wieħed se jkun jista' jsib ukoll il-ktieb
il-ġdid maħruġ mill-PIN dwar l-Internament u l-Eżilju matul l-aħħar Gwerra.
GĦAXRA JEĦILSUHA ĦAFIF META ĊEDA SAQAF F’ĦAŻ ŻABBAR – Il-
Gvern joffri għajnuna mmedjata lill-familji: Għaxar membri ta' żewġ familji -
omm li qed tistenna tarbija flimkien ma' tliet uliedha u familja oħra ta' sitt persuni -
ħelsuha ħafif meta ċeda saqaf ta' kerrejja f'Ħaż Żabbar. L-inċident seħħ fi Sqaq
Numru 5 fi Triq il-Biċċieni, u jirriżulta li fost ilpersuni
involuti hemm tfajla ta' 17-il sena li qed
tistenna tarbija u tifla ta' sentejn. Kien għall-ħabta
tal-5:30am x'ħin infaqa' ċint li fuqu kien qed iżomm
tank ta' l-ilma. Kien f'dan il-mument li t-tank mimli
bl-ilma għeleb u t-toqol tiegħu faqa' x-xorok tassaqaf
tal-kċina tal-kerrejja.
Skond dawn iż-żewġ familji kien ilhom japplikaw
għall-għajnuna biex titranġa din ir-residenza. Malli
sar jaf bil-kaz, il-Ministeru tal-Familja u s-
Solidarjeta' Socjali beda jahdem biex joffri kenn lil
dawn iz-zewg familji minhabba li barra li spiccaw
f'post ikkundannat spiccaw ukoll minghajr isservizzi
essenzjali tad-dawl u l-ilma.
Filwaqt li rrakkontaw dak li għaddew minnu tul l-
għodwa, ż-żewġ ommijiet kellhom stqarrija waħda:
"Madonna tal-Grazzja ħelsitilna". Dan hekk kif l-
inċident seħħ propju ġimgħa qabel il-Festa tal-Madonna tal-Grazzja f'Ħaż Żabbar.
L-investigazzjonijiet tal-pulizija f'dan il-kaz tmexxew mis-Surgent Charles Bonello
mill-Għassa ta' Ħaż Żabbar.
IX-XOGĦLIJIET FUQ IZ-ZUNTIER TAS-
SANTWARJU TA’ ĦAŻ ŻABBAR: L-iżvilupp u l-
progress ma jwaqqafhom ħadd. Iżda qed isir minn
kollox biex il-karatteristiċi tipiċi taċ-ċentru tar-raħal
Malti jinżammu. Dan qalu il-Ministru għar-Riżorsi u
l-Infrastruttura Ninu Zammit. Ix-xoghol li qed isir fuq
iz-zuntier tas-Santwarju ta' Haż Żabbar hu parti
zgħira biss minn programm ta' xogħlijiet li saru u
qed isiru madwar il-gżejjer Maltin tul l-aħħar snin u
li b'kollox involvew investiment ta' nofs miljun lira.
Iż-żona totali tal-pavimentar hi ta' madwar 400
metru kwadru. Ix-xogħol sar kollu mill-ħaddiema
tal-Gvern filwaqt li l-madum tqiegħed minn
kuntrattur privat. Il-Ministru tenna li dan il-proġett
hu eżempju ċar ta' l-effiċjenza u l-mod kif qed
jaħdmu l-ħaddiema tal-Gvern peress li sar fi żmien
stipulat ta' anqas minn tmien ġimgħat.

