Thuarascáil Bhliantúil 2008

oop thuarascáil
bhliantúil
08
Seirbhísí Bainistíochta Maoine
Bainistíocht Maoine
Forbhreathnú ar an Margadh 2008
Ag tús 2008 bhí margadh oifigí Bhaile Átha Cliath láidir fós, díreach mar a bhí sé le linn 2007, ach ba léir cheana féin go raibh
deireadh ag teacht leis an ardú leanúnach. Go dtí déanach san earrach bhí leibhéal ard maith d’idirbhearta spreagtha ag
éilimh ó áititheoirí, ach ó mhí an Mheithimh 2008 ar aghaidh, tháinig athrú tobann suntasach ar an margadh. Cé go raibh an
margadh cúigeach athraitheach, go ginearálta, tháinig meath air i rith na bliana, rud a léirigh go raibh ró-sholáthar áitiúil
suntasach i gceist.
Gan amhras, léirigh an t-athrú tobann seo, go háirithe i margadh oifigí ceannasach Bhaile Átha Cliath, aisiompú tapa Éireann
ó thréimhse leanúnach d’fhás geilleagrach. Cé go raibh sé spreagtha ag an gcúlú geilleagrach domhanda a lean an
ghéarchéim fhorleathan i ngníomhaíochtaí baincéireachta, agus a léirigh é féin mar “ghéarchor creidmheasa”, bhí tionchar
suntasach aige ar earnáil mhaoine na hÉireann agus nochtadh boilgeog mhaoine nár tugadh mórán airde air go dtí sin.
Sa dara leath de 2008 tháinig laghdú tapa ar luachanna maoine tráchtála Éireannacha, agus faoi dheireadh na bliana, de réir
foinsí margaidh, bhí laghdú thart ar 37% tar éis teacht orthu. Bhí an laghdú sin ar luachanna caipitil le feiceáil sa mhargadh
cíosa oifigí freisin, inar tháinig laghdú tobann ar éileamh mar gheall ar easpa muiníne, easpa creidmheasa agus éiginnteacht
faoi cé chomh hísle agus ar feadh cén tréimhse a thitfeadh an margadh sula dtiocfadh sé chuige féin agus sula dtosódh fás
arís.
An margadh cíosa oifigí i mBaile Átha Cliath
In 2008 críochnaíodh beagnach 200,000 méadar cearnach de chóiríocht nua oifige sa phríomhchathair. De réir roinnt foinsí
gníomhaireachta, is laghdú de thart ar 3% ar an mbliain roimhe sin é sin. Críochnaíodh na forbairtí nua oifige seo i
Lárcheantar Gnó príomhúil Bhaile Átha Cliath 2 agus 4 agus sa Cheantar Dugaí, agus sna páirceanna oifige fo-uirbeacha, go
háirithe na páirceanna sin atá suite gar do chuar-mhótarbhealach an M50. Mar thoradh ar éileamh a raibh laghdú suntasach
tagtha air, soláthar méadaithe, gníomhaíocht gheilleagrach laghdaithe agus comhdhlúthú/cuíchóiriú tháinig méadú 4%
chuig beagnach 16.5% ar an ráta folúntais san earnáil oifige, de réir figiúirí a thagann ó fhoinsí margaidh.
Sócmhainní Stáit a Chlaochlú
In 2008, leanadh ar aghaidh ag scrúdú phunann maoine an Stáit d’fhonn maoin fholamh, maoin nach mbaintear go leor
úsáide aisti, maoin thearcfhorbartha nó maoin bharrachais a aithint. Cuireadh tús leis an bpróiseas seo in 2004.
Faoi mhí na Nollag 2008, d’aithin an próiseas roinnt maoine a mheastar go bhfuil sé oiriúnach iad a dhiúscairt. Ó tosaíodh an
clár i mí Eanáir 2004, tiomsaíodh níos mó ná €373 milliún trí Mhaoin Stáit a dhíol .
27