sommaire introduction editorial - Institut national de la statistique ...

Sehatra n° 0001 Juillet 2002
tsakany sy an-davany ireo asa ireo
amin’ny ankapobeny.
Izay no azo lazaina momba ny asa
fanao an-davanandro fa nisy ihany koa
ny tetikasa noeritreretina hatao ka azo
raisina ohatra amin’izany ny
fanavaozana ireo solosaina
ampiasain’ny DI satria efa antitra izy
ireo ka tsy mahefa ny asany ara-dalàna
intsony. Raha tsahivina tokoa mantsy
dia efa tamin’ny taona 1980 no
nanomboka nampiasana ny
sasantsasany tamin’izy ireo. Tafiditra
amin’io tetikasa noresahina teo aloha
io koa ny fanofanana ny mpiasa
rehetra ato amin’ny INSTAT mba
hampitomboana ny fahaizamanaon’izy
ireo amin’ny fampiasana
solosaina. Voatery tsy maintsy
hahemotra anefa io tetikasa io noho ny
fanomanana tsy maintsy hatao sy ny
lafiny ara-bola.
Iza no mamatsy vola io fanofanana
io ?
Noho ny lanja manokana ananan’ny
DI dia ny fanjakana mihitsy no
mpamatsy vola mivantana azy. Tsara
ho marihina fa ny DI no Ivon-toerana
lehibe sy tranainy indrindra eto
Madagasikara raha ny lafiny kajy
mirindra no jerena satria mahatratra 38
eo ho eo ny solosaina madinika miasa
ao ankoatra ireo solosaina vaventy
izay mbola mandeha tsara.
Mbola misy asa hafa ankoatra ireo
voatanisa ireo koa ve azon’ny eto
amin’ny DI atao ?
Ho fanampin’izay voalaza rehetra teo
izay dia afaka manampy ireny
Ministera isan-karazany ireny amin’ny
lafiny fampiasana sy fikojakojana
solosaina koa ny eto amin’ny DI.
Araka izany, raha misy Ministera
manana olana eo amin’ny lafiny
solosaina dia vonona hifanampy
aminy ny INSTAT. Ny tao amin’ny
Seranan’i Toamasina ohatra dia saika
niara-niasa tamin’ny DI saingy tsy azo
notanterahina izany noho ny toedraharaha
nisy teto amin’ny firenena.
Torak’izany koa ny fampidirana asa
amin’ny solosaina (saisie), ny olona
any ivelany dia afaka mampanao asa
ny eto amin’ny DI. Efa manana
traik’efa amin’izany izy satria efa
maro ny tetikasa nandraisany anjara.
Ambonin’izay dia efa misy lamin’asa
maty paika mihitsy ao raha eo
amin’ny lafiny fitsinjaran’asa ka izany
no mampahomby ny asa atao ao.
Aurélien ONIVOLOLONA
Directeur Informatique
10/07/2002
Direction de la
Démographie et des
Statistiques Sociales
Sehatra : Inona avy ny asa natao
tato amin’ity Direction ity nandritra
izay enim-bolana izay ?
DDSS : Voalohany aloha dia tsara ho
fantatra fa misy Sampandraharaha telo
ato amin’ity DDSS ity : ny Service de
Recensement, ny Service de l’Etat
Civil ary ny Service des Statistiques
Sociales. Samy manana ny asany
daholo izy ireo saingy mifantoka
betsaka amin’ny fandinihina ny
momba ny mponina daholo ny asa
ataony. Raha ny marina, tato
anatin’izay enim-bolana izay dia tsy
afaka nanatanteraka ara-dalàna ny asa
tokony nataony izy ireo noho ireny
zava-niseho teto amin’ny firenena
ireny izay nisy fiantraikany be dia be
tamin’ny asan’ny INSTAT sy ireo
Directions rehetra misy ao aminy.
Inona kosa ary no azonao ambara
momba ny fanisam-bahoaka izay
hatao amin’ny taona 2003 ?
Tsy maintsy hatao izy io satria
manana ny lanjany manokana eo
amin’ny fiainam-pirenena. Mitaky
fanomanana hentitra kosa anefa ny asa
toa ireny satria mahahenika an’i
Madagasikara manontolo. Tsara ho
marihina koa fa ny fanomanana ny
fanisam-bahoaka dia asa sarotra sy tsy
azo tsinontsinoavina satria miantoka
ny fahombiazan’ny asa. Efa tokony
natao tamin’ny volana janoary lasa teo
ny fiomanana saingy tsy tanteraka
izany. Mazava ho azy araka izany fa
tsy maintsy hahemotra ny fanaovana
io fanisam-bahoaka io.
Inona avy daholo ny zavatra tsy
maintsy hatao amin’ny fanomanana
ireny fanisam-bahoaka ireny ?
Betsaka ny zavatra tsy maintsy
homanina rehefa hanao fanisambahoaka.
Eo ohatra ny fanofanana ny
mpanisa, ny fikarakarana ny
fanontaniana hapetraka amin’ny olona
hisaina (questionnaires), ny boky
rehetra, ny fanangonana ny vokatry ny
fanisam-bahoaka (collecte), ny
fikarakarana ny solosaina, sns...
Maharitra roa taona eo ho eo
farafahakeliny ny fanomanana ireny
fanisam-bahoaka ireny ary any
amin’ny tany efa mandroso toa an’i
Etazonia aza dia raha vao vita ny
fanisam-bahoaka atao dia efa
atomboka sahady ny fanomanana ny
fanisana manaraka. Miankina amin’ny
vola sy ny fitaovana ho enti-manana
ary ny olona hanatanteraka ny asa
daholo anefa izany rehetra izany.
Oviana no nisy fanisam-bahoaka
farany teto Madagasikara ary inona
no tena tanjona amin’ny fanaovana
azy ireny ?
Folo taona lasa, izany hoe tamin’ny
taona 1993, no nisy fanisam-bahoaka
farany teto Madagasikara. Any
amin’ireo tany mandroso any Eoropa
kosa dia isaky ny fito na valo taona no
manao izany izy. Tsy azo tanterahina
isan-taona anefa izy io na dia any
amin’ireo tany matanjaka aza. Ny
tanjona amin”ny fanaovana azy ireny
moa dia ny fahafantarana ny momba
ny mponina manontolo. Jerena
amin’izany ny toetoetran’ny
mponina : ny isany, ny tontolon’ny asa
sy ny harena misy eo amin’ilay
faritra… mba ahafahan’ny mpitondra
manatsara ny fitantanana izany faritra
izany. Ahafana manao drafitrasa sy
fanaraha-maso ary tomban’ezaka
(suivi-évaluation) ihany koa izy io. Ny
tena mahazava-dehibe itony fanisambahoaka
itony dia ny fahazoana
antontan’isa hatrany amin’ny tanàna
faran’izay kely indrindra.
Ny DDSS irery ve no hanao azy ity
sa misy Direction hafa handray
anjara koa ?
Ny INSTAT iray manontolo mihitsy
no miara-mientana rehefa manao
fanisam-bahoaka satria azo lazaina ho
asa vadi-drano ihany izy io ka tsy vita
raha tsy hifanakonana.
Inona no fanamarihana mba tianao
atao ?
Tsy manana fanamarihana manokana
ny tenako fa mba iriko kosa ny
6
Bulletin Interne de l’INSTAT