JITĦABBRU D-DATI TA’ L-ISTAĠUN TAL-KAĊĊA U L-INSIB FIL-ĦARIFA: Il-
Ministeru għall-Affarijiet Rurali u l-Ambjent ħabbar id-dati tal-ftuħ ta' l-istaġun talkaċċa
u l-insib fil-ħarifa. Il-kaċċa fuq l-art se tkun miftuħa bejn l-ewwel ta'
Settembru u l-31 ta' Jannar 2008. Waqt li l-kaċċa fuq il-baħar se tkun miftuħa
bejn l-ewwel t'Ottubru u l-31 ta' Jannar li ġej. L-
istaġun ta' l-insib ta' l-għasafar ta' l-għana se jkun
miftuħ bejn l-1 t'Ottubru u l-31 ta’ Jannar waqt li dak
ta' l-insib tal-gamiem u s-summien, se jiftaħ fl-1 ta'
Settembru u wkoll jagħlaq fil-31 ta’ Jannar. Iżda l-
insib tal-malvizz u l-pluvieri jista' jsir bejn l-20
t'Ottubru u l-10 ta' Jannar. Il-Gvern iddeċieda wkoll li
għall-perjodu bejn il-15 u t-30 ta’ Settembru, li huwa
perjodu li fih l-aktar li jpassi t-tajr tal-priża, il-kaċċa
minn fuq l-art se tingħalaq mit-tlieta ta' wara
nofsinhar sa sagħtejn qabel tlugħ ix-xemx. Il-kaċċa fil-Ħdud tibqa' skond il-ħinijiet
stipulati fil-liġi jiġifieri sas-siegħa ta' wara nofsinhar. Il-gvern fakkar li min jinqabad
jikser il-liġi jista' jeħel multi u pieni u għalhekk appella lill-kaċċaturi u n-nassaba
kollha sabiex jipprattikaw l-attivita' tagħhom b'mod responsabbli biex ikunu evitati
inċidenti bħalma ġara f'Mejju li għadda meta nqatel numru ta' tajr protett.
Il-Ħamis, 30 ta’ Awissu:
LULJU B’ĊIFRA OĦRA REKORD TA’ TURISTI – Jonqfu Lm9.6 miljun aktar:
B'147,700 turist iżuru Malta, Lulju kompla bix-xejra pożittiva fis-settur turistiku li
issa ilha għaddejja tul is-sena kollha, xahar wara l-ieħor. Iż-żieda f'Lulju kienet ta'
12.1% fuq l-istess perjodu s-sena l-oħra. Fl-ewwel seba' xhur ta' din is-sena żaru
Malta 649,502 turist, jiġifieri żieda ta' 7.6% fuq l-
istess perjodu s-sena li għaddiet u l-aħjar ċifri għallewwel
seba' xhur tas-sena fl-aħħar sitt snin. Flistess
waqt l-infiq mit-turisti fl-ewwel seba' xhur ta'
din is-sena kien ta' Lm232.7 miljun (€542.05 miljun),
żieda ta' Lm9.6 miljun (€22.36 miljun), jew 4.3% fuq
l-istess perjodu s-sena l-oħra. F'kumment lil
MaltaRightNow.com, il-Ministru għat-Turiżmu u l-
Kultura Francis Zammit Dimech qal li x-xejra
pożittiva fis-settur turistiku qed tissokta b'mod tajjeb. Hu qal li mhux biss l-ewwel
seba' xhur huma pożittivi iżda ċifri li joħorġu mill-Ajruport Internazzjonali ta' Malta
jindikaw li f'Awissu kien hemm ukoll żieda ta' madwar 11% fil-movimenti talpassiġġieri.
Il-Ministru għat-Turiżmu u l-Kultura qal li l-introduzzjoni tal-low-cost
carriers stimulat lil-legacy airlines biex huma wkoll iżidu r-rotot u joffru prezzijiet
aktar kompetittivi. Dan kollu wassal biex aktar nies qed jagħżlu Malta għallvaganzi
tagħhom.

9,000 TURIST QATGĦU BILJETT MA’ L-AIR MALTA GĦAL BEJN APRIL U
ĠUNJU LI ĠEJJIN: Waqt li l-lukandiera u dawk involuti fit-turiżmu qed isostnu li
dan kien l-aħjar Sajf fl-aħħar snin, jirriżulta li l-indikazzjoni għall-Ħarifa, x-Xitwa u
saħansitra r-Rebbiegħa tas-sena d-dieħla huma pożittivi. MaltaRightNow.com
jista' jiżvela kif il-linja nazzjonali ta' l-ajru Air Malta diġa' għandha aktar minn
9,000 turist li qatgħu l-biljett ta' l-ajru biex iżuru l-gżejjer Maltin bejn April u Ġunju
tas-sena d-dieħla. Dawn it-turisti approfittaw minn
offerta ta' titjirijiet li jibdew minn Lm2 li nediet l-Air
Malta fl-aħħar ta' Lulju li għadda u li għalqet il-bieraħ
filgħaxija. Kelliem għall-Air Malta qal li din l-offerta
kienet esperiment li rnexxa. Għal din l-offerta, l-Air
Malta m'għamiltx pubbliċita' fuq il-mezzi tax-xandir
jew mezzi oħrajn iżda użat biss il-portal il-ġdid
airmalta.com, li tnieda f'April li għadda. L-offerta
serviet ukoll biex tara jekk it-turisti u l-Maltin humiex
lesti jibbukkjaw titjira minn xhur ferm qabel. Jingħad li
5,000 persuna xtraw il-biljett ta' l-ajru għall-prezz ta'
Lm2 biss, filwaqt li 6,000 oħra xtraw il-biljett bi prezz imraħħas li ma kienx jaqbeż
il-Lm31. Ħafna mit-turisti li diġa' ddeċiedew li jiġu Malta fir-rebbiegħa tas-sena d-
dieħla mhux biss xtraw il-biljett ta' l-ajru, iżda saħansitra bbukkjaw il-lukanda fejn
se jkunu alloġġjati. Dan għamluh mill-portal ta' l-Air Malta. Minbarra l-eluf ta'
turisti li approfittaw minn titjirijiet irħas ħafna lejn Malta, jirriżulta li kien hemm
madwar 2,200 Malti u Maltija li wkoll xtraw biljetti irħas ma' l-Air Malta għal tmien
destinazzjonijiet fl-Ewropa.
APRIL-ĠUNJU 2007: Il-Bejgħ totali tan-negozji fil-manifattura jiżdied
b’Lm6.5 miljun: Bejn April u Ġunju ta' din is-sena, l-bejgħ totali tan-negozji filmanifattura
fosthom kumpaniji li jipproduċu l-ikel, tessuti, injam u karti żdied
b'Lm6.5 miljun (€15.1 miljun) meta mqabbel ma' l-istess perjodu fl-2006. Dan
joħroġ minn stħarriġ li għamel l-Uffiċċju Nazzjonali ta' l-Istatistika (NSO) fost 390
kumpanija tal-manifattura. Minn dan l-istħarriġ jirriżulta li kien hemm żieda ta'
2.6% tal-bejgħ totali, minn madwar Lm253 miljun
(€589.3 miljun) fl-2006 għal aktar minn Lm260 miljun
(€605.6 miljun). L-istħarriġ juri wkoll li l-bejgħ ta'
apparat li jintuża fil-qasam tal-mezzi ta'
komunikazzjoni, fosthom is-settur tar-radju u t-
telviżjoni żdied bi Lm3.3 miljun (€7.7 miljun) fuq l-
istess perjodu tas-sena li għaddiet. Il-bejgħ żdied
ukoll fil-qasam tal-farmaċewtika u l-għamara fost l-
oħrajn. Intant, in-negozji li jimmanifatturaw apparat
elettroniku, apparat li jintuża fis-settur tal-media u
prodotti fil-qasam tal-kimika rreġistraw żieda fl-impjiegi filwaqt kien hemm tnaqqis
fl-impjiegi, f'oqsma oħra bħal dak tat-tessuti. L-investiment fil-qasam talmanifattura
għall-ewwel sitt xhur tas-sena kien fl-istess livell bħal dak ta' l-2006 u
ammonta għal aktar minn Lm33 miljun (€76.9 miljun).

IL-GVERN JITLOB INKJESTA MILL-KUMITAT TAL-KONTIJIET PUBBLIĊI
DWAR IL-KSIR: F'ittra mibgħuta liċ-Chairman tal-
Kumitat tal-Kontijiet Pubbliċi Charles Mangion, il-
Ministru għall-Investiment, l-Industrija u l-IT Austin
Gatt talab li ssir inkjesta dwar sensiela ta'
allegazzjonijiet li għamel il-Kap ta' l-Oppożizzjoni
Alfred Sant fuq il-Korporazzjoni għas-Servizzi ta' l-
Ilma (KSI). L-allegazzjonijiet kienu saru mill-Kap ta' l-
Oppożizzjoni fi stqarrija tal-Partit Laburista li ħarġet
nhar il-Ħadd li għadda. Hu esprima t-tama li l-Kap ta'
l-Oppożizzjoni jkun preżenti għal-laqgħa tal-Kumitat,
jew bħala wieħed mill-membri ta' l-Oppożizzjoni
inkella bħala xhud. B'hekk kulħadd ikollu l-
opportunita' jiddjaloga direttament miegħu u jara s-
sustanza tal-provi li kapaċi jġib.
PROĠETTI TA’ TITJIB F’SITT SKEJJEL MADWAR GĦAWDEX: Bħalissa
għaddejjin diversi xogħlijiet ta’ tisbiħ u modernizzar f’sitt skejjel f’Għawdex. Dawn
ix-xogħlijiet għaddejjin fl-istess ħin biex ikunu jistgħu jiġu mitmuma sal-bidu tassena
skolastika li jmiss. Dan ifisser li bħalissa qiegħed isir xogħol fi kważi nofs l-
iskejjel f’Għawdex għat-tfal ta’ taħt is-sittax-il sena. Fi kliem il-Ministru għal
Għawdex Giovanna Debono, li għamlet żjarat waqt li kien għaddej ix-xogħol fliskejjel
primarji tax-Xewkija, Nadur, Għajnsielem u Żebbuġ, dawn ix-xogħlijiet
huma konferma oħra ta’ l-impenn tal-Ministeru għal Għawdex biex kontinwament
ikompli jiżviluppa s-settur ta’ l-edukazzjoni f’Għawdex. Il-proġett ta’ tisbiħ fl-iskola
primarja Roża Magro fix-Xewkija riesaq lejn il-fażi finali tiegħu. Permezz ta’
investiment ta’ Lm130,000 saru xogħolijiet fost l-
oħrajn fil-klassijiet fis-sular ta’ fuq, inbnew aperturi
ġodda, ġew installati sistemi ġodda u moderni ta’
sigurta’ kontra n-nirien u CCTV flimkien ma’ sistema
ġdida ta’ l-elettriku waqt li ġew ukoll mibdula l-
faċilitajiet sanitarji madwar l-iskola. Xogħlijiet li diġa’
tlestew jinkludu l-immodernizzar tas-sala ta’ din l-
iskola, xogħol ta’ manutenzjoni fuq il-kolonni talfaċċata
kif ukoll xogħlijiet ġenerali bħal tibjid, tikħil u
bdil ta’ madum. Fl-aħħar ġimgħat bdew xogħlijiet strutturali fl-iskola primarja
Mons Salv Vella fin-Nadur, fejn ġew mibdula xi soqfa, tkabbru xi klassijiet, u sar
tibdil fis-sistema ta’ l-elettriku u ta’ l-ilma.
Skola oħra fejn qed isiru x-xogħlijiet hija l-iskola Anton Cassar f’Għajnsielem fejn
sar xogħol fil-klassijiet kif ukoll fil-kuridur. Ġew ukoll installati aperturi u bibien
ġodda permezz ta’ fondi allokati lil din l-iskola mill-Fondazzjoni għall-Iskejjel ta’
Għada. Fl-iskola primarja Mons Giov Andrea Vella fiż-Żebbuġ l-aperturi ta’ l-
injam inbidlu ma’ oħrajn ta’ l-aluminju permezz ta’ fondi ta’ l-FTS filwaqt li
bħalissa qed isir xogħol ta’ manutenzjoni ta’ l-istrutturi tal-konkrit kif ukoll tibjid.
Fil-jiem li ġejjin se jinbidlu wkoll il-bibien u t-twieqi kollha tas-sala li hemm f’din l-
iskola. Waqt żjara li għamlet f’erba’ mis-sitt skejjel fejn qed isir ix-xogħol, il-

Ministru Giovanna Debono qalet li l-Ministeru għal Għawdex flimkien mal-
Ministeru ta’ l-Edukazzjoni qed jinvestu b’mod sħiħ biex itejbu l-infrastruttura
eżistenti fil-qasam edukattiv f’Għawdex bl-għan li l-Gvern jipprovdi faċilitajiet u
għodda adegwati biex iħajjar u jinkoraġġixxi aktar tagħlim fost l-istudenti
Għawdxin ta’ kull eta’. Il-Ministru Debono fakkret li f’dawn l-aħħar tmien snin sar
investiment ta’ aktar minn Lm2.5 miljun biex saru xogħlijiet ta’ tisbiħ u
modernizzar f’diversi skejjel f’Għawdex filwaqt li rreferiet għal iktar proġetti
ambizzjużi li mistennija jibdew fil-qasam edukattiv f’Għawdex, fosthom l-
investiment ta’ Lm3 miljun għall-bini ta’ skola sekondarja ġdida għas-subien filbelt
Victoria. Dan minbarra iktar xogħlijiet ta’ titjib li għaddejjin bħalissa fi skejjel
oħra, fosthom fl-iskola sekondarja tal-bniet Agius de Soldanis u fiċ-Ċentru għal
Studji Ogħla Sir Mikelanġ Refalo. Il-Ministru Debono żaret ukoll iċ-ċentru ta’
Skola Sajf fl-iskola primarja tan-Nadur waqt li t-tfal kienu mpenjati f’attivita’
kreattiva. Tfal li qegħdin jattendu fid-disa’ ċentri ta’ Skola Sajf f’Għawdex, jiġu
pprovduti b’sessjonijiet ta’ pittura, tisjir u taħriġ kreattiv b’temi u suġġetti varjati.
Jiġu organizzati wkoll laqgħat informattivi ma’ entitajiet filantropiċi u
personalitajiet impenjati fl-oqsma soċjali u edukattivi. Din is-sena ġiet mogħtija
attenzjoni partikolari lit-tagħrif nutrizzjonali u l-introduzzjoni tal-munita Ewro.
Madwar tlett mitt student qed jattendu ċ-ċentri ta’ Skola Sajf f’Għawdex.
TRAĦĦIS FIL-PREZZIJIET TAD-DIESEL U L-PITROLJU: Il-Korporazzjoni
Enemalta ħabbret li b'effett mill-1 ta' Settembru li ġej il-prezz tad-diesel se jonqos
bi 8m għal kull litru. B'effett mill-bidu tax-xahar id-dieħel il-prezz tal-pitrolju se
jonqos b'9m. Min-naħa l-oħra, l-prezz tal-pretol bla ċomb u l-LRP żdied b'1m,
filwaqt li l-prezz tal-Light Heating Oil baqa' l-istess kif kien f'Awissu jiġifieri 25.6 ċ
għal kull litru. Il-bidliet li ħabbret l-Enemalta jinkludu żieda ta' 2.7m għal kull litru
bħala kummissjoni li se jibdew jieħdu s-sidien tal-pompi tal-petrol.
SANT IKOMPLI JIDDEFENDI DIKJARAZZJONIJIET KONTROVERSJALI U
DISKRIMINATORJI: Il-Mexxej Laburista Alfred Sant qed ikompli jiddefendi lillesponenti
Laburisti li fl-aħħar jiem għamlu dikjarazzjonijiet kontroversjali u
diskriminatorji. Wara li fl-aħħar jiem iddefenda lis-Segretarju Ġenerali Laburista,
Jason Micallef, Alfred Sant issa qed jiddefendi wkoll lill-ex Ministru Laburista,
Freddie Micallef. Fl-istess attivita li fiha Jason
Micallef kixef l-aġenda moħbija tal-Partit Laburista –
jiġifieri li Gvern ieħor ta’ Sant ikun Gvern tal-Laburisti
– Freddie Micallef appella lit-tmexxija tal-Partit
Laburista biex tibda minn issa tagħżel in-nies biex
jieħdu over meta l-Labour ikun fil-Gvern. Madankollu,
il-Mexxej Laburista Alfred Sant meta mistoqsi biex
jikkundanna din id-dikjarazzjoni, għażel li jiddefendi
lil Freddie Micallef – wieħed mis-sitt konsulenti
tiegħu. Ftit tal-jiem ilu, Media.Link żvela li waqt
attivita politika fil-magħluq tad-Deputat Laburista
Charles Buhagiar f’lukanda fil-Qawra, li għaliha ma
kienux mistednin il-ġurnalisti, Jason Micallef qal li

seta jistqarr kif se jkun il-Partit Laburista fil-Gvern għax fi kliemu “qegħdin
bejnietna”. Sa minn meta din id-dikjarazzjoni ħarġet fil-pubbliku, il-Partit Laburista
ordna lill-artikolisti u esponenti Laburisti biex kemm jista jkun jiddefendu lil Jason
Micallef. Fost l-oħrajn, fil-ġurnali tal-GWU inkitbu artikli bl-iskop li jnaqqsu millħsara
kbira li għamel Jason Micallef bid-dikjarazzjoni li għamel.
IĊĊEKKJA TISTAX TIVVOTA FUQ elezzjonigenerali.com: Ċittadini ta'
nazzjonalita barranija u li ilhom miżżewġin ma' ċittadini Maltin għal aktar minn
ħames snin jistgħu japplikaw għal ċittadinanza Maltija filwaqt li jekk huma
residenti Malta għandhom dritt għall-vot fl-elezzjoni ġenerali li jmiss. Min hu
eliġibbli japplika għaċ-ċittadinanza doppja għandu
jagħmel dan sa l-aħħar ta' Settembru. Barra
minhekk, wieħed jista' jivverifika jekk jistax jivvota billi
jżur is-sit elettroniku elezzjonigenerali.com. L-aktar li
għandhom jużaw dan is-sit elettroniku huma dawk li
għadhom kemm għalqu it-18-il sena, min kien jew
għadu jgħix barra minn Malta fuq xogħol, studju jew
għal xi raġuni oħra, min kien xi żmien ilu jgħix barra u
issa rritorna lura Malta, u dawk b'ċittadinanza doppja.
F'kumment lil MaltaRightNow.com, id-Direttur ta' l-
Uffiċċju Elettorali tal-Partit Nazzjonalista (ELCOM) Henri Darmanin fakkar li l-Liġi
Maltija dwar l-Elezzjonijiet tgħid li għandhom isiru żewġ pubblikazzjonijiet ta'
Reġistru Elettorali fis-sena: darba f'April u darba f'Ottubru. Għaldaqstant, wara l-
publikazzjoni ta' Ottubru 2007, ir-Reġistru li jmiss jidħol fis-seħħ fil-bidu tas-Sajf
2008, u għalhekk jaf ikun tard wisq biex wieħed jirranġa l-pożizzjoni tiegħu. Is-sit
elettroniku elezzjonigenerali.com se jkun aċċessibli kemm minn fuq is-sit
elettroniku tal-Partit Nazzjonalista kif ukoll minn fuq il-portal MaltaRightNow.com.
Henri Darmanin qal li hu ferm importanti li kulħadd jiċċekja jekk ismu jidhirx fir-
Reġistru Elettorali. Min għandu xi diffikulta' jista' jikkuntatja lill-Uffiċċju ELCOM
fuq 2149 3143 jew jibgħat e-mail fuq eg@pn.org.mt. Il-helplines ikunu miftuħa
bejn l-4:00pm u t-8:00pm.
Il-Ġimgħa, 31 ta’ Awissu:
FIDUĊJA LI X-XEJRA POŻITTIVA FIT-TURIŻMU TKOMPLI WKOLL FIX-XHUR TAX-
XITWA: Ix-xejra pożittiva fit-turiżmu mistennija tkompli fix-xhur li ġejjin. Dawk li
jaqilgħu x'jieklu minn din l-industrija turistika qed iħarsu 'l quddiem b'mod pożittiv
u qed jistennew Xitwa tajba. Ċifri ppubblikati mill-Uffiċċju Nazzjonali ta' l-
Istatistika (NSO) fil-jiem li għaddew urew li f'Lulju li għadda żaru Malta 147,700
turist. Dan ifisser żieda ta' 12.1% fuq l-istess xahar
is-sena li għaddiet. Żdiedu wkoll it-turisti meta
wieħed iħares lejn il-perjodu bejn Jannar u Lulju li
għadda, hekk kif fl-ewwel seba' xhur ta' din is-sena
ġew Malta 649,502 turist jew żieda ta' 7.6% fuq l-
istess seba' xhur tas-sena li għaddiet. Dawn iċ-ċifri
pożittivi issa mistennija jkomplu fix-xhur li ġejjin

fosthom fix-Xitwa, b'sens ta' ottimiżmu jiddomina fost il-lukandiera u dawk involuti
fis-settur turistiku. F'kumment lil MaltaRightNow.com, il-President ta' l-
Assoċjazzjoni Maltija għal-Lukandi u r-Ristoranti (MHRA) Sam Mifsud appella
biex il-Gvern iżid ir-reklamar ta' Malta barra minn xtutna, kif mistennija tagħmel l-
Awtorita' Maltija għat-Turiżmu (MTA). Dan wara li f'Settembru li ġej l-MTA
mistennija tippubblika pjan għal żieda fir-reklamar ta' Malta, li kif diġa' urew iċ-ċifri
qed jagħti l-frott.
ID-DINJA TFAKKAR GĦELUQ L-10 SNIN MILL-MEWT TAL-PRINĊIPESSA
DIANA: Eluf ta' persuni nġabru f'Pariġi u Londra biex ifakkru l-għaxar
anniversarju mill-mewt tal-Prinċipessa Diana u tpoġġew numru kbir ta' fjuri, ritratti
u messaġġi mwaħħla mal-postijiet marbuta mat-traġedja ta' għaxar snin ilu. L-
aktar post popolari jibqa' r-residenza ta' Diana
f'Londra, l-Palazz Kensington. Mat-13-il kolonna filmina
taħt Place de Alma, fejn il-karozza Mercedes li
fiha kien hemm Lady Diana u Dodi al-Fayed ħabtet,
tpoġġew numru ta' fjuri. Sadanittant, f'kappella qrib
Buckingham Palace l-Prinċipijiet William u Harry
organizzaw servizz ta' tifkira flimkien ma' numru ta'
membri tal-familja rjali u ċelebritajiet oħrajn fosthom
r-Reġina Eliżabetta II, l-Prinċep Karlu u il-kantant
Elton John li għaxar snin ilu għamel verżjoni speċjali ta' "Candle in the Wind"
iddedikata lil Diana. It-tieni mara tal-Prinċep Karlu, Camilla Parker-Bowles - li l-
Prinċipessa Diana kienet issejħila "Rotweiller", iddeċidiet li ma tattendix biex
tevita l-kontroversja. Barra minhekk, Peter Burrell - li kien il-butler "tal-Prinċipessa
tal-Poplu" - ma kienx mistieden. F'din iċ-ċerimonja, il-Mexxej Spiritwali tal-Knisja
Anglikana Rowan Williams - li mexxA ċ-ċerimonja – radd hajr lil Alla għall-
"memorji tagħha li għadna ngħożżu". Is-servizz kien jinkludi wkoll qari minn ulied
il-Prinċipessa Diana - William u Harry - li meta mietet ommhom kellhom 15-il
sena u 12-il sena rispettivament - u minn oħtha Lady Sarah McCorquodale.
IS-16-IL EDIZZJONI TAL-KONKORS KANZUNETTA INDIPENDENZA: L-
edizzjoni li jmiss tal-Konkors Kanzunetta Indipendenza 2007 hi s-16-il waħda.
Sena wara l-oħra dan il-Festival ġibed l-attenzjoni ta' uħud mill-aqwa kompożituri,
awturi u kantanti Maltin, li llum qed iqisu dan il-
Konkors bħala t-tieni l-akbar Festival f'pajjiżna. Filfatt,
is-16-il edizzjoni qed tingħata prominenza
qawwija tant li għall-ewwel darba dan il-Festival
għandu abbinat miegħu l-programm televiżiv
"IndiFest" li matulu minbarra clips tal-kanzunetti qed
jingħata ċ-ċans ukoll li l-kantanti jinterpretaw ilkanzunetta
sħiħa. Kompożituri u atturi ġew
mistiedna fil-programm biex huma wkoll jingħataw
promozzjoni. Matul dawn il-ġranet tnehdiet ukoll is-
CD bl-20 kanzunetta, u b'hekk il-pubbliku minn issa
jista' jibda jakkwista l-kopja tiegħu. Is-serata finali

tal-Konkors Kanzunetta Indipendenza se tittella' nhar it-Tnejn 17 ta' Settembru
Fuq il-Fosos tal-Floriana f'xandira diretta fuq NET Television. Is-serata, bi
preżentazzjoni ta' Louise Tedesco u Pierre Cordina, tinfetaħ mir-rebbieħa ta' l-
edizzjoni tas-sena l-oħra Claudia Faniello li se tinterpreta l-kanzunetta rebbieħa
"Ma Nafx" kif ukoll is-silta l-ġdida tagħha "Wild Flower". Hemm ukoll l-ispettaklu
ta' madwar 35 minuta sakemm joħroġ ir-riżultat finali bi Tristan B bħala l-
mistieden ewlieni flimkien mal-mistiedna tiegħu, Ron u Ivana Spagna. Minbarra
kanzunetti mir-repertorju tagħhom, hu mistenni li Tristan B, Ron u Spagna
jinterpretaw flimkien "You Raise Me Up". Bħas-snin l-oħra, waqt il-Konkors
Kanzunetta Indipendenza ġurija apposta se tkun qed tagħti l-voti tagħha, kif ukoll
il-pubbliku se jkun jista' jagħti l-fehma tiegħu